ಪೋಸ್ಟರ್‌ನಲ್ಲಿ ಮೋದಿ, ಶಾ ಜತೆ ರಾಹುಲ್ ಆಪ್ತ ಜ್ಯೋತಿರಾದಿತ್ಯ

ಭೋಪಾಲ್‌: ಕಾಂಗ್ರೆಸ್‌ನಲ್ಲಿ ಲೋಕಸಭಾಚುನಾವಣೆ ಸೋಲಿನ ಅವಲೋಕನದ ಅಗತ್ಯವಿದೆ ಎಂದು ಆಗ್ರಹಿಸಿ ಪಕ್ಷದ ಹಿರಿಯ ನಾಯಕರ ಕೆಂಗಣ್ಣಿಗೆ ಗುರಿಯಾಗಿರುವ
ರಾಹುಲ್‌ ಗಾಂಧಿ ಅವರ ಆಪ್ತ ಜ್ಯೋತಿರಾದಿತ್ಯ ಸಿಂಧಿಯಾ ಅವರ ಫೋಟೊವನ್ನು ಪ್ರಧಾನಿ ಮೋದಿ ಹಾಗೂ ಗೃಹ ಸಚಿವ ಅಮಿತ್‌ ಶಾ ಅವರ ಫೋಟೊ ಇರುವ ಪೋಸ್ಟರ್‌ನಲ್ಲಿ ಹಾಕಿರುವುದು ವಿವಾದ ಸೃಷ್ಟಿಸಿದೆ.

ಪೋಸ್ಟರ್‌ನಲ್ಲಿ ಭಾರತಮಾತೆಯ ಚಿತ್ರ ಕೂಡ ಇರುವುದು ಗಮನಾರ್ಹ. ಮಧ್ಯಪ್ರದೇಶದ ಭಿಂಡ್‌ ಜಿಲ್ಲೆಗೆ ಸಿಂಧಿಯಾ ಭೇಟಿ ನೀಡುವ ಸಂದರ್ಭದಲ್ಲಿ ಬಿಜೆಪಿಯ ಕಾರ್ಯಕರ್ತ
ಹೃದೇಶ್‌ ಕುಮಾರ್‌ ಎಂಬಾತ ಈ ಪೋಸ್ಟರ್‌ ಹಾಕಿಸಿದ್ದಾರೆ.

ಕಾಂಗ್ರೆಸ್‌ಗೆ ತುರ್ತು ಆತ್ಮಾವಲೋಕನದ ಅಗತ್ಯವಿದೆ: ಜ್ಯೋತಿರಾದಿತ್ಯ ಸಿಂಧಿಯಾ

ಈ ಕುರಿತು ಪ್ರತಿಕ್ರಿಯಿಸಿರುವ ಶರ್ಮಾ, 370ನೇ ವಿಧಿ ರದ್ದುಗೊಳಿಸುವ ಕೇಂದ್ರ ಸರಕಾರದ ನಿರ್ಧಾರಕ್ಕೆ ಜ್ಯೋತಿ ರಾದಿತ್ಯ ಬೆಂಬಲ ಸೂಚಿಸಿದ್ದರು. ಅದಕ್ಕೆ ಧನ್ಯವಾದ ತಿಳಿಸಲು ಈ ಪೋಸ್ಟರ್‌ ಹಾಕಿಸಿದ್ದೇನೆ ಎಂದಿದ್ದಾರೆ. ಪೋಸ್ಟರ್‌ನಲ್ಲಿ ಮೋದಿ, ಶಾ ಅವರೊಂದಿಗೆ ಸಿಂಧಿಯಾ ಅವರ ಫೋಟೊ ಕಾಣಿಸಿಕೊಂಡ ಕೂಡಲೇ ಅವರು ಬಿಜೆಪಿಗೆ ಸೇರ್ಪಡೆಗೊಳ್ಳುವ ವದಂತಿ ಹರಡಿತ್ತು.

ಇದಕ್ಕೆ ಸ್ಪಷ್ಟನೆ ನೀಡಿರುವ ಕಾಂಗ್ರೆಸ್‌ ವಕ್ತಾರ ಪಂಕಜ್‌ ಚತುರ್ವೇದಿ, ಯಾವುದೇ ಕಾರಣಕ್ಕೂ ಜ್ಯೋತಿರಾದಿತ್ಯ ಅವರು ಬಿಜೆಪಿಗೆ ಹೋಗುವುದಿಲ್ಲ. ಈ ಪೋಸ್ಟರ್‌ ಅನ್ನು ತಪ್ಪಾಗಿ ಅರ್ಥೈಸುವುದು ಬೇಡ ಎಂದಿದ್ದಾರೆ.

ಮಧ್ಯಪ್ರದೇಶ ಸಿಎಂ ಕಮಲ್‌ನಾಥ್‌ ಅವರೊಂದಿಗೆ ತೆರೆಮರೆ ತಿಕ್ಕಾಟದಲ್ಲಿರುವ ಸಿಂಧಿಯಾ ರಾಜ್ಯ ಸರಕಾರದ ಆಡಳಿತದ ವಿರುದ್ಧ ಹಲವು ಬಾರಿ ಬಹಿರಂಗವಾಗಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಅಧ್ಯಕ್ಷಗಿರಿಗೆ ರಾಹುಲ್ ವಿದಾಯ: ಪಲಾಯನ ಮಾಡಿದ್ದು ದೊಡ್ಡ ತಪ್ಪೆಂದ ಸಲ್ಮಾನ್ ಖುರ್ಶಿದ್