ಜಯಾ ಚಿತೆಗೆ ಅಗ್ನಿ ಸ್ಪರ್ಶವಿಲ್ಲ, ದೇಹ ಮಣ್ಣಿಗೆ

ಚೆನ್ನೈ: ಬ್ರಾಹ್ಮಣ ಸಂಪ್ರದಾಯದಂತೆ ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜೆ.ಜಯಲಲಿತಾ ಅವರ ಚಿತೆಗೆ ಅಗ್ನಿ ಸ್ಪರ್ಶ ಮಾಡುತ್ತಿಲ್ಲ. ದೇಹವನ್ನು ಮಣ್ಣು ಮಾಡಲಾಗುತ್ತಿದೆ.

ಹೃದಯ ಸ್ತಂಭನದಿಂದ ಸೋಮವಾರ ರಾತ್ರಿ ಕೊನೆಯುಸಿರೆಳೆದ ಜಯಲಲಿತಾ ದೇಹವನ್ನು ಅವರ ಮಾರ್ಗದರ್ಶಕ, ಮಾಜಿ ಮುಖ್ಯಮಂತ್ರಿ ಎಂ.ಜಿ.ರಾಮಚಂದ್ರನ್‌ ಅವರ ಸಮಾಧಿ ಪಕ್ಕದಲ್ಲೇ ಹೂಳಲಾಗುತ್ತಿದೆ.

ಈ ಮೊದಲು ಅಂತ್ಯಸಂಸ್ಕಾರದ ಬಗ್ಗೆ ಸಾಕಷ್ಟು ಗೊಂದಲಗಳು ಇದ್ದವು. ನಂತರ ಎಐಎಡಿಎಂಕೆ ಸಂಸ್ಥಾಪಕ ಎಂಜಿಆರ್‌ ಅವರ ಅಂತ್ಯಕ್ರಿಯೆ ಹೇಗೆ ನೆರವೇರಿತ್ತೋ ಅದೇ ರೀತಿ ಜಯಲಲಿತಾ ಅವರ ಅಂತ್ಯಕ್ರಿಯೆ ನೆರವೇರಿಸಲು ನಿರ್ಧರಿಸಿರುವುದಾಗಿ ಮೂಲಗಳು ಸ್ಪಷ್ಟಪಡಿಸಿವೆ.

ಕಾಮರಾಜರ್‌ ಸಾಲೈನಲ್ಲಿರುವ ಎಂಜಿಆರ್‌ ಸ್ಮಾರಕದ ಪಕ್ಕದಲ್ಲೇ ಭೂಮಿ ಅಗೆಯುವ ಕಾರ್ಯ ಈಗಾಗಲೇ ಆರಂಭವಾಗಿದ್ದು, ಸಂಜೆ 4.30ರ ವೇಳೆಗೆ ಅಂತಿಮ ವಿಧಿವಿಧಾನ ನೆರವೇರಲಿದೆ.

Jayalalithaa Died: Former Tamil Nadu chief minister J Jayalalithaa, mortal remains will be buried, going against the traditional Brahminical funeral process of cremating the body.