ಆ್ಯಪ್ನಗರ

ಜಾರ್ಖಂಡ್‌ ಹಲ್ಲೆ ಪ್ರಕರಣ ನಿಜಕ್ಕೂ ನೋವಾಗಿದೆ, ಆದರೆ ಇಡೀ ರಾಜ್ಯ ದೂಷಿಸುವುದು ಸರಿಯಲ್ಲ: ಮೋದಿ

ರಾಷ್ಟ್ರಪತಿ ಭಾಷಣದ ಮೇಲಿನ ವಂದನಾ ನಿರ್ಣಯದ ಮೇಲೆ ಉತ್ತರ ನೀಡಿದ ಪ್ರಧಾನಿ ಮೋದಿ, ಪ್ರತಿಪಕ್ಷಗಳ ಮೇಲೆ ಚಾಟಿ ಬೀಸಿದರು.

Vijaya Karnataka Web 26 Jun 2019, 4:22 pm
ಹೊಸದಿಲ್ಲಿ: ಜಾರ್ಖಂಡ್‌ನಲ್ಲಿ ನಡೆದ ಸಾಮೂಹಿಕ ಹಲ್ಲೆಯಿಂದ ಯುವಕ ಬಲಿಯಾಗಿರುವ ಪ್ರಕರಣ ನಿಜಕ್ಕೂ ನೋವು ತರಿಸಿದೆ. ಆದರೆ ಈ ಒಂದು ಘಟನೆಯಿಂದಾಗಿ ಇಡೀ ರಾಜ್ಯವನ್ನು ದೂಷಿಸುವುದು ಸರಿಯಲ್ಲ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ತಿಳಿಸಿದ್ದಾರೆ.
Vijaya Karnataka Web ಮೋದಿ
ಮೋದಿ


ರಾಷ್ಟ್ರಪತಿ ಭಾಷಣದ ಮೇಲಿನ ವಂದನಾ ನಿರ್ಣಯಕ್ಕೆ ಪ್ರಧಾನಿ ನರೇಂದ್ರ ಮೋದಿ ರಾಜ್ಯಸಭೆಯಲ್ಲಿ ಉತ್ತರ ನೀಡಿದರು.

ಪ್ರತಿಪಕ್ಷಗಳು ಆಡಳಿತ ಪಕ್ಷವನ್ನು ಸದಾ ದೂಷಣೆ ಮಾಡುವುದನ್ನೇ ಅಭ್ಯಾಸ ಮಾಡಿಕೊಂಡಿದೆ. ಜಾರ್ಖಂಡ್‌ನಲ್ಲಿ ಇತ್ತೀಚೆಗೆ ಗುಂಪು ಹಲ್ಲೆ ಪ್ರಕರಣದಲ್ಲಿ ಯುವಕ ಬಲಿಯಾಗಿದ್ದು ನೋವು ತರಿಸಿದೆ. ಇದಕ್ಕಾಗಿ ಇಡೀ ರಾಜ್ಯವನ್ನೇ ದೋಷಿಯ ಸ್ಥಾನದಲ್ಲಿ ನಿಲ್ಲಿಸುವುದು ಸರಿಯಲ್ಲ ಎಂದರು.

ಜಾರ್ಖಂಡ್‌ ಈಗ ಗುಂಪು ಹಲ್ಲೆಯ ಕೇಂದ್ರ (ಲಿಂಚಿಂಗ್‌ ಹಬ್‌) ಎಂದು ಕೆಲವರು ಹೇಳುತ್ತಿದ್ದಾರೆ. ಇದು ನಿಜಕ್ಕೂ ತಪ್ಪು. ಈ ರೀತಿಯ ಹೇಳಿಕೆಗಳಿಂದಾಗಿ ಇಡೀ ರಾಜ್ಯವನ್ನೇ ಅವಮಾನಿಸಲಾಗುತ್ತಿದೆ ಎಂದು ಮೋದಿ ತಿಳಿಸಿದರು.

ಕಾಂಗ್ರೆಸ್‌ನ ಹಿರಿಯ ನಾಯಕ ಗುಲಾಂ ನಬಿ ಆಜಾದ್‌ ಅವರ ದೃಷ್ಟಿ ಈಗ ಮಬ್ಬಾಗಿದೆ. ಏಕೆಂದರೆ ಅವರು ಎಲ್ಲವನ್ನೂ ಈಗ ರಾಜಕೀಯದ ಕನ್ನಡಕ ಧರಿಸಿ ನೋಡುತ್ತಿದ್ದಾರೆ. ಇಂಥವರಿಗೆ ಗಾಲಿಬ್‌ ಒಂದು ಮಾತು ಹೇಳಿದ್ದಾರೆ. 'ದೂಲ್‌ ಚೆಹರೆ ಪೆ ತಿ, ಆಯ್ನಾ ಸಾಫ್‌ ಕರ್ತಾ ರಹಾ' (ಮುಖದ ಮೇಲೆ ದೂಳು ಇತ್ತು. ಆದರೆ ಅವರು ಕನ್ನಡಿಯನ್ನು ಒರೆಸುತ್ತಿದ್ದ) ಎಂದು ನರೇಂದ್ರ ಮೋದಿ ತಮ್ಮದೇ ಶೈಲಿಯಲ್ಲಿ ಚಾಟಿ ಬೀಸಿದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ