ರೇಪಿಸ್ಟ್‌ ಪಾದ್ರಿ ವಿರುದ್ಧ ಕ್ರಮಕ್ಕೆ ಆ್ಯಂಟನಿ ಆಗ್ರಹ

ಕೋಯಿಕ್ಕೋಡ್‌: ಕಣ್ಣೂರಿನ ಪೆರವೂರಿನಲ್ಲಿ ಅಪ್ರಾಪ್ತ ವಯಸ್ಕ ಬಾಲಕಿಯ ಮೇಲೆ ಅತ್ಯಾಚಾರ ನಡೆಸಿರುವ ಪಾದ್ರಿಯ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಕಾಂಗ್ರೆಸ್‌ ಮುಖಂಡ ಎ.ಕೆ. ಆ್ಯಂಟನಿ ಆಗ್ರಹಿಸಿದ್ದಾರೆ.

ಆರೋಪಿ ಕರುಣೆ ಮತ್ತು ಕ್ಷಮೆಗೆ ಅರ್ಹನಲ್ಲವಾದ ಕಾರಣ ಯಾವುದೇ ಧಾರ್ಮಿಕ ಮತ್ತು ರಾಜಕೀಯ ಹಿನ್ನಲೆಯನ್ನು ಕೂಡ ಪರಿಗಣಿಸದೆ ಕಠಿಣ ಶಿಕ್ಷೆಯ ಮಾರ್ಗವನ್ನೇ ಅನುಸರಿಸಬೇಕು ಎಂದು ಅವರು ಹೇಳಿದ್ದಾರೆ.

ಆರೋಪಿಗೆ ಸೂಕ್ತ ಶಿಕ್ಷೆ ನೀಡುವ ಮೂಲಕ ದೇಶದಲ್ಲಿರುವ ಇಂಥ ಮನಸ್ಥಿತಿಯವರಿಗೆ ಸೂಕ್ತ ಸಂದೇಶ ನೀಡುವ ಅಗತ್ಯ ಇದೆ. ಆರೋಪಿಯು ಸಮುದಾಯಕ್ಕೆ ಮತ್ತು ದೇವರ ನಾಡು ಎನ್ನುವ ರಾಜ್ಯದ ಗೌರವಕ್ಕೆ ಕಳಂಕ ತಂದಿರುವುದಾಗಿ ಆ್ಯಂಟನಿ ಹೇಳಿದ್ದಾರೆ.

ಅಪ್ರಾಪ್ತ ವಯಸ್ಕ ಬಾಲಕಿಯ ಮೇಲೆ ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಫಾ. ರಾಬಿನ್‌ ವಡಕ್ಕಂಚೆರಿಲ್‌ ಎಂಬವರನ್ನು ಫೆ. 28ರಂದು ಬಂಧಿಸಲಾಗಿತ್ತು.

antony demands strict action against 'rapist' priest: Senior congress leader A K Antony came down heavily on the priest who is accused of raping a minor girl at Peravoor in Kannur district.