2020-21ನೇ ಸಾಲಿನಲ್ಲಿ ಭಾರತದ ಜಿಡಿಪಿ ಶೇ. 1.5ಕ್ಕೆ ಇಳಿಕೆ ಸಾಧ್ಯತೆ!

ಹೊಸದಿಲ್ಲಿ: ಕೊರೊನಾ ಬಿಕ್ಕಟ್ಟಿನ ಪರಿಣಾಮ 2020-21ರಲ್ಲಿಆರ್ಥಿಕ ಬೆಳವಣಿಗೆ ಅಥವಾ ಜಿಡಿಪಿಯ ಪ್ರಮಾಣ ಶೇ.1.5ಕ್ಕೆ ಇಳಿಕೆಯಾಗಲಿದೆ. ಹೀಗಿದ್ದರೂ 2021-22ರಲ್ಲಿ ಜಿಡಿಪಿ ಶೇ.7.2ಕ್ಕೆ ಏರಿಕೆಯಾಗುವ ಸಾಧ್ಯತೆ ಇದೆ ಎಂದು ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾ ಬಿಡುಗಡೆಗೊಳಿಸಿದ ಸಮೀಕ್ಷೆ ತಿಳಿಸಿದೆ.

ಮೇ ತಿಂಗಳಲ್ಲಿ ಗ್ರಾಹಕ ವಿಶ್ವಾಸ ಸೂಚ್ಯಂಕ ಚಾರಿತ್ರಿಕ ಮಟ್ಟಕ್ಕೆ (ಸಿಎಸ್‌ಐ) ಕುಸಿದಿದೆ ಎಂದು ಸಮೀಕ್ಷೆ ತಿಳಿಸಿದೆ. ಈ ವರ್ಷ ಜಿಡಿಪಿ ಕುಸಿದರೂ, ಮುಂದಿನ ವರ್ಷ ಗಣನೀಯ ಚೇತರಿಸಲಿದೆ ಎನ್ನುವ ವಿಶ್ವಾಸವನ್ನ ಆರ್‌ಬಿಐನ ವರದಿ ವ್ತಕ್ತಪಡಿಸಿದೆ. 2020-21ರಲ್ಲಿ ಖಾಸಗಿ ಬಳಕೆ ಮತ್ತು ವೆಚ್ಚಗಳ ಪ್ರಮಾಣ ಶೇ.0.5 ಇಳಿದರೂ, ಮುಂದಿನ ವರ್ಷ ದಾಖಲೆಯ ಶೇ.6.9ಕ್ಕೆ ಏರಿಕೆಯಾಗಲಿದೆ.

ಸಾಮಾನ್ಯ ಆರ್ಥಿಕ ಪರಿಸ್ಥಿತಿ, ಉದ್ಯೋಗ, ಕೌಟುಂಬಿಕ ಆದಾಯಗಳ ವಿಚಾರದಲ್ಲಿ ಜನತೆ ಕಳೆದ ವರ್ಷಕ್ಕೆ ಹೋಲಿಸಿದರೆ ಈಗ ನಿರಾಸೆ ವ್ಯಕ್ತಪಡಿಸಿದ್ದಾರೆ. ಕೋವಿಡ್‌-19 ಬಿಕ್ಕಟ್ಟು ಇದಕ್ಕೆ ಕಾರಣ ಎಂದು ವರದಿ ತಿಳಿಸಿದೆ. ಆರ್‌ಬಿಐ ಮೇ 5-17ರಂದು ಅಹಮದಾಬಾದ್‌, ಬೆಂಗಳೂರು, ಚೆನ್ನೈ, ದಿಲ್ಲಿ, ಹೈದರಾಬಾದ್‌, ಕೋಲ್ಕೊತಾ, ಲಖನೌ, ಮುಂಬಯಿ ಮತ್ತು ಪಟನಾದಲ್ಲಿ ದೂರವಾಣಿ ಸಂದರ್ಶನಗಳ ಮೂಲಕ 5,700 ಕುಟುಂಬಗಳನ್ನು ಒಳಗೊಂಡ ಸಮಿಕ್ಷೆ ನಡೆಸಿತ್ತು.

ಕೊರೊನಾ ಲೈವ್ ಅಪ್‌ಡೇಟ್ಸ್: ವಿಶ್ವದಾದ್ಯಂತ 3 ಲಕ್ಷದ 93ಸಾವಿರಕ್ಕೂ ಹೆಚ್ಚು ಮಂದಿಯನ್ನು ಬಲಿ!

ಇತ್ತೀಚೆಗೆ ಕೆಲವು ಸಂಸ್ಥೆಗಳು ಭಾರತದ ಜಿಡಿಪಿ ಬಗ್ಗೆ ವರದಿ ನೀಡಿತ್ತು. 2020ರಲ್ಲಿ ಇಳಿಕೆ ಕಂಡರೂ ಮುಂದಿನ ವರ್ಷ ಇದು ಚೇತರಿಕೆಯಾಗಲಿದೆ ಎನ್ನುವ ವಿಶ್ವಾಸ ವ್ಯಕ್ತಪಡಿಸಿದೆ. ಮುಂದಿನ ವರ್ಷ ಭಾರತದಲ್ಲಿ ಆರ್ಥಿಕತೆ ವೇಗ ಪಡೆದುಕೊಳ್ಳಲಿದೆ ಎಂದು ತಿಳಿಸಿವೆ.