ಆಹಾರದಲ್ಲೂ ವಿಶ್ವಕಪ್ ಮೇನಿಯಾ

ವಿಶ್ವಕಪ್‌ ಕ್ರಿಕೆಟ್‌ ಮೇನಿಯಾ ಅನೇಕ ರೆಸ್ಟೋರೆಂಟ್‌ಗಳಿಗೂ ವ್ಯಾಪಿಸಿದೆ. ಕೆಲವು ರೆಸ್ಟೋರೆಂಟ್‌ಗಳು ಕ್ರಿಕೆಟ್‌ ಥೀಮ್‌ನ ಖಾದ್ಯಗಳನ್ನು ಮಾಡಿ ಸರ್ವ್‌ ಮಾಡುತ್ತಿವೆ. ಈ ಪೈಕಿ ಪಶ್ಚಿಮ ಬಂಗಾಳದ ಸೆರಾಂಪುರ ನಗರದಲ್ಲಿರುವ ರೆಸ್ಟೋರೆಂಟ್‌ ಕೂಡಾ ಒಂದು. ಇಲ್ಲಿ ಐಸಿಸಿ ವರ್ಲ್ಡ್‌ಕಪ್‌ ಥೀಮ್‌ನ ಅನೇಕ ಖಾದ್ಯ, ಸಿಹಿ ತಿಂಡಿ ಮತ್ತು ಪಾನೀಯಗಳು ಕಾಣಿಸಿಕೊಂಡಿವೆ.

ಇಲ್ಲಿಗೆ ಭೇಟಿ ನೀಡುವ ಗ್ರಾಹಕರಿಗೆ ಕ್ರಿಕೆಟ್‌ ಥೀಮ್‌ನ ಈ ಖಾದ್ಯಗಳೇ ಪ್ರಮುಖ ಆಕರ್ಷಣೆಗಳಾಗಿವೆ. ವಿಶ್ವಕಪ್‌ ಶೇಪ್‌ ಹೋಲುವ ಖಾದ್ಯವನ್ನು ಬಾಕ್ಸ್‌ವೊಂದರಲ್ಲಿ ಡಿಸ್‌ಪ್ಲೇಗೆ ಇಡಲಾಗಿದೆ. ಹಾಗೂ ಟೀಮ್‌ ಇಂಡಿಯಾದ ಜೆರ್ಸಿ ಉಡುಪಿನ ಮೇಲೆ ಕೇಸರಿ, ಬಿಳಿ ಮತ್ತು ಹಸಿರು ಬಣ್ಣಗಳ ತಂಪು ಪಾನೀಯವನ್ನು ಇಟ್ಟು ಟೀಮ್‌ ಇಂಡಿಯಾ ಮೇಲಿನ ತಮ್ಮ ಅಭಿಮಾನವನ್ನು ಈ ರೆಸ್ಟೋರೆಂಟ್‌ ಪ್ರದರ್ಶಿಸಿದೆ. ಇದೇ ರೀತಿ ಬ್ಯಾಟ್‌, ಬಾಲ್‌, ಸ್ಟಂಫ್ಸ್‌ಗಳನ್ನು ಹೋಲುವ ಸಿಹಿ ತಿಂಡಿಗಳು ಮತ್ತು ಕ್ರಿಕೆಟಿಗ ವಿರಾಟ್‌ ಕೊಹ್ಲಿ ಬ್ಯಾಟಿಂಗ್‌ ಮಾಡುತ್ತಿರುವ ಪ್ರತಿಕೃತಿಯ ಸ್ವೀಟ್‌ ಆಕರ್ಷಣೆಯ ಕೇಂದ್ರಬಿಂದುವಾಗಿದೆ.

ಐಪಿಎಲ್ ಸಂದರ್ಭದಲ್ಲಿ ಇಲ್ಲಿ ಕ್ರಿಕೆಟ್ ಧೀಮ್ ಖಾದ್ಯಗಳು ಗಮನ ಸೆಳೆದಿದ್ದವು.