ಶ್ರೀಹರಿಕೋಟಾ: ಸ್ವಂತ ಜಿಪಿಎಸ್ ವ್ಯವಸ್ಥೆ ಹೊಂದುವ ಭಾರತದ ಕನಸು ನನಸಾಗಲು ಇನ್ನೊಂದು ಹೆಜ್ಜೆಯಷ್ಟೇ ಬಾಕಿಯಿದೆ. ಮಹತ್ವಾಕಾಂಕ್ಷೆಯ ಐಆರ್ಎನ್ಎಸ್ಎಸ್ 1ಎಫ್ ಪಥನಿರ್ದೇಶಕ ಉಪಗ್ರಹವನ್ನು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೊ) ಗುರುವಾರ ಯಶಸ್ವಿಯಾಗಿ ಗುರಿ ತಲುಪಿಸಿದೆ.
ಆಂಧ್ರಪ್ರದೇಶದ ಶ್ರೀ ಹರಿಕೋಟಾದಲ್ಲಿರುವ ಸತೀಶ್ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಸಂಜೆ 4.1 ಗಂಟೆಗೆ ಉಡಾವಣೆಯಾದ ಪಿಎಸ್ಎಲ್ವಿ ಸಿ 32 ರಾಕೆಟ್, 20 ನಿಮಿಷದಲ್ಲಿ ಉಪಗ್ರಹವನ್ನು ಗುರಿ ಮುಟ್ಟಿಸಿತು.
ಈ ಮೂಲಕ ಐಆರ್ಎನ್ಎಸ್ಎಸ್ ಸರಣಿಯ ಆರು ಉಪಗ್ರಹಗಳು ನಭಕ್ಕೆ ತಲುಪಿದ್ದು, ಇನ್ನೊಂದು ಉಪಗ್ರಹ ಯಶಸ್ವಿಯಾಗಿ ಗುರಿ ತಲುಪಿದರೆ ಭಾರತವು ಅಮೆರಿಕದ ಹಂಗನ್ನು ತೊರೆದು ಸ್ವಂತ ಜಿಪಿಎಸ್ ವ್ಯವಸ್ಥೆಯನ್ನು ಹೊಂದಲಿದೆ.
1425 ಕೆ.ಜಿ. ತೂಕದ ಐಆರ್ಎನ್ಎಸ್ಎಸ್ 1ಎಫ್ ಉಪಗ್ರಹವು 14 ವರ್ಷಗಳ ಕಾಲ ಕೆಲಸ ಮಾಡಲಿದೆ. ಈಹಿಂದೆ ಪಥ ನಿರ್ದೇಶಕ ಉಪಗ್ರಹಗಳ ಉಡಾವಣೆ ವೇಳೆ ಬಳಸಿದಂತೆ, ಈಬಾರಿಯೂ ಭಾರ ಹೊತ್ಯುವ ಸಾಮರ್ಥ್ಯದ ಪಿಎಸ್ಎಲ್ವಿ ಮಾದರಿಯನ್ನು ಇಸ್ರೋ ಬಳಸುತ್ತಿದೆ. ಚಂದ್ರಯಾನ-1, ಮಂಗಳಯಾನ ಹಾಗೂಆಸ್ಟ್ರೋಸ್ಯಾಟ್ ಉಡಾವಣೆ ವೇಳೆಯೂ ಇದನ್ನು ಬಳಸಿಕೊಳ್ಳಲಾಗಿತ್ತು.
‘ಐಆರ್ಎನ್ಎಸ್ಎಸ್ ಸರಣಿಯ ಒಟ್ಟು ಆರು ಉಪಗ್ರಹಗಳು ಗುರಿ ತಲುಪಿವೆ. ಸ್ವಂತ ಜಿಪಿಎಸ್ ವ್ಯವಸ್ಥೆ ಹೊಂದಲು ಇನ್ನೊಂದು ಉಪಗ್ರಹ ಉಡಾವಣೆಯಷ್ಟೇ ಬಾಕಿಯಿದೆ. ಮುಂದಿನ ತಿಂಗಳೊಳಗೆ ಅದನ್ನೂ ಯಶಸ್ವಿಯಾಗಿ ಮುಗಿಸುತ್ತೇವೆ,’ ಎಂದು ಇಸ್ರೊ ಮುಖ್ಯಸ್ಥ ಎ ಎಸ್ ಕಿರಣ್ಕುಮಾರ್ ತಿಳಿಸಿದ್ದಾರೆ.
ಒಂದು ನಿಮಿಷ ತಡ
ನಿಗದಿತ ಕಾಲಮಾನದ ಪ್ರಕಾರ ಸಂಜೆ 4ಗಂಟೆಗೆ ಉಪಗ್ರಹವು ಉಡಾವನೆಯಾಗಬೇಕಾಗಿತ್ತು. ಆದರೆ, ಉದ್ದೇಶಪೂರ್ವಕವಾಗಿ ಒಂದು ನಿಮಿಷ ತಡವಾಗಿ ಕಾರ್ಯಾಚರಣೆ ಕೈಗೊಳ್ಳಲಾಯಿತು. ಬಾಹ್ಯಾಕಾಶ ತ್ಯಾಜ್ಯಗಳಿಗೆ ಡಿಕ್ಕಿ ಹೊಡೆಯಬಹುದು ಎಂಬ ಉದ್ದೇಶದಿಂದ ಒಂದು ನಿಮಿಷ ತಡವಾಗಿ ಉಡಾವಣೆ ಮಾಡಲಾಯಿತು ಎಂದು ಇಸ್ರೊ ಹೇಳಿದೆ.
ಶುಭ ಕೋರಿದ ಪ್ರಧಾನಿ
ಐಆರ್ಎನ್ಎಸ್ಎಸ್ ಸರಣಿಯ ಆರನೇ ಉಪಗ್ರಹವನ್ನು ಯಶಸ್ವಿಯಾಗಿ ಗುರಿತಲುಪಿಸಿದ ಇಸ್ರೊ ತಂಡಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಶುಭಕೋರಿದ್ದಾರೆ.
‘ಯಶಸ್ವಿಯಾಗಿ ಉಪಗ್ರಹ ಉಡಾಯಿಸಿದ ಇಸ್ರೊ ತಂಡದ ಶ್ರಮ ನಿಜಕ್ಕೂ ಮೆಚ್ಚುಗೆಗೆ ಅರ್ಹ. ಭಾರತವು ಅಪಾರ ಹೆಮ್ಮೆ ಸಂಪಾದಿಸಲು ಇಸ್ರೊ ನೆರವಾಗಿದೆ,’ ಎಂದು ಪಿಎಂ ಟ್ವೀಟ್ ಮಾಡಿದ್ದಾರೆ.
ಆಂಧ್ರಪ್ರದೇಶದ ಶ್ರೀ ಹರಿಕೋಟಾದಲ್ಲಿರುವ ಸತೀಶ್ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಸಂಜೆ 4.1 ಗಂಟೆಗೆ ಉಡಾವಣೆಯಾದ ಪಿಎಸ್ಎಲ್ವಿ ಸಿ 32 ರಾಕೆಟ್, 20 ನಿಮಿಷದಲ್ಲಿ ಉಪಗ್ರಹವನ್ನು ಗುರಿ ಮುಟ್ಟಿಸಿತು.
ಈ ಮೂಲಕ ಐಆರ್ಎನ್ಎಸ್ಎಸ್ ಸರಣಿಯ ಆರು ಉಪಗ್ರಹಗಳು ನಭಕ್ಕೆ ತಲುಪಿದ್ದು, ಇನ್ನೊಂದು ಉಪಗ್ರಹ ಯಶಸ್ವಿಯಾಗಿ ಗುರಿ ತಲುಪಿದರೆ ಭಾರತವು ಅಮೆರಿಕದ ಹಂಗನ್ನು ತೊರೆದು ಸ್ವಂತ ಜಿಪಿಎಸ್ ವ್ಯವಸ್ಥೆಯನ್ನು ಹೊಂದಲಿದೆ.
1425 ಕೆ.ಜಿ. ತೂಕದ ಐಆರ್ಎನ್ಎಸ್ಎಸ್ 1ಎಫ್ ಉಪಗ್ರಹವು 14 ವರ್ಷಗಳ ಕಾಲ ಕೆಲಸ ಮಾಡಲಿದೆ. ಈಹಿಂದೆ ಪಥ ನಿರ್ದೇಶಕ ಉಪಗ್ರಹಗಳ ಉಡಾವಣೆ ವೇಳೆ ಬಳಸಿದಂತೆ, ಈಬಾರಿಯೂ ಭಾರ ಹೊತ್ಯುವ ಸಾಮರ್ಥ್ಯದ ಪಿಎಸ್ಎಲ್ವಿ ಮಾದರಿಯನ್ನು ಇಸ್ರೋ ಬಳಸುತ್ತಿದೆ. ಚಂದ್ರಯಾನ-1, ಮಂಗಳಯಾನ ಹಾಗೂಆಸ್ಟ್ರೋಸ್ಯಾಟ್ ಉಡಾವಣೆ ವೇಳೆಯೂ ಇದನ್ನು ಬಳಸಿಕೊಳ್ಳಲಾಗಿತ್ತು.
‘ಐಆರ್ಎನ್ಎಸ್ಎಸ್ ಸರಣಿಯ ಒಟ್ಟು ಆರು ಉಪಗ್ರಹಗಳು ಗುರಿ ತಲುಪಿವೆ. ಸ್ವಂತ ಜಿಪಿಎಸ್ ವ್ಯವಸ್ಥೆ ಹೊಂದಲು ಇನ್ನೊಂದು ಉಪಗ್ರಹ ಉಡಾವಣೆಯಷ್ಟೇ ಬಾಕಿಯಿದೆ. ಮುಂದಿನ ತಿಂಗಳೊಳಗೆ ಅದನ್ನೂ ಯಶಸ್ವಿಯಾಗಿ ಮುಗಿಸುತ್ತೇವೆ,’ ಎಂದು ಇಸ್ರೊ ಮುಖ್ಯಸ್ಥ ಎ ಎಸ್ ಕಿರಣ್ಕುಮಾರ್ ತಿಳಿಸಿದ್ದಾರೆ.
ಒಂದು ನಿಮಿಷ ತಡ
ನಿಗದಿತ ಕಾಲಮಾನದ ಪ್ರಕಾರ ಸಂಜೆ 4ಗಂಟೆಗೆ ಉಪಗ್ರಹವು ಉಡಾವನೆಯಾಗಬೇಕಾಗಿತ್ತು. ಆದರೆ, ಉದ್ದೇಶಪೂರ್ವಕವಾಗಿ ಒಂದು ನಿಮಿಷ ತಡವಾಗಿ ಕಾರ್ಯಾಚರಣೆ ಕೈಗೊಳ್ಳಲಾಯಿತು. ಬಾಹ್ಯಾಕಾಶ ತ್ಯಾಜ್ಯಗಳಿಗೆ ಡಿಕ್ಕಿ ಹೊಡೆಯಬಹುದು ಎಂಬ ಉದ್ದೇಶದಿಂದ ಒಂದು ನಿಮಿಷ ತಡವಾಗಿ ಉಡಾವಣೆ ಮಾಡಲಾಯಿತು ಎಂದು ಇಸ್ರೊ ಹೇಳಿದೆ.
ಶುಭ ಕೋರಿದ ಪ್ರಧಾನಿ
ಐಆರ್ಎನ್ಎಸ್ಎಸ್ ಸರಣಿಯ ಆರನೇ ಉಪಗ್ರಹವನ್ನು ಯಶಸ್ವಿಯಾಗಿ ಗುರಿತಲುಪಿಸಿದ ಇಸ್ರೊ ತಂಡಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಶುಭಕೋರಿದ್ದಾರೆ.
‘ಯಶಸ್ವಿಯಾಗಿ ಉಪಗ್ರಹ ಉಡಾಯಿಸಿದ ಇಸ್ರೊ ತಂಡದ ಶ್ರಮ ನಿಜಕ್ಕೂ ಮೆಚ್ಚುಗೆಗೆ ಅರ್ಹ. ಭಾರತವು ಅಪಾರ ಹೆಮ್ಮೆ ಸಂಪಾದಿಸಲು ಇಸ್ರೊ ನೆರವಾಗಿದೆ,’ ಎಂದು ಪಿಎಂ ಟ್ವೀಟ್ ಮಾಡಿದ್ದಾರೆ.