ಇನ್ಮುಂದೆ ಶಾಲಾ, ಕಾಲೇಜುಗಳಲ್ಲಿ ಸ್ಟ್ರೈಕ್‌ ನಡೆಸುವಂತಿಲ್ಲ, ಪ್ರತಿಭಟನೆಗೆ ನಿಷೇಧ ಹೇರಿದ ಕೇರಳ ಹೈಕೋರ್ಟ್‌

ತಿರುವನಂತಪುರಂ: ಕೇರಳದ ಶಾಲಾ, ಕಾಲೇಜುಗಳಲ್ಲಿ ನಡೆಯುವ ಪ್ರತಿಭಟನೆ ಮೇಲೆ ಕೇರಳ ಹೈಕೋರ್ಟ್‌ ನಿಷೇಧ ಹೇರಿದೆ. ಶಾಲಾ, ಕಾಲೇಜುಗಳ ಕ್ಯಾಂಪಸ್‌ಗಳ ಕಾರ್ಯನಿರ್ವಹಣೆ ಮೇಲೆ ಪ್ರತಿಭಟನೆಗಳು ಪರಿಣಾಮ ಬೀರಬಾರದು ಎಂದಿರುವ ಹೈಕೋರ್ಟ್‌ ಪ್ರತಿಭಟನೆ ನಡೆಸದಂತೆ ಬುಧವಾರ ಆದೇಶ ನೀಡಿದೆ.

ಪ್ರತಿಭಟನೆಗಳಿಂದ ಕ್ಯಾಂಪಸ್‌ಗಳ ಕಾರ್ಯಚಟುವಟಿಕೆಗೆ ಅಡ್ಡಿ ಉಂಟಾಗಬಾರದು. ಶಾಲಾ, ಕಾಲೇಜುಗಳು ಇರುವುದು ವಿದ್ಯಾಭ್ಯಾಸಕ್ಕಾಗಿಯೇ ಹೊರತು ಪ್ರತಿಭಟನೆ ಮಾಡುವುದಕ್ಕಲ್ಲ ಎಂದು ನ್ಯಾಯಮೂರ್ತಿ ಪಿ.ಬಿ.ಸುರೇಶ್‌ ಕುಮಾರ್‌ ಅವರ ನ್ಯಾಯಪೀಠ ಹೇಳಿದೆ.

ಕ್ಯಾಂಪಸ್‌ಗಳಲ್ಲಿ ಯಾವುದೇ ಮೆರವಣಿಗೆ ಅಥವಾ ಘೇರಾವ್‌ ಇರಬಾರದು. ಮುಷ್ಕರಕ್ಕೆ ಯಾರನ್ನು ಪ್ರಚೋದಿಸಬೇಡಿ ಎಂದು ಕೇರಳ ಹೈಕೋರ್ಟ್‌ ತನ್ನ ಆದೇಶದಲ್ಲಿ ಹೇಳಿದೆ.

ಇಸ್ರೋ ಮಾಜಿ ವಿಜ್ಞಾನಿಗೆ ಕೇರಳದಿಂದ 1.30 ಕೋಟಿ ರೂ. ಪರಿಹಾರ ಘೋಷಣೆ

ಈ ಆದೇಶ ಎಲ್ಲಾ ಶಾಲೆಗಳು ಮತ್ತು ಕಾಲೇಜುಗಳಿಗೆ ಅನ್ವಯಿಸುತ್ತದೆ. ಇತರರ ಹಕ್ಕುಗಳಿಗೆ ಹಾನಿ ಮಾಡಬೇಡಿ. ಕಾಲೇಜುಗಳು ಶಾಂತಿಯುತ ಚರ್ಚೆಗಳು ಅಥವಾ ಆಲೋಚನೆಗಳಿಗೆ ವೇದಿಕೆಯಾಗಬೇಕು ಎಂದು ನ್ಯಾಯಮೂರ್ತಿಗಳು ಅಭಿಪ್ರಾಯಪಟ್ಟಿದ್ದಾರೆ.

ಕನ್ನಡ ಶಾಲೆಗಳಿಗೆ ಮತ್ತೆ ಮಲೆಯಾಳಿ ಶಿಕ್ಷಕರ ನೇಮಕ! ಕಾಸರಗೋಡಿನಲ್ಲಿ ಕೇರಳ ಸರ್ಕಾರದ ಕಿರಿಕ್

ನ್ಯಾಯಾಲಯದ ಆದೇಶವನ್ನು ಧಿಕ್ಕರಿಸಿ ಒಂದು ವೇಳೆ ಕಾಲೇಜುಗಳಲ್ಲಿ ಪ್ರತಿಭಟನೆಗೆ ಮುಂದಾದರೆ, ಕಾಲೇಜು ಆಡಳಿತ ಮಂಡಳಿಯವರು ಕ್ರಮ ತೆಗೆದುಕೊಳ್ಳಬಹುದು. ಪೊಲೀಸರಿಗೆ ಮಾಹಿತಿ ನೀಡಿ ಶಾಂತಿಯನ್ನು ಮರುಸ್ಥಾಪಿಸಬಹುದು ಎಂದು ಆದೇಶ ತಿಳಿಸುತ್ತದೆ.

ಕ್ಯಾಂಪಸ್‌ ರಾಜಕೀಯದ ವಿರುದ್ಧ 20 ಶಿಕ್ಷಣ ಸಂಸ್ಥೆಗಳು ಸಲ್ಲಿಸಿದ್ದ ಅರ್ಜಿಯನ್ನು ವಿಚಾರಣೆ ನಡೆಸುವಾಗ ಕೇರಳ ಹೈಕೋರ್ಟ್‌ ಈ ಆದೇಶ ಹೊರಡಿಸಿದೆ.