ಕೇರಳ ಜಿಹಾದಿ ಗುಂಪುಗಳಿಗೆ ದುಬೈ, ಟರ್ಕಿಯಿಂದ ಭಾರಿ ಪ್ರಮಾಣದಲ್ಲಿ ಹಣ

ಹೊಸದಿಲ್ಲಿ: ಕೇರಳದಲ್ಲಿರುವ ಜಿಹಾದಿ ಗುಂಪುಗಳಿಗೆ ಕೆಲವು ತಿಂಗಳಿಂದ ಕೊಲ್ಲಿ ರಾಷ್ಟ್ರಗಳಿಂದ ಭಾರಿ ಪ್ರಮಾಣದಲ್ಲಿ ಹಣ ಹರಿದು ಬರುತ್ತಿರುವ ಆಘಾತಕಾರಿ ಮಾಹಿತಿ ಗುಪ್ತಚರ ಇಲಾಖೆಯಿಂದ ಹೊರಬದಿದ್ದಿದೆ.

ಈ ಸಂಬಂಧ ಕೇಂದ್ರ ಗೃಹ ಸಚಿವಾಲಯ ಗುಪ್ತಚರ ಇಲಾಖೆಯಿಂದ ವಿವರವಾದ ವರದಿಯನ್ನು ಕೋರಿದೆ. ಜಿಹಾದಿ ಸಂಘಟನೆಗಳ ಜತೆ ನಂಟು ಹೊಂದಿರುವ ವ್ಯಕ್ತಿಯೊಬ್ಬ 2019ರ ಸೆಪ್ಟೆಂಬರ್‌ 9ರಿಂದ 19ರವರೆಗೆ ದುಬೈಗೆ ಭೇಟಿ ನೀಡಿದ್ದ. ಅಲ್ಲಿ ಆತನಿಗೆ ವಿವಿಧ ಮೂಲಗಳಿಂದ 40 ಲಕ್ಷ ರೂ. ಹಣ ಸಂದಾಯವಾಗಿದೆ.

ಇದೇ ರೀತಿ ಅಕ್ಟೋಬರ್‌ನಲ್ಲಿಇನ್ನೊಬ್ಬ ಜಿಹಾದಿ ಗುಂಪಿನ ಸದಸ್ಯ ಕತಾರ್‌ಗೆ ಭೇಟಿಕೊಟ್ಟು ಅಲ್ಲಿ ಟರ್ಕಿ ಮೂಲದ ಕೆಲ ವ್ಯಕ್ತಿಗಳೊಂದಿಗೆ ಮಾತುಕತೆ ನಡೆಸಿದ್ದ. ಈ ವೇಳೆ ಅವರು ಭಾರತದಲ್ಲಿ ಉಗ್ರ ಕೃತ್ಯಗಳನ್ನು ಕೈಗೊಳ್ಳಲು ಹಣದ ನೆರವು ನೀಡುವ ಭರವಸೆ ನೀಡಿದ್ದರು ಎಂಬ ಮಾಹಿತಿ ಗುಪ್ತಚರ ಇಲಾಖೆಗೆ ಲಭ್ಯವಾಗಿದೆ.