ಬೋರ್‌ವೆಲ್‌ನಲ್ಲಿ ಬಿದ್ದ ಮಗು 47 ಗಂಟೆಗಳ ಬಳಿಕ ಬಚಾವ್‌

ಹಿಸಾರ್‌: ಹರಿಯಾಣದ ಹಿಸಾರ್‌ದಲ್ಲಿ 60 ಅಡಿ ಆಳದ ಕೊಳವೆ ಬಾವಿಗೆ ಬಿದ್ದದ್ದ 18 ತಿಂಗಳ ಮಗುವೊಂದು ನಿಜಕ್ಕೂ ಪುನರ್ಜನ್ಮ ಪಡೆದಿದೆ. ಸುಮಾರು 47 ಗಂಟೆಗಳ ನಿರಂತರ ಕಾರ್ಯಾಚರಣೆ ಬಳಿಕ ಮಗುವನ್ನು ಸುರಕ್ಷಿತವಾಗಿ ಹೊರಗೆ ತೆಗೆಯುವಲ್ಲಿ ರಕ್ಷಣಾ ತಂಡ ಶುಕ್ರವಾರ ಯಶಸ್ವಿಯಾಗಿದೆ.

ಹಿಸಾರ್‌ ಬಳಿಯ ಗ್ರಾಮವೊಂದರಲ್ಲಿ ಆಟವಾಡುತ್ತಿದ್ದ ನದೀಮ್‌ ಖಾನ್‌ ಎಂಬ ಮಗು ಬುಧವಾರ ತೆರೆದ ಕೊಳವೆ ಬಾವಿಯೊಳಗೆ ಬಿದ್ದಿತ್ತು. ಮಾಹಿತಿ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಆಗಮಿಸಿದ ರಕ್ಷ ಣಾ ತಂಡ, ಬೋರ್‌ವೆಲ್‌ ಒಲಗೆ ಆಮ್ಲಜನ ಪೂರೈಕೆ ಮಾಡಿ, ಕಾರ್ಯಾಚರಣೆಗೆ ಇಳಿದಿತ್ತು. ಸೇನಾಪಡೆ, ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ ಸಿಬ್ಬಂದಿ ಹಾಗೂ ಹಾಗೂ ಸ್ಥಳೀಯರು ರಕ್ಷ ಣಾ ಕಾರ್ಯದಲ್ಲಿ ತೊಡಗಿದ್ದರು.

ಬೋರ್‌ವೆಲ್‌ನಿಂದ 20 ಅಡಿ ದೂರದಲ್ಲಿ ಸುರಂಗ ಕೊರೆದು ಮಗುವನ್ನು ಹೊರತರಲಾಗಿದೆ. ಮಗುವು ಆರೋಗ್ಯದಿಂದ ಇದ್ದು, ರಕ್ಷಣಾ ಸಿಬ್ಬಂದಿಯ ಕಾರ್ಯದ ಬಗ್ಗೆ ಅಧಿಕಾರಿಗಳು ಹಾಗೂ ಸ್ಥಳೀಯರು ಅಪಾರ ಮೆಚ್ಚುವೆ ವ್ಯಕ್ತಪಡಿಸಿದ್ದಾರೆ.