ವಿಕಿರಣಗಳಿಂದ ರಕ್ಷಿಸಿಕೊಳ್ಳಲು ಲ್ಯಾಂಡ್‌ಲೈನ್‌ ರಿಸಿವರ್‌ ಬಳಸುವ ಸಚಿವ

ಹೊಸದಿಲ್ಲಿ: ಮೊಬೈಲ್ ಫೋನ್‌ ಹೊರಸೂಸುವ ಅಪಾಯಕಾರಿ ವಿಕಿರಣಗಳಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಕೇಂದ್ರ ಸಚಿವ ಪ್ರಕಾಶ್‌ ಜಾವೇಡ್ಕರ್‌ ಲ್ಯಾಂಡ್‌ಲೈನ್‌ ಫೋನ್‌ಗೆ ಬಳಸುವ ರಿಸೀವರ್‌ನ್ನು ಬಳಸಿ ಸುದ್ದಿಯಲ್ಲಿದ್ದಾರೆ.

ಶುಕ್ರವಾರ ಸಂಸತ್ ಹೊರಗಡೆ ಮೊಬೈಲ್ ಕರೆಯಲ್ಲಿ ನಿರತರಾಗಿದ್ದ ಜಾವಡೇಕರ್ ಲ್ಯಾಂಡ್‌ಲೈನ್‌ ರಿಸೀವರ್ ರೀತಿಯ ಸಾಧನವನ್ನು ತಮ್ಮ ಮೊಬೈಲ್‌ಗೆ ಪ್ಲಗ್‌ ಮಾಡಿ ಮಾತನಾಡುತ್ತಿದ್ದರು.

ಮೊಬೈಲ್ ಫೋನ್ನಲ್ಲಿ ಮಾತನಾಡುವಾಗ ಕಿವಿಗೆ ಒತ್ತಿ ಹಿಡಿಯುವುದರಿಂದ ಅಪಾಯಕಾರಿ ವಿಕಿರಣಗಳು ಮಿದುಳಿಗೆ ಹಾನಿ ಮಾಡುವ ಸಾಧ್ಯತೆ ಕುರಿತು ಸಾಕಷ್ಟು ಸಂಶೋಧನೆ, ಚರ್ಚೆ ನಡೆದಿವೆ. ಆದರೆ, ಸಚಿವರು ಮಾತ್ರಾ ತಾವು ರಿಸೀವರ್‌ ಬಳಸುವ ಕಾರಣವನ್ನು ಯಾರಿಗೂ ಬಿಟ್ಟುಕೊಟ್ಟಿಲ್ಲ.]