ಈ ಗಣಪನ ಗಳಿಕೆ ಕೇಳಿದರೆ ನೀವೇ ಬೆಚ್ಚಿ ಬೀಳುತ್ತೀರ!

ಮುಂಬಯಿ: ಸಾಲು ಸಾಲು ಜನ ಸೇರುತ್ತಿದ್ದ ನಗರದ ಅತ್ಯಂತ ಜನಪ್ರಿಯ ಗಣೇಶನ ಲಾಲ್‌ಬಾಗ್‌ ಚಾ ರಾಜಾನ ಉತ್ಸವಕ್ಕೆ ಈ ಬಾರಿ ಭಕ್ತರ ಸಂಖ್ಯೆ ಕಡಿಮೆಯಾಗಿದ್ದರೂ, ಕಾಣಿಕೆ ಹುಂಡಿ ಮಾತ್ರ ಭರ್ತಿಯಾಗಿದೆ.

ಈ ಕುರಿತು ಹೇಳಿಕೆ ನೀಡಿರುವ ಲಾಲ್‌ಬಾಗ್‌ಚಾ ಗಣೇಶೋತ್ಸವ್‌ ಮಂಡಳಿಯ ಮಾಜಿ ಅಧ್ಯಕ್ಷ ಅಶೋಕ್‌ ಪವಾರ್‌, ಒಂದು ಕೆ.ಜಿ ಚಿನ್ನದ ಗಟ್ಟಿ, 1 ಕೆ.ಜಿ ತೂಕದ ಗಣಪತಿ ಮತ್ತು ಲಕ್ಷ್ಮಿ ಜೋಡಿ ಚಿನ್ನದ ವಿಗ್ರಹ. 250 ಗ್ರಾಂ ಚಿನ್ನದ 'ಮೋದಕ', ಚಿನ್ನ ಮತ್ತು ಬೆಳ್ಳಿಯ ಇತರೇ ವಸ್ತುಗಳು ಸೇರಿ 5 ಕೋಟಿ ರೂ. ನಗದನ್ನು ಈ ಬಾರಿ ಭಕ್ತರು ಗಣೇಶನಿಗೆ ಭಕ್ತಿ ರೂಪದಲ್ಲಿ ಕಾಣಿಕೆ ಸಮರ್ಪಿಸಿದ್ದಾರೆ. ಮುಂದಿನ ಶನಿವಾರದಂದು ಚಿನ್ನ ಹಗೂ ಬೆಳ್ಳಿಯ ಹರಾಜು ನಡೆಯಲಿದೆ ಎಂದು ಹೇಳಿದ್ದಾರೆ.

ಕಳೆದ ವರ್ಷ 6.6 ಕೋಟಿ ನಗದು ಮತ್ತು ಚಿನ್ನ ಮತ್ತು ಬೆಳ್ಳಿ ಹರಾಜಿನಿಂದ ಬಂದ 2.2 ಕೋಟಿ ನಗದು ಸೇರಿದ ಸುಮಾರು 9 ಕೋಟಿ ಕಾಣಿಕೆಯನ್ನು 'ರಾಜ' ಗಳಿಸಿದ್ದ.

ಪ್ರತಿಷ್ಠಾಪನೆ ಬಳಿಕ ಆರು ದಿನವೂ ಈ ಮಂದಿರದಲ್ಲಿ ಜನರ ನೂಕುನುಗ್ಗಲು ಇರುತ್ತದೆ, ಆದರೆ ಗಣೇಶ ವಿಸರ್ಜನೆ ಸಂದರ್ಭದಲ್ಲಿ ಹೆಚ್ಚಿನ ಜನರು ಸೇರುತ್ತಾರೆ. ಆದರೆ ಈ ಬಾರಿ ಮಳೆಯ ಅಡಚಡಣೆಯಿಂದ ಭಕ್ತ ಸಮೂಹ ಕೊಂಚ ಇಳಿದಿತ್ತು.