ಬೆಂಗಳೂರು: ಜಿಎಸ್ಎಲ್ವಿ-ಎಂಕೆ3 ರಾಕೆಟ್ನ ಕ್ರಯೋಜೆನಿಕ್ ಹಂತದಲ್ಲಿ ಸೋರಿಕೆ ಕಂಡು ಬಂದ ಹಿನ್ನೆಲೆಯಲ್ಲಿ ಕೊನೆ ನಿಮಿಷದಲ್ಲಿ ರದ್ದಾದ ಚಂದ್ರ ಯಾನ-2 ಉಡಾವಣೆ ಜುಲೈ 21 ಅಥವಾ 22ಕ್ಕೆ ಮರುನಿಗದಿಯಾಗುವ ಸಾಧ್ಯತೆಗಳಿವೆ.
ಜುಲೈ 15ರಂದು ಕಂಡುಬಂದ ಸಮಸ್ಯೆಯನ್ನು ಪರಿಹರಿಸುವಲ್ಲಿ ನಿಟ್ಟಿನಲ್ಲಿ ವೇಗದ ಕಾರ್ಯಾಚರಣೆ ನಡೆಸುತ್ತಿರುವ ಇಸ್ರೊ ವಿಜ್ಞಾನಿಗಳು ಮುಂದಿನ ಹಾರಾಟವನ್ನು ಅತಿಶೀಘ್ರವೇ ನಡೆಸುವ ಉತ್ಸಾಹ ಹೊಂದಿದ್ದಾರೆ. ಅದರಲ್ಲೂ ಜುಲೈ 21ರ ಅಪರಾಹ್ನ ಇಲ್ಲವೇ ಜುಲೈ 22ರ ಮುಂಜಾನೆ ಅವಧಿಯಲ್ಲಿ ಉಡಾವಣೆ ನಡೆಯುವ ಸಾಧ್ಯತೆ ಕಂಡುಬಂದಿದೆ.
ಹಾಗಂತ, ಇಸ್ರೊ ಈ ಬಗ್ಗೆ ಅಧಿಕೃತವಾಗಿ ಯಾವುದೇ ಪ್ರಕಟಣೆ ಹೊರಡಿಸಿಲ್ಲ. ಆದರೆ, ಸೋಮವಾರದೊಳಗೆ ಉಡಾವಣೆ ಮಾಡುವ ಆಶಾವಾದವನ್ನು ಸಂಸ್ಥೆ ಹೊಂದಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ವ್ಯಕ್ತಪಡಿಸಿದ್ದಾರೆ.
ಯಾಕೆ ತುರ್ತು?
ಚಂದ್ರಯಾನ-2 ಮಿಷನ್ ಆರಂಭಕ್ಕೆ ಇಸ್ರೊ ಜುಲೈ 15ರಿಂದ 31ರ ನಡುವೆ ಕನಿಷ್ಠ ನಾಲ್ಕಾರು ದಿನಗಳನ್ನು ನಿಗದಿ ಮಾಡಿತ್ತು. ಜುಲೈ 15ರಂದು 10 ನಿಮಿಷಗಳಷ್ಟು ಲಾಂಚ್ ವಿಂಡೋ ಪಿರಿಯೆಡ್ ಇದ್ದುದರಿಂದ ಅದನ್ನೇ ಆರಿಸಲಾಗಿತ್ತು. ಉಳಿದ ದಿನಗಳಲ್ಲಿ ಅದು ಕಡಿಮೆ ಇದೆ.
ಒಂದೊಮ್ಮೆ ಜುಲೈ 31ರ ಬಳಿಕ ಉಡಾಯಿಸಿದರೆ ಒಟ್ಟಾರೆ ಯೋಜನೆ ಮೇಲೆ ದೊಡ್ಡ ಪರಿಣಾಮವಿದೆ. ಯಾಕೆಂದರೆ, ನಿಗದಿತ ಕಕ್ಷೆ ಸೇರಲು ಹೆಚ್ಚು ಇಂಧನ ಬೇಕಾಗುತ್ತದೆ. ಜತೆಗೆ ಚಂದ್ರನ ಸುತ್ತ ಸುತ್ತುವ ಆರ್ಬಿಟರ್ನ ಜೀವಿತಾವಧಿಯೂ ಒಂದು ವರ್ಷದಿಂದ ಆರು ತಿಂಗಳಿಗೆ ಇಳಿಯುವ ಸಾಧ್ಯತೆಯೂ ಇದೆ ಎಂದು ಮೂಲಗಳು ತಿಳಿಸಿವೆ.
ಜುಲೈ 15ರಂದು ಕಂಡುಬಂದ ಸಮಸ್ಯೆಯನ್ನು ಪರಿಹರಿಸುವಲ್ಲಿ ನಿಟ್ಟಿನಲ್ಲಿ ವೇಗದ ಕಾರ್ಯಾಚರಣೆ ನಡೆಸುತ್ತಿರುವ ಇಸ್ರೊ ವಿಜ್ಞಾನಿಗಳು ಮುಂದಿನ ಹಾರಾಟವನ್ನು ಅತಿಶೀಘ್ರವೇ ನಡೆಸುವ ಉತ್ಸಾಹ ಹೊಂದಿದ್ದಾರೆ. ಅದರಲ್ಲೂ ಜುಲೈ 21ರ ಅಪರಾಹ್ನ ಇಲ್ಲವೇ ಜುಲೈ 22ರ ಮುಂಜಾನೆ ಅವಧಿಯಲ್ಲಿ ಉಡಾವಣೆ ನಡೆಯುವ ಸಾಧ್ಯತೆ ಕಂಡುಬಂದಿದೆ.
ಹಾಗಂತ, ಇಸ್ರೊ ಈ ಬಗ್ಗೆ ಅಧಿಕೃತವಾಗಿ ಯಾವುದೇ ಪ್ರಕಟಣೆ ಹೊರಡಿಸಿಲ್ಲ. ಆದರೆ, ಸೋಮವಾರದೊಳಗೆ ಉಡಾವಣೆ ಮಾಡುವ ಆಶಾವಾದವನ್ನು ಸಂಸ್ಥೆ ಹೊಂದಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ವ್ಯಕ್ತಪಡಿಸಿದ್ದಾರೆ.
ಯಾಕೆ ತುರ್ತು?
ಚಂದ್ರಯಾನ-2 ಮಿಷನ್ ಆರಂಭಕ್ಕೆ ಇಸ್ರೊ ಜುಲೈ 15ರಿಂದ 31ರ ನಡುವೆ ಕನಿಷ್ಠ ನಾಲ್ಕಾರು ದಿನಗಳನ್ನು ನಿಗದಿ ಮಾಡಿತ್ತು. ಜುಲೈ 15ರಂದು 10 ನಿಮಿಷಗಳಷ್ಟು ಲಾಂಚ್ ವಿಂಡೋ ಪಿರಿಯೆಡ್ ಇದ್ದುದರಿಂದ ಅದನ್ನೇ ಆರಿಸಲಾಗಿತ್ತು. ಉಳಿದ ದಿನಗಳಲ್ಲಿ ಅದು ಕಡಿಮೆ ಇದೆ.
ಒಂದೊಮ್ಮೆ ಜುಲೈ 31ರ ಬಳಿಕ ಉಡಾಯಿಸಿದರೆ ಒಟ್ಟಾರೆ ಯೋಜನೆ ಮೇಲೆ ದೊಡ್ಡ ಪರಿಣಾಮವಿದೆ. ಯಾಕೆಂದರೆ, ನಿಗದಿತ ಕಕ್ಷೆ ಸೇರಲು ಹೆಚ್ಚು ಇಂಧನ ಬೇಕಾಗುತ್ತದೆ. ಜತೆಗೆ ಚಂದ್ರನ ಸುತ್ತ ಸುತ್ತುವ ಆರ್ಬಿಟರ್ನ ಜೀವಿತಾವಧಿಯೂ ಒಂದು ವರ್ಷದಿಂದ ಆರು ತಿಂಗಳಿಗೆ ಇಳಿಯುವ ಸಾಧ್ಯತೆಯೂ ಇದೆ ಎಂದು ಮೂಲಗಳು ತಿಳಿಸಿವೆ.