ಪಿಓಕೆ ನಮ್ಮದು; ಒಂದಿಂಚು ನೆಲವನ್ನೂ ಬಿಟ್ಟುಕೊಡಲ್ಲ: ಭಾರತ

ಹೊಸದಿಲ್ಲಿ: ಪಾಕ್ ಆಕ್ರಮಿತ ಕಾಶ್ಮೀರವು ತನಗೆ ಸೇರಿದ್ದು ಜಮ್ಮು ಮತ್ತು ಕಾಶ್ಮೀರದ ಅವಿಭಾಜ್ಯ ಅಂಗವಾಗಿದೆ ಎಂದು ಭಾರತ ಪ್ರತಿಪಾದಿಸಿದೆ. ಗಿಲ್ಗಿಟ್-ಬಾಲ್ಟಿಸ್ತಾನ್ ಭಾಗವನ್ನು ಪ್ರತ್ಯೇಕ ರಾಜ್ಯವಾಗಿ ಘೋಇಸುವ ಪಾಕ್‌ ಪ್ರಯತ್ನದ ನಡುವೆಯೇ ಭಾರತ ಮತ್ತೊಮ್ಮೆ ತನ್ನ ಹಕ್ಕು ಪ್ರತಿಪಾದಿಸಿದೆ.

ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಲೋಕಸಭೆಯಲ್ಲಿ ಈ ವಿಷಯ ಸ್ಪಷ್ಟಪಡಿಸಿದರು. ಭಾರತ ತನಗೆ ಸೇರಿದ ಯಾವುದೇ ಪ್ರದೇಶವನ್ನು ಬಿಟ್ಟುಕೊಡುತ್ತದೆ ಎಂದು ಭಾವಿಸುವುದು ಮೂರ್ಖತನ ಎಂದು ಸ್ಪಷ್ಟಪಡಿಸಿದರು.

ಗಿಲ್ಗಿಟ್‌-ಬಾಲ್ಟಿಸ್ತಾನ್‌ ಅನ್ನು ತನ್ನ ಐದನೇ ರಾಜ್ಯವಾಗಿ ಘೋಷಿಸುವ ಪಾಕ್ ಪ್ರಯತ್ನದ ಬಗ್ಗೆ ಭಾರತ ಸರಿಯಾಗಿ ಪ್ರತಿಕ್ರಿಯಿಸಿಲ್ಲ ಎಂಬ ಬಿಜೆಡಿ ನಾಯಕ ಭರ್ತೃಹರಿ ಮಹ್ತಾಬ್ ಅವರ ಹೇಳಿಕೆಗೆ ಉತ್ತರವಾಗಿ ಸಚಿವೆ ಈ ಸ್ಪಷ್ಟನೆ ನೀಡಿದರು.

ಪಾಶ್ಚಾತ್ಯ ದೇಶಗಳು ಪಾಕ್ ಕ್ರಮವನ್ನು ಖಂಡಿಸಿವೆ. ಆದರೆ ನಮ್ಮ ಸರಕಾರದ ನಿಲುವೇನು? ಎಂದು ಅವರು ಪ್ರಶ್ನಿಸಿದ್ದರು.

ಪಾಕ್‌ ನಡೆಯ ಬಗ್ಗೆ ಮಾಹಿತಿ ದೊರೆತ ಕೂಡಲೇ ಭಾರತ ಸರಕಾರ ಅದನ್ನು ವಿರೋಧಿಸಿದೆ ಎಂದು ಸಚಿವೆ ಉತ್ತರಿಸಿದರು.

India underlines claim over PoK, Gilgit-Baltistan

NEW DELHI: India underlined its claim over territories of Jammu and Kashmir under Pakistani occupation today amid moves by Islamabad to declare Gilgit-Baltistan as a new province.