ದೇಶದಲ್ಲಿ ಏನಾಗುತ್ತಿದೆ? ಅಲಪ್ಪುಳದಲ್ಲಿ PFI ರ‍್ಯಾಲಿಗೆ ಕೇರಳ ಹೈಕೋರ್ಟ್ ಅಸಮಾಧಾನ!
ಪಿಎಫ್‌ಐ ರ‍್ಯಾಲಿಗೆ ಕೇರಳ ಹೈಕೋರ್ಟ್ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದು, ಬಾಲಕನ ಪ್ರಚೋದನಾತ್ಮಕ ಹೇಳಿಕೆಗೆ ಸಂಘಟಕರೇ ಹೊಣೆ, ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಪೊಲೀಸರಿಗೆ ಸೂಚಿಸಿದೆ. ಕೇರಳದ ಅಲಪ್ಪುಳದಲ್ಲಿ ಪಾಪ್ಯುಲರ್‌ ಫ್ರಂಟ್‌ ಆಫ್‌ ಇಂಡಿಯಾ (ಪಿಎಫ್‌ಐ) ಆಯೋಜಿಸಿದ್ದ ರ‍್ಯಾಲಿಯಲ್ಲಿ ಬಾಲಕನೊಬ್ಬ ಹಿಂದೂಗಳು ಹಾಗೂ ಕ್ರೈಸ್ತರು ಸಭ್ಯರಾಗಿ ಇರಬೇಕು. ಇಲ್ಲದಿದ್ದರೆ, ನೀವು ಅಂತ್ಯಕ್ರಿಯೆಗೆ ಸಿದ್ಧವಾಗಬೇಕಾಗುತ್ತದೆ ಎಂದು ಪ್ರಚೋದನಾತ್ಮಕ ಹೇಳಿಕೆ ನೀಡಿದ್ದ.
ಹೈಲೈಟ್ಸ್‌:
- ಪಿಎಫ್‌ಐ ರ‍್ಯಾಲಿಗೆ ಕೇರಳ ಹೈಕೋರ್ಟ್ ತೀವ್ರ ಅಸಮಾಧಾನ
- ದೇಶದಲ್ಲಿ ಏನಾಗುತ್ತಿದೆ ಎಂದು ಪ್ರಶ್ನಿಸಿದ ಕೇರಳ ಹೈಕೋರ್ಟ್
- ಪ್ರಚೋದನಾತ್ಮಕ ಘೋಷಣೆಗೆ ಸಂಘಟಕರೇ ಹೊಣೆ ಎಂದ ನ್ಯಾಯಾಲಯ
ತಿರುವನಂತಪುರಂ: ಕೇರಳದ ಅಲಪ್ಪುಳದಲ್ಲಿ ಪಾಪ್ಯುಲರ್‌ ಫ್ರಂಟ್‌ ಆಫ್‌ ಇಂಡಿಯಾ (ಪಿಎಫ್‌ಐ) ಆಯೋಜಿಸಿದ್ದ ರ‍್ಯಾಲಿಯಲ್ಲಿ ಬಾಲಕನೊಬ್ಬ ಪ್ರಚೋದನಾತ್ಮಕ ಘೋಷಣೆ ಕೂಗಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೇರಳ ಹೈಕೋರ್ಟ್ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದು, ''ದೇಶದಲ್ಲಿಏನಾಗುತ್ತಿದೆ,'' ಎಂದು ಪ್ರಶ್ನಿಸಿದೆ.
ದೇಶದಲ್ಲಿ ಯಾವ ಘೋಷಣೆ ಬೇಕಾದರೂ ಕೂಗಬಹುದೇ, ಇದುವರೆಗೆ ಪೊಲೀಸರು ಎಷ್ಟು ಜನರನ್ನು ಬಂಧಿಸಿದ್ದೀರಿ. ಇನ್ನಾದರೂ ಕೂಡಲೇ ಕ್ರಮ ತೆಗೆದುಕೊಳ್ಳಬೇಕು ಎಂದು ಪಿವಿ ಕುನ್ಹಿಕೃಷ್ಣನ್‌ ಆದೇಶಿಸಿದರು. ಕಳೆದ ಶನಿವಾರ ಅಲಪ್ಪುಳದಲ್ಲಿ ನಡೆದ ರ‍್ಯಾಲಿಯ ವೇಳೆ ಬಾಲಕನೊಬ್ಬ, ''ಹಿಂದೂಗಳು ಹಾಗೂ ಕ್ರೈಸ್ತರು ಸಭ್ಯರಾಗಿ ಇರಬೇಕು. ಇಲ್ಲದಿದ್ದರೆ, ನೀವು ಅಂತ್ಯಕ್ರಿಯೆಗೆ ಸಿದ್ಧವಾಗಬೇಕಾಗುತ್ತದೆ,'' ಎಂದು ಘೋಷಣೆ ಕೂಗಿದ ವಿಡಿಯೊ ವೈರಲ್‌ ಆಗಿತ್ತು.
28 ಜನರ ಬಂಧನ!
ಪಿಎಫ್‌ಐ ರ‍್ಯಾಲಿಯಲ್ಲಿ ಪ್ರಚೋದನಾತ್ಮಕ ಹೇಳಿಕೆ ಘೋಷಣೆ ಕೂಗಿದ ವಿವಾದದ ಬೆನ್ನಲ್ಲೇ ಕೇರಳ ಪೊಲೀಸರು 28 ಜನರನ್ನು ಬಂಧಿಸಿದ್ದಾರೆ. ಘೋಷಣೆ ಕೂಗಿದ ಆರೋಪದಲ್ಲಿಆರೋಪಿಗಳನ್ನು ವಶಪಡಿಸಿಕೊಂಡು ವಿಚಾರಣೆ ನಡೆಸಲಾಗುತ್ತಿದೆ. ಘೋಷಣೆ ಕೂಗಿದ ಬಾಲಕ ಹಾಗೂ ಆತನ ಕುಟುಂಬಸ್ಥರನ್ನು ಪತ್ತೆಮಾಡಿದ್ದು, ಅವರು ತಲೆಮರೆಸಿಕೊಂಡಿದ್ದಾರೆ. ಅವರಿಗಾಗಿ ತೀವ್ರ ಶೋಧ ನಡೆಯುತ್ತಿದೆ.
ಸುಪ್ರೀಂಗೆ ಪಿಎಫ್‌ಐ ಸಡ್ಡು?
ವಾರಾಣಸಿಯ ಗ್ಯಾನವಾಪಿ ಮಸೀದಿ ಸೇರಿ ದೇಶದ ಹಲವು ಮಸೀದಿಗಳ ಅಸ್ತಿತ್ವ ಪ್ರಶ್ನಿಸಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿರುವುದನ್ನು ಪಿಎಫ್‌ಐ ತೀವ್ರವಾಗಿ ವಿರೋಧಿಸಿದೆ. ಕೇರಳದ ಪುಟ್ಟಂಥಣಿಯಲ್ಲಿ ಪಿಎಫ್‌ಐ ಕಾರ್ಯಕಾರಿ ಸಭೆ ನಡೆದಿದ್ದು, ಶುಕ್ರವಾರ ಬೆಳಗ್ಗೆ ಈ ಕುರಿತು ತೀರ್ಮಾನ ತೆಗೆದುಕೊಳ್ಳಲಾಗಿದೆ. ''ಗ್ಯಾನವಾಪಿ ಮಸೀದಿಯಲ್ಲಿ ಪೂಜೆ ಸಲ್ಲಿಸುವ ಕುರಿತು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದು ತಪ್ಪು. ನ್ಯಾಯಾಲಯ ಸಹ ಅರ್ಜಿಯನ್ನು ಪುರಸ್ಕರಿಸಬಾರದಿತ್ತು,'' ಎಂದು ನಿರ್ಣಯ ಕೈಗೊಳ್ಳಲಾಗಿದೆ.
ದೇಶದಲ್ಲಿ ಯಾವ ಘೋಷಣೆ ಬೇಕಾದರೂ ಕೂಗಬಹುದೇ, ಇದುವರೆಗೆ ಪೊಲೀಸರು ಎಷ್ಟು ಜನರನ್ನು ಬಂಧಿಸಿದ್ದೀರಿ. ಇನ್ನಾದರೂ ಕೂಡಲೇ ಕ್ರಮ ತೆಗೆದುಕೊಳ್ಳಬೇಕು ಎಂದು ಪಿವಿ ಕುನ್ಹಿಕೃಷ್ಣನ್‌ ಆದೇಶಿಸಿದರು. ಕಳೆದ ಶನಿವಾರ ಅಲಪ್ಪುಳದಲ್ಲಿ ನಡೆದ ರ‍್ಯಾಲಿಯ ವೇಳೆ ಬಾಲಕನೊಬ್ಬ, ''ಹಿಂದೂಗಳು ಹಾಗೂ ಕ್ರೈಸ್ತರು ಸಭ್ಯರಾಗಿ ಇರಬೇಕು. ಇಲ್ಲದಿದ್ದರೆ, ನೀವು ಅಂತ್ಯಕ್ರಿಯೆಗೆ ಸಿದ್ಧವಾಗಬೇಕಾಗುತ್ತದೆ,'' ಎಂದು ಘೋಷಣೆ ಕೂಗಿದ ವಿಡಿಯೊ ವೈರಲ್‌ ಆಗಿತ್ತು.
28 ಜನರ ಬಂಧನ!
ಪಿಎಫ್‌ಐ ರ‍್ಯಾಲಿಯಲ್ಲಿ ಪ್ರಚೋದನಾತ್ಮಕ ಹೇಳಿಕೆ ಘೋಷಣೆ ಕೂಗಿದ ವಿವಾದದ ಬೆನ್ನಲ್ಲೇ ಕೇರಳ ಪೊಲೀಸರು 28 ಜನರನ್ನು ಬಂಧಿಸಿದ್ದಾರೆ. ಘೋಷಣೆ ಕೂಗಿದ ಆರೋಪದಲ್ಲಿಆರೋಪಿಗಳನ್ನು ವಶಪಡಿಸಿಕೊಂಡು ವಿಚಾರಣೆ ನಡೆಸಲಾಗುತ್ತಿದೆ. ಘೋಷಣೆ ಕೂಗಿದ ಬಾಲಕ ಹಾಗೂ ಆತನ ಕುಟುಂಬಸ್ಥರನ್ನು ಪತ್ತೆಮಾಡಿದ್ದು, ಅವರು ತಲೆಮರೆಸಿಕೊಂಡಿದ್ದಾರೆ. ಅವರಿಗಾಗಿ ತೀವ್ರ ಶೋಧ ನಡೆಯುತ್ತಿದೆ.
ಸುಪ್ರೀಂಗೆ ಪಿಎಫ್‌ಐ ಸಡ್ಡು?
ವಾರಾಣಸಿಯ ಗ್ಯಾನವಾಪಿ ಮಸೀದಿ ಸೇರಿ ದೇಶದ ಹಲವು ಮಸೀದಿಗಳ ಅಸ್ತಿತ್ವ ಪ್ರಶ್ನಿಸಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿರುವುದನ್ನು ಪಿಎಫ್‌ಐ ತೀವ್ರವಾಗಿ ವಿರೋಧಿಸಿದೆ. ಕೇರಳದ ಪುಟ್ಟಂಥಣಿಯಲ್ಲಿ ಪಿಎಫ್‌ಐ ಕಾರ್ಯಕಾರಿ ಸಭೆ ನಡೆದಿದ್ದು, ಶುಕ್ರವಾರ ಬೆಳಗ್ಗೆ ಈ ಕುರಿತು ತೀರ್ಮಾನ ತೆಗೆದುಕೊಳ್ಳಲಾಗಿದೆ. ''ಗ್ಯಾನವಾಪಿ ಮಸೀದಿಯಲ್ಲಿ ಪೂಜೆ ಸಲ್ಲಿಸುವ ಕುರಿತು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದು ತಪ್ಪು. ನ್ಯಾಯಾಲಯ ಸಹ ಅರ್ಜಿಯನ್ನು ಪುರಸ್ಕರಿಸಬಾರದಿತ್ತು,'' ಎಂದು ನಿರ್ಣಯ ಕೈಗೊಳ್ಳಲಾಗಿದೆ.