ಹೊಸದಿಲ್ಲಿ: ಪ್ರತಿಷ್ಠಿತ ಜವಾಹರ್‌ಲಾಲ್‌ ನೆಹರೂ ವಿಶ್ವವಿದ್ಯಾಲಯದಲ್ಲಿ ಭದ್ರತಾ ಸಿಬ್ಬಂದಿಯಾಗಿರುವ 34 ವರ್ಷದ ರಾಮ್‌ಜಲ್‌ ಮೀನಾ ವಿವಿಯ ಪ್ರವೇಶ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದಾರೆ. ಈ ಮೂಲಕ ವಿವಿಯಲ್ಲಿ ರಷ್ಯಾ ಭಾಷೆ ವಿಷಯವಾಗಿ ಬಿ.ಎ.(ಹಾನರ್ಸ್‌) ಪದವಿ ಶಿಕ್ಷಣ ಪಡೆಯಲು ಅರ್ಹತೆ ಗಳಿಸಿದ್ದಾರೆ. 2014ರಿಂದ ಜೆಎನ್‌ಯುನಲ್ಲಿ ರಾಮ್‌ಜಲ್‌ ಭದ್ರತಾ ಸಿಬ್ಬಂದಿಯಾಗಿದ್ದು ಮಾಸಿಕ 3 ಸಾವಿರ ರೂ. ವೇತನ ಪಡೆಯುತ್ತಿದ್ದಾರೆ. ಕೇಂದ್ರ ಲೋಕಸೇವಾ ಆಯೋಗದ ಪ್ರವೇಶ ಪರೀಕ್ಷೆ ಬರೆದು ಐಎಎಸ್‌ ಅಧಿಕಾರಿಯಾಗುವ ಕನಸನ್ನು ಅವರು ಹೊಂದಿದ್ದಾರೆ. ''ರಾಜಸ್ಥಾನ ವಿವಿಯಲ್ಲಿ ಈ ಹಿಂದೆಯೇ ಬಿ.ಎಸ್ಸಿಗೆ ನೋಂದಣಿ ಮಾಡಿಸಿದ್ದೆ. ಪುಸ್ತಕ ಖರೀದಿ ಹಾಗೂ ಇತರ ಖರ್ಚಿಗೆ ದುಡ್ಡಿಲ್ಲದೇ ಮೊದಲ ವರ್ಷದಲ್ಲಿಯೇ ವ್ಯಾಸಂಗ ತೊರೆದೆ. ಕೆಲಸಕ್ಕಾಗಿ ಶೋಧ ನಡೆಸುತ್ತಿದ್ದಾಗ ಉದ್ಯೋಗ ಮೇಳವೊಂದರಲ್ಲಿ ಜೆಎನ್‌ಯುನಲ್ಲಿ ಸೆಕ್ಯುರಿಟಿ ಗಾರ್ಡ್‌ ಕೆಲಸ ಸಿಕ್ಕಿತು,'' ಎಂದು ರಾಮ್‌ಜಲ್‌ ತಿಳಿಸಿದ್ದಾರೆ.
ಜೆಎನ್‌ಯು ವಿವಿ ಪ್ರವೇಶ ಪರೀಕ್ಷೆ ಪಾಸ್‌ ಆದ ಗಾರ್ಡ್‌!
2014ರಿಂದ ಜೆಎನ್‌ಯುನಲ್ಲಿ ರಾಮ್‌ಜಲ್‌ ಭದ್ರತಾ ಸಿಬ್ಬಂದಿಯಾಗಿದ್ದು ಮಾಸಿಕ 3 ಸಾವಿರ ರೂ. ವೇತನ ಪಡೆಯುತ್ತಿದ್ದಾರೆ.
PTI 17 Jul 2019, 5:00 am