ಮಧ್ಯಮ ದೂರದ ಕ್ಷಿಪಣಿ ಪರೀಕ್ಷೆ ನಡೆಸಿದ ನೌಕಾಪಡೆ

ಮುಂಬಯಿ: ಮಧ್ಯಮ ದೂರದ ನೆಲದಿಂದ ಆಕಾಶಕ್ಕೆ ಚಿಮ್ಮುವ ಕ್ಷಿಪಣಿ(ಎಂಆರ್‌ಎಸ್‌ಎಎಂ)ಯ ಯಶಸ್ವಿ ಪರೀಕ್ಷೆಯೊಂದಿಗೆ ಭಾರತ ತನ್ನ ವಾಯು ರಕ್ಷಣಾ ಸಾಮರ್ಥ್ಯ‌ವನ್ನು ವೃದ್ಧಿಸಿಕೊಂಡಿದೆ.

ಶುಕ್ರವಾರ ಭಾರತೀಯ ನೌಕಾ ಪಡೆಯು ಈ ಮಹತ್ವದ ಪರೀಕ್ಷೆಯಲ್ಲಿ ಯಶಸ್ಸು ಸಾಧಿಸುವುದರೊಂದಿಗೆ ದೊಡ್ಡ ಮೈಲುಗಲ್ಲನ್ನು ನೆಟ್ಟಿತು.

ಕೊಚ್ಚಿ ಮತ್ತು ಚೆನ್ನೈನ ನೌಕಾಪಡೆ ವಿಭಾಗಗಳು ಪಶ್ಚಿಮದ ಕಡಲ ನಡುವಿನ ಸೀಬೋರ್ಡ್‌ನಲ್ಲಿ ಈ ಪರೀಕ್ಷೆಯನ್ನು ನಡೆಸಿವೆ. ಭಾರತೀಯ ನೌಕಾಪಡೆ, ಡಿಆರ್‌ಡಿಒ ಮತ್ತು ಇಸ್ರೇಲ್‌ ಏರೋಸ್ಪೇಸ್‌ ಈ ಪರೀಕ್ಷೆಯಲ್ಲಿ ಸಹಭಾಗಿತ್ವ ಹೊಂದಿದ್ದವು. ಹೈದರಾಬಾದ್‌ನಲ್ಲಿರುವ ಡಿಆರ್‌ಡಿಎಲ್‌ ಲ್ಯಾಬ್‌ ಇಸ್ರೇಲ್‌ ಏರೋಸ್ಪೇಸ್‌ ಸಹಭಾಗಿತ್ವದಲ್ಲಿ ಕ್ಷಿಪಣಿಯನ್ನು ತಯಾರಿಸಿದೆ.