ಅಮ್ಮನ ಆರೋಗ್ಯದಲ್ಲಿ ಚೇತರಿಕೆ, ಶೀಘ್ರ ಡಿಸ್ಚಾರ್ಜ್: ಅಪೋಲೋ ಮುಖ್ಯಸ್ಥ

ಚೆನ್ನೈ: 'ಕಳೆದ ಒಂದೂವರೆ ತಿಂಗಳಿನಿಂದ ಅನಾರೋಗ್ಯದಿಂದ ಬಳಲುತ್ತಿರುವ ತಮಿಳುನಾಡು ಮುಖ್ಯಮಂತ್ರಿ ಜಯಲಲಿತಾ, ಅಪೋಲೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಇದೀಗ ಸುಧಾರಿಸಿಕೊಳ್ಳುತ್ತಿದ್ದಾರೆ. ಅವರು ಬಯಸಿದಾಗ ಆಸ್ಪತ್ರೆಯಿಂದ ಜಿಸ್ಜಾರ್ಜ್ ಮಾಡಲಾಗುತ್ತದೆ,' ಎಂದು ಆಸ್ಪತ್ರೆ ಮುಖ್ಯಸ್ಥ ಪ್ರತಾಪ್ ಸಿ.ರೆಡ್ಡಿ ಸ್ಪಷ್ಟಪಡಿಸಿದ್ದಾರೆ.

'ಜಯಾಲಲಿತಾ ಆರೋಗ್ಯವಾಗಿದ್ದು, ಅವರನ್ನು ಶೀಘ್ರವೇ ಆಸ್ಪತ್ರೆಯಿಂದ ಬಿಡುಗಡೆಗೊಳಿಸಲಾಗುವುದು,' ಎಂದು ಕಳೆದ ವಾರವೇ ಎಐಎಡಿಎಂಕೆ ಹೇಳಿತ್ತು.

ಸೆ.22ರಂದು ನಿರ್ಜಲೀಕರಣ ಹಾಗೂ ಜ್ವರದಿಂದ ಬಳಲುತ್ತಿದ್ದ ಜಯಲಲಿತಾ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ನಂತರ ಅವರು ಶ್ವಾಸಕೋಶ ಸೋಂಕು ಸಮಸ್ಯೆಯಿಂದ ಬಳಲುತ್ತಿರುವುದಾಗಿ ಆಸ್ಪತ್ರೆ ಮೂಲಗಳು ಸ್ಪಷ್ಟಪಡಿಸಿತ್ತು. ಇವರ ಚಿಕಿತ್ಸೆಗಾಗಿ ಹೊಸದಿಲ್ಲಿಯ ಏಮ್ಸ್ ವೈದ್ಯರು ಹಾಗೂ ಲಂಡನ್‌ನ ತಜ್ಞರು ಆಗಮಿಸಿದ್ದರು.

ಜಯಲಲಿತಾ ಅವರ ಬಳಿಯಿದ್ದ ಎಲ್ಲ ಖಾತೆಗಳನ್ನು ಅವರ ಆಪ್ತ ಒ.ಪನ್ನೀರ್‌ಸೆಲ್ವಂ ಅವರಿಗೆ ಇತ್ತೀಚೆಗೆ ವರ್ಗಾಯಿಸಲಾಗಿತ್ತು.