ನಡೆಯುವುದರಲ್ಲಿ ಭಾರತೀಯರು ಸೋಮಾರಿಗಳು!

ಹೊಸದಿಲ್ಲಿ: ನಡೆಯುವುದಾ ಇಲ್ಲಾ ಗಾಡಿಯಲ್ಲಿ ಹೋಗುವುದಾ? ಎಂದು ಕೇಳಿದರೆ ನಮ್ಮಲ್ಲಿ ಹೆಚ್ಚಿನವರು ಆಯ್ದುಕೊಳ್ಳುವುದು ಗಾಡಿಯನ್ನೇ. ಕೆಲವರು ಮನೆಯಿಂದ ಅರ್ಧ ಕಿ. ಮೀ ಇರುವ ಪಾರ್ಕ್‌ಗೆ ವಾಕ್‌ ಬರುವುದಾದರೆ ಪಾರ್ಕ್‌ವರೆಗೆ ಗಾಡಿಯಲ್ಲೇ ಬರ್ತಾರೆ. ಅಷ್ಟೊಂದು ಸೋಮಾರಿತನ ಬಂದು ಬಿಟ್ಟಿದೆ.

ವಿಶ್ವದಲ್ಲಿ ನಡೆಯಲು ಸೋಮಾರಿ ದೇಶವೆಂದರೆ ಅದು ಭಾರತವಂತೆ. ಇತ್ತೀಚೆಗೆ 46 ದೇಶಗಳಲ್ಲಿ ಒಂದು ಅಧ್ಯಯನ ನಡೆಸಲಾಯಿತು. ಅದರಲ್ಲಿ ನಡಿಗೆಯಲ್ಲಿ ಸೋಮಾರಿತನ ತೋರುವವರಲ್ಲಿ ಭಾರತಕ್ಕೆ 39ನೇ ಸ್ಥಾನ ಸಿಕ್ಕಿದೆ. ಇಲ್ಲಿಯ ಜನರು ಒಂದು ದಿನದಲ್ಲಿ ನಡೆಯುವ ಸರಾಸರಿ ನಡಿಗೆಯೆಂದರೆ 4,297 ಹೆಜ್ಜೆಗಳಷ್ಟೇ ಅಂತೆ.

ಅತೀ ಹೆಚ್ಚು ನಡೆಯುವವರಲ್ಲಿ ಚೀನಿಯರು ಮುಂದಿದ್ದಾರೆ. ಇಂಡೋನೇಷ್ಯಾದಲ್ಲಿ ಜನರು ನಡೆಯುವುದೇ ಕಮ್ಮಿಯಂತೆ. ಅಲ್ಲಿಯ ವ್ಯಕ್ತಿಗಳು ನಡೆಯುವುದರ ಸರಾಸರಿ ತೆಗೆದುಕೊಂಡರೆ ದಿನದಲ್ಲಿ 3,513 ಹೆಜ್ಜೆಗಳಷ್ಟೇ ಅಂತೆ.

ಬೇರೆ-ಬೇರೆ ದೇಶಗಳ ಜನರು ದಿನದಲ್ಲಿ ಎಷ್ಟು ನಡೆಯುತ್ತಾರೆ ಎಂದು ಸ್ಯಾಂಡರ್ಡ್‌ ವಿಶ್ವವಿದ್ಯಾನಿಲಯ ಅಧ್ಯಯನ ನಡೆಸಿದ್ದು, ಇದರ ವರದಿ ಜರ್ನಲ್‌ ನೇಚರ್‌ ಮ್ಯಾಗ್‌ಜಿನ್‌ನಲ್ಲಿ ಪ್ರಕಟವಾಗಿದೆ.