ಜಮ್ಮು ರಿಂಗ್ ರೋಡ್ ಮೊದಲ ಹಂತ ಉದ್ಘಾಟಿಸಿದ ಲೆ.ಗವರ್ನರ್: ಕಣಿವೆಯ ಅಭಿವೃದ್ಧಿ ಪರ್ವ ಆರಂಭ!

ಜಮ್ಮು: ಕಣಿವೆಯ ಅಭಿವೃದ್ಧಿ ಪಥಕ್ಕೆ ನೀಲನಕ್ಷೆ ಸಿದ್ಧಪಡಿಸಿರುವ ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ, ಭಯೋತ್ಪಾದನೆಯಿಂದ ನಲುಗಿರುವ ಕೇಂದ್ರಾಡಳಿತ ಪ್ರದೇಶದಲ್ಲಿ ಅಭಿವೃಧ್ಧಿಯ ಹೊಸ ಭಾಷ್ಯ ಬರೆಯುತ್ತಿದೆ.

ಅದರಂತೆ ಇಂದು(ಶುಕ್ರವಾರ) ಜಮ್ಮುವಿನ ವರ್ತುಲ ರಸ್ತೆ(ರಿಂಗ್ ರೋಡ್)ಯ ಮೊದಲ ಹಂತವನ್ನು ಲೆ.ಗವರ್ನರ್ ಮನೋಜ್ ಸಿನ್ಹಾ ಉದ್ಘಾಟಿಸಿದ್ದಾರೆ.

ರಿಂಗ್ ರೋಡ್ ಮೊದಲ ಹಂತವನ್ನು ಉದ್ಘಾಟಿಸಿ ಮಾತನಾಡಿದ ಲೆ.ಗವರ್ನರ್ ಮನೋಜ್ ಸಿನ್ಹಾ, ಕಣಿವೆಯ ಅಭಿವೃದ್ಧಿ ಪರ್ವಕ್ಕೆ ಸಾಕ್ಷಿಯಾಗುತ್ತಿರುವುದು ನಿಜಕ್ಕೂ ಸಂತಸ ತಂದಿದೆ ಎಂದು ಹೇಳಿದ್ದಾರೆ.

ಜಮ್ಮು ಕಾಶ್ಮೀರದಲ್ಲಿ 6 ಸೇತುವೆಗಳ ಲೋಕಾರ್ಪಣೆ‌; ಗಡಿಯಲ್ಲಿ ಹೊಸ ಕ್ರಾಂತಿ

2018ರಲ್ಲಿ ಪ್ರಧಾನಿ ಮೋದಿ ಜಮ್ಮುವಿನ ರಿಂಗ್ ರೋಡ್‌ನ ಮೊದಲ ಹಂತದ ಕಾಮಗಾರಿಗೆ ಭೂಮಿ ಪೂಜೆ ನೆರವೇರಿಸಿದ್ದರು. ಅದರಂತೆ ಈ ರಿಂಗ್ ತೋಡ್ ಇದೀಗ ಸಂಚಾರಕ್ಕೆ ಸಿದ್ಧವಾಗಿದ್ದು, ಪೂರ್ಣ ಪ್ರಮಾಣದ ರಿಂಗ್ ರೋಡ್‌ನ ಕಾಮಗಾರಿಯನ್ನು ಶೀಘ್ರದಲ್ಲೇ ಆರಂಭಿಸುವುದಾಗಿ ಮನೋಜ್ ಸಿನ್ಹಾ ತಿಳಿಸಿದ್ದಾರೆ.

ಜಮ್ಮು ನಗರವನ್ನು ಸುತ್ತುವರೆದಿರುವ ಈ ರಿಂಗ್ ರೋಡ್ ಕಾಮಗಾರಿ ನಿಗದಿತ ಅವಧೀಗೂ ಮೊದಲೇ ಮುಕ್ತಾಯ ಕಂಡಿದ್ದು, ಇನ್ನೂ ಹಲವು ಅಭಿವೃದ್ಧಿ ಯೋಜನೆಗಳು ನಿರ್ಮಾಣ ಹಂತದಲ್ಲಿವೆ ಎಂದು ಮನೋಜ್ ಸಿನ್ಹಾ ಸ್ಪಷ್ಟಪಡಿಸಿದ್ದಾರೆ.

4 ದಿನದಲ್ಲಿ 6 ಉಗ್ರರು ಫಿನಿಷ್: ನಾಲ್ವರು ಮೋಸ್ಟ್ ವಾಂಟೆಡ್ ಲಿಸ್ಟ್‌ನಲ್ಲಿದ್ದವರು ಎಂದ ಡಿಜಿಪಿ!

ಕಣಿವೆಗೆ ನೀಡಲಾಗಿದ್ದ ವಿಶೇಷ ಸ್ಥಾನಮಾನ ರದ್ದತಿ ಬಳಿಕ ಕೇಂದ್ರಾಡಳಿತ ಪ್ರದೇಶವಾಗಿ ಮಾರ್ಪಟ್ಟಿರುವ ಜಮ್ಮು ಮತ್ತು ಕಾಶ್ಮೀರದಲ್ಲಿ, ಅಭಿವೃದ್ಧಿ ಕಾರ್ಯಗಳು ಭರದಿಂದ ಸಾಗಿವೆ. ಅಲ್ಲದೇ ಕಣಿವೆಯನ್ನು ಭಯೋತ್ಪಾದನೆ ಮುಕ್ತವನ್ನಾಗಿ ಮಾಡುವ ಕಾರ್ಯ ಯೋಜನೆಗೂ ವೇಗ ನೀಡಲಾಗಿದೆ.