ಹೊಸದಿಲ್ಲಿ: ಆಸ್ಟ್ರೇಲಿಯಾದ ಕ್ವೀನ್ಸ್‌ಲ್ಯಾಂಡ್‌ನಲ್ಲಿ 2018ರಲ್ಲಿ ಮಹಿಳೆಯನ್ನು ಕೊಂದು ಭಾರತಕ್ಕೆ ಪಲಾಯನ ಮಾಡಿದ್ದ ಪಂಜಾಬ್ ಮೂಲದ ವ್ಯಕ್ತಿ, ಆಕೆಯ ನಾಯಿ ತನ್ನನ್ನು ನೋಡಿ ಬೊಗಳಿದ್ದರಿಂದ ಕೊಲೆ ಮಾಡಿದ್ದಾಗಿ ಪೊಲೀಸರಿಗೆ ತಿಳಿಸಿದ್ದಾನೆ.
ತನ್ನ ಮೂಲ ವಿಳಾಸದಲ್ಲಿ ಎಲ್ಲಿಯೂ ಸಿಗದ ರಾಜ್ವಿಂದರ್ ಸಿಂಗ್ ಪತ್ತೆಗಾಗಿ ದಿಲ್ಲಿ ಮತ್ತು ಪಂಜಾಬ್ ಪೊಲೀಸರು ಹಾಗೂ ಇತರೆ ತನಿಖಾ ಸಂಸ್ಥೆಗಳು ಸಾಕಷ್ಟು ಹುಡುಕಾಟ ನಡೆಸಿದ್ದವು. ಆತ ಕೊನೆಗೂ ಶುಕ್ರವಾರ ದಿಲ್ಲಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದ. ಕಾರ್ಡಿಂಗ್ಲೆ ಅವರ ನಾಯಿ ತನ್ನತ್ತ ಬೊಗಳಿದ್ದರಿಂದ ಕೋಪಗೊಂಡು ಆಕೆಯನ್ನು ಸಿಂಗ್ ಕೊಂದಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಹೆಂಡತಿ ಜತೆ ಜಗಳವಾದ ಬಳಿಕ ರಾಜ್ವಿಂದರ್ ಸಿಂಗ್ (38) ಕ್ವೀನ್ಸ್‌ಲ್ಯಾಂಡ್‌ನ ವಾಂಗೆಟ್ಟಿ ಬೀಚ್‌ಗೆ ತೆರಳಿದ್ದ. ಸ್ವಲ್ಪ ಹಣ್ಣು ಮತ್ತು ಅಡುಗೆಕೋಣೆ ಚಾಕು ತೆಗೆದುಕೊಂಡು ತೆರಳಿದ್ದಾಗಿ ಆತ ದಿಲ್ಲಿ ಪೊಲೀಸರಿಗೆ ಹೇಳಿದ್ದಾನೆ.
ಔಷಧ ಮಾರಾಟ ಕೆಲಸಗಾರ್ತಿಯಾಗಿದ್ದ ಕಾರ್ಡಿಂಗ್ಲೆ, ಬೀಚ್‌ನಲ್ಲಿ ತಮ್ಮ ನಾಯಿ ಜತೆ ನಡೆದುಕೊಂಡು ಹೋಗುತ್ತಿದ್ದರು. ರಾಜ್ವಿಂದರ್‌ನನ್ನು ಕಂಡ ಕಾರ್ಡಿಂಗ್ಲೆ ಅವರ ನಾಯಿ ಬೊಗಳತೊಡಗಿತು. ಈ ವಿಚಾರವಾಗಿ ರಾಜ್ವಿಂದರ್ ಮತ್ತು ಕಾರ್ಡಿಂಗ್ಲೆ ನಡುವೆ ವಾಗ್ವಾದ ನಡೆದಿತ್ತು. ಕೋಪಗೊಂಡ ರಾಜ್ವಿಂದರ್, ಆಕೆ ಮೇಲೆ ಚಾಕುವಿನಿಂದ ದಾಳಿ ನಡೆಸಿ ಕೊಂದಿದ್ದ. ಬಳಿಕ ಆಕೆಯ ದೇಹವನ್ನು ಮರಳಿನಲ್ಲಿ ಹೂತುಹಾಕಿ, ನಾಯಿಯನ್ನು ಮರವೊಂದಕ್ಕೆ ಕಟ್ಟಿಹಾಕಿದ್ದ.
ತನ್ನ ಕೆಲಸ, ಹೆಂಡತಿ ಮತ್ತು ಮೂವರು ಮಕ್ಕಳನ್ನು ಬಿಟ್ಟು ಎರಡು ದಿನಗಳ ಬಳಿಕ ಆಸ್ಟ್ರೇಲಿಯಾದಿಂದ ಪಲಾಯನ ಮಾಡಿದ್ದ. ರಾಜ್ವಿಂದರ್‌ನ ಫೋನ್ ಲೊಕೇಷನ್ ಈ ಸ್ಥಳದಲ್ಲಿ ಪತ್ತೆಯಾಗಿದ್ದರಿಂದ ಆತನೇ ಪ್ರಾಥಮಿಕ ಶಂಕಿತನಾಗಿದ್ದ. ಆದರೆ ಅಷ್ಟರಲ್ಲಾಗಲೇ ಭಾರತಕ್ಕೆ ಬಂದಿಳಿದಿದ್ದ ಆತ, ಪೊಲೀಸರ ಕೈಗೆ ಕೂಡ ಸಿಗದೆ ತಲೆಮರೆಸಿಕೊಂಡಿದ್ದ. ನ. 21ರಂದು ಪಟಿಯಾಲ ಹೌಸ್ ಕೋರ್ಟ್‌ನಿಂದ ಜಾಮೀನುರಹಿತ ಬಂಧನ ವಾರಂಟ್ ಹೊರಡಿಸಿದ ನಂತರ ಇಂಟರ್‌ಪೋಲ್ ರೆಡ್ ಕಾರ್ನರ್ ನೋಟಿಸ್ ಜಾರಿ ಮಾಡಿತ್ತು. ಸಿಬಿಐ ಹಂಚಿಕೊಂಡ ಮಾಹಿತಿ ಆಧಾರದಲ್ಲಿ ಆತನನ್ನು ದಿಲ್ಲಿ ಪೊಲೀಸರ ವಿಶೇಷ ಘಟಕವು ಕೆಟಿ ಕರ್ನಲ್ ರಸ್ತೆ ಸಮೀಪ ಬಂಧಿಸಿತ್ತು.
ತನ್ನ ಮೂಲ ವಿಳಾಸದಲ್ಲಿ ಎಲ್ಲಿಯೂ ಸಿಗದ ರಾಜ್ವಿಂದರ್ ಸಿಂಗ್ ಪತ್ತೆಗಾಗಿ ದಿಲ್ಲಿ ಮತ್ತು ಪಂಜಾಬ್ ಪೊಲೀಸರು ಹಾಗೂ ಇತರೆ ತನಿಖಾ ಸಂಸ್ಥೆಗಳು ಸಾಕಷ್ಟು ಹುಡುಕಾಟ ನಡೆಸಿದ್ದವು. ಆತ ಕೊನೆಗೂ ಶುಕ್ರವಾರ ದಿಲ್ಲಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದ. ಕಾರ್ಡಿಂಗ್ಲೆ ಅವರ ನಾಯಿ ತನ್ನತ್ತ ಬೊಗಳಿದ್ದರಿಂದ ಕೋಪಗೊಂಡು ಆಕೆಯನ್ನು ಸಿಂಗ್ ಕೊಂದಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಹೆಂಡತಿ ಜತೆ ಜಗಳವಾದ ಬಳಿಕ ರಾಜ್ವಿಂದರ್ ಸಿಂಗ್ (38) ಕ್ವೀನ್ಸ್‌ಲ್ಯಾಂಡ್‌ನ ವಾಂಗೆಟ್ಟಿ ಬೀಚ್‌ಗೆ ತೆರಳಿದ್ದ. ಸ್ವಲ್ಪ ಹಣ್ಣು ಮತ್ತು ಅಡುಗೆಕೋಣೆ ಚಾಕು ತೆಗೆದುಕೊಂಡು ತೆರಳಿದ್ದಾಗಿ ಆತ ದಿಲ್ಲಿ ಪೊಲೀಸರಿಗೆ ಹೇಳಿದ್ದಾನೆ.
ಔಷಧ ಮಾರಾಟ ಕೆಲಸಗಾರ್ತಿಯಾಗಿದ್ದ ಕಾರ್ಡಿಂಗ್ಲೆ, ಬೀಚ್‌ನಲ್ಲಿ ತಮ್ಮ ನಾಯಿ ಜತೆ ನಡೆದುಕೊಂಡು ಹೋಗುತ್ತಿದ್ದರು. ರಾಜ್ವಿಂದರ್‌ನನ್ನು ಕಂಡ ಕಾರ್ಡಿಂಗ್ಲೆ ಅವರ ನಾಯಿ ಬೊಗಳತೊಡಗಿತು. ಈ ವಿಚಾರವಾಗಿ ರಾಜ್ವಿಂದರ್ ಮತ್ತು ಕಾರ್ಡಿಂಗ್ಲೆ ನಡುವೆ ವಾಗ್ವಾದ ನಡೆದಿತ್ತು. ಕೋಪಗೊಂಡ ರಾಜ್ವಿಂದರ್, ಆಕೆ ಮೇಲೆ ಚಾಕುವಿನಿಂದ ದಾಳಿ ನಡೆಸಿ ಕೊಂದಿದ್ದ. ಬಳಿಕ ಆಕೆಯ ದೇಹವನ್ನು ಮರಳಿನಲ್ಲಿ ಹೂತುಹಾಕಿ, ನಾಯಿಯನ್ನು ಮರವೊಂದಕ್ಕೆ ಕಟ್ಟಿಹಾಕಿದ್ದ.
ತನ್ನ ಕೆಲಸ, ಹೆಂಡತಿ ಮತ್ತು ಮೂವರು ಮಕ್ಕಳನ್ನು ಬಿಟ್ಟು ಎರಡು ದಿನಗಳ ಬಳಿಕ ಆಸ್ಟ್ರೇಲಿಯಾದಿಂದ ಪಲಾಯನ ಮಾಡಿದ್ದ. ರಾಜ್ವಿಂದರ್‌ನ ಫೋನ್ ಲೊಕೇಷನ್ ಈ ಸ್ಥಳದಲ್ಲಿ ಪತ್ತೆಯಾಗಿದ್ದರಿಂದ ಆತನೇ ಪ್ರಾಥಮಿಕ ಶಂಕಿತನಾಗಿದ್ದ. ಆದರೆ ಅಷ್ಟರಲ್ಲಾಗಲೇ ಭಾರತಕ್ಕೆ ಬಂದಿಳಿದಿದ್ದ ಆತ, ಪೊಲೀಸರ ಕೈಗೆ ಕೂಡ ಸಿಗದೆ ತಲೆಮರೆಸಿಕೊಂಡಿದ್ದ. ನ. 21ರಂದು ಪಟಿಯಾಲ ಹೌಸ್ ಕೋರ್ಟ್‌ನಿಂದ ಜಾಮೀನುರಹಿತ ಬಂಧನ ವಾರಂಟ್ ಹೊರಡಿಸಿದ ನಂತರ ಇಂಟರ್‌ಪೋಲ್ ರೆಡ್ ಕಾರ್ನರ್ ನೋಟಿಸ್ ಜಾರಿ ಮಾಡಿತ್ತು. ಸಿಬಿಐ ಹಂಚಿಕೊಂಡ ಮಾಹಿತಿ ಆಧಾರದಲ್ಲಿ ಆತನನ್ನು ದಿಲ್ಲಿ ಪೊಲೀಸರ ವಿಶೇಷ ಘಟಕವು ಕೆಟಿ ಕರ್ನಲ್ ರಸ್ತೆ ಸಮೀಪ ಬಂಧಿಸಿತ್ತು.