ದನ ಹೆಚ್ಚು ಸೆಗಣಿ ಹಾಕಬಾರದೆಂದ ಲೀಡರ್‌ SSC ಪರೀಕ್ಷೆಯಲ್ಲಿ ಫೇಲ್‌

ಪರೀಕ್ಷೆ ಎಂದರೆ ಅದೊಂದು ತಪಸ್ಸು, ಅದರಲ್ಲಿ ಜಯಗಳಿಸಬೇಕೆಂದರೆ ಕಠಿಣ ಶ್ರಮಬೇಕು ಎಂಬುದನ್ನು ಗುಜರಾತಿನ ಮುನ್ಸಿಪಾಲಿಟಿ ಅಧ್ಯಕ್ಷೆ ಅಲ್ಕಾ ಗೊಂಡಲಿಯಾ 6 ವಿಷಯಗಳಲ್ಲಿ ಫೇಲ್‌ ಆಗುವ ಮೂಲಕ ತೋರಿಸಿಕೊಟ್ಟಿದ್ದಾರೆ.

ಎಸ್‌ಎಸ್‌ಸಿ ಪರೀಕ್ಷೆಯಲ್ಲಿ ಗುಜರಾತಿನ ಶೇ. 68.24 ವಿದ್ಯಾರ್ಥಿಗಳು ತೇರ್ಗಡೆಯಾಗುವ ಮೂಲಕ ಉತ್ತಮ ಸಾಧನೆ ಮಾಡಿದರೆ ಮಕ್ಕಳ ಜತೆ ಪರೀಕ್ಷೆ ಬರೆದು ಎಲ್ಲಾ ಪರೀಕ್ಷೆಯಲ್ಲಿ ಸೋತು ಮುಖಭಂಗಕ್ಕೆ ಒಳಗಾಗಿದ್ದಾರೆ ಗೊಂಡಲಿಯಾ.

ಗೊಂಡಲಿಯಾ ಕಾಂಗ್ರೆಸ್‌ ಆಡಳಿತವಿರುವ ಅಮರೇಲಿ ಮುನ್ಸಿಪಾಲಿಟಿಯ ಅಧ್ಯಕ್ಷೆ. ತಾನು ಪರೀಕ್ಷೆ ಬರೆಯಬೇಕೆಂದು ಹೇಳಿದಾಗ ಆಕೆಯ ಹಿತೈಷಿಗಳು ಪ್ರೋತ್ಸಾಹಿಸಿದ್ದರು. ಆದರೆ ಪರೀಕ್ಷೆಯಲ್ಲಿ ಮಾತ್ರ ಕಳಪೆ ಸಾಧನೆ ಮಾಡಿದ್ದಾರೆ.

ಗೊಂಡಲಿಯಾ ಕೆಟ್ಟ ಕಾರಣಗಳಿಂದ ಸುದ್ದಿಯಲ್ಲಿದ್ದರು. ನೋಟ್‌ ಬ್ಯಾನ್‌ ಆದ ಸಂದರ್ಭದಲ್ಲಿ ದನ 3 ಕೆಜಿಕ್ಕಿಂತ ಹೆಚ್ಚು ಸೆಗಣಿ ಹಾಕಬಾರದೆಂಬ ಆದೇಶ ನೀಡಿ ನಗೆಪಾಟಲಿಗೆ ಈಡಾಗಿದ್ದರು.