#Unite2FightCorona ಕರೆ ನೀಡಿದ ಪ್ರಧಾನಿ: ಜನ ಚಳವಳಿಗೆ ಸೋಲಿಲ್ಲ ಎಂದ ಮೋದಿ!

ಹೊಸದಿಲ್ಲಿ: ಮಾರಕ ಕೊರೊನಾ ವೈರಸ್ ವಿರುದ್ಧದ ಭಾರತದ ಹೋರಾಟವನ್ನು ಜನಾಂದೋಲನ ಎಂದು ಬಣ್ಣಿಸಿರುವ ಪ್ರಧಾನಿ ಮೋದಿ, ಭಾರತದ ಜನ ಚಳವಳಿಗಳು ಇದುವರೆಗೂ ಸೋಲು ಕಂಡಿಲ್ಲ ಎಂದು ಮಾರ್ಮಿಕವಾಗಿ ಹೇಳಿದ್ದಾರೆ.

#Unite2FightCorona ಅಭಿಯಾನಕ್ಕೆ ಕರೆ ನೀಡಿರುವ ಪ್ರಧಾನಿ ಮೋದಿ, ಈ ಹಿಂದಿಗಿಂತಲೂ ಹೆಚ್ಚಿನ ಒಗ್ಗಟ್ಟು ಪ್ರದರ್ಶನದ ಮೂಲಕ ಮಾರಕ ವೈರಾಣುವನ್ನು ಸೋಲಿಸುವಂತೆ ಮನವಿ ಮಾಡಿದ್ಧಾರೆ.

ಲಸಿಕೆ ಬರೋವರೆಗೂ.....ಪ್ರಧಾನಿ ಮೋದಿ ನೀಡಿದ ಕೊರೊನಾ ಎಚ್ಚರಿಕೆ ನಿಮಗೂ ಕೇಳಿಸಿತಾ?
ಮಾಸ್ಕ್ ಧಾರಣೆ, ಹ್ಯಾಂಡ್ ಸ್ಯಾನಿಟೈಸರ್‌ಗಳ ಬಳಕೆ ಹಾಗೂ ಸಾಮಾಜಿಕ ಅಂತರ ಕಾಪಾಡುವ ತಮ್ಮ ಜವಾಬ್ದಾರಿಗಳನ್ನು ಜನ ಮತ್ತಷ್ಟು ಪರಿಣಾಮಕಾರಿಯಾಗಿ ನಿರ್ವಹಿಸಬೇಕಿದೆ ಎಂದು ಪ್ರಧಾನಿ ಮನವಿ ಮಾಡಿದ್ದಾರೆ.

#Unite2FightCorona ಅಭಿಯಾನದ ಮೂಲಕ ಹೆಚ್ಚಿನ ಸಾಮಾಜಿಕ ಜವಾಬ್ದಾರಿಗಳನ್ನು ನಿರ್ವಹಿಸೋಣ. ಕೊರೊನಾ ವಾರಿಯರ್ಸ್‌ಗಳಿಗೆ ನೈತಿಕ ಬೆಂಬಲ ನೀಡುವ ಮೂಲಕ ಕೊರೊನಾ ವಿರುದ್ಧದ ಹೋರಾಟವನ್ನು ಮತ್ತಷ್ಟು ತೀವ್ರಗೊಳಿಸೋಣ ಎಂದು ಪ್ರಧಾನಿ ಮೋದಿ ಜನತೆಗೆ ಕರೆ ನೀಡಿದ್ದಾರೆ.'


ಕೋವಿಡ್ ವಿರುದ್ಧದ ಭಾರತದ ಹೋರಾಟ ಜನಾಂದೋಲನವಾಗಿದ್ದು, ಈ ದೇಶದಲ್ಲಿ ಹುಟ್ಟುವ ಯಾವುದೇ ಜನ ಚಳವಳಿ ಇದುವರೆಗೂ ವಿಫಲವಾಗಿಲ್ಲ ಎಂದು ಪ್ರಧಾನಿ ಮೋದಿ ಮಾರ್ಮಿಕವಾಗಿ ಹೇಳಿದರು.

ಕೊರೊನಾ ಹೋರಾಟ ಸರಿಯಾದ ಮಾರ್ಗದಲ್ಲಿ ಸಾಗುತ್ತಿದೆ: ಪ್ರಧಾನಿ ಮನ್ ಕಿ ಬಾತ್!

ಇದೇ ವೇಳೆ ಭಾರತದ ಕೊರೊನಾ ವೈರಸ್ ಗುಣಮುಖಸಂಖ್ಯೆ 57 ಲಕ್ಷಕ್ಕೆ ತಲುಪಿದ್ದು, ಶೇಕಡಾವಾರು ಗುಣಮುಖ ಪ್ರಮಾಣ ಏರುಗತಿಯಲ್ಲಿ ಸಾಗುತ್ತಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.