ಫೈರ್ ಆ್ಯಂಡ್ ಫ್ಯೂರಿ ಕೋರ್ ಕಮಾಂಡರ್ ಆಗಿ ಲೆ.ಜ. ಮೆನನ್ ಅಧಿಕಾರ ಸ್ವೀಕಾರ

ಹೊಸದಿಲ್ಲಿ: ಭಾರತ-ಚೀನಾ ನಡುವಿನ ಲಡಾಖ್ ಘರ್ಷಣೆ ನಡುವಲ್ಲೇ, ಸೇನೆಯ 14ನೇ ಫೈರ್ ಆ್ಯಂಡ್ ಫ್ಯೂರಿ ಘಟಕದ ಕೋರ್ ಕಮಾಂಡರ್ ಆಗಿ ಲೆ.ಜ. ಪಿಜಿಕೆ ಮೆನನ್ ಅಧಿಕಾರ ಸ್ವೀಕರಿಸಿದ್ದಾರೆ.

ಪ್ರಸ್ತುತ ಕೋರ್ ಕಮಾಂಡರ್ ಆಗಿರುವ ಲೆ.ಜ. ಹರಿಂದರ್ ಸಿಂಗ್ ಇಂಡಿಯನ್ ಮಿಲಿಟರಿ ಅಕಾಡೆಮಿ(IMA)ಯ ಕಮಾಂಡೆಂಟ್ ಆಗಿ ನೇಮಕಗೊಂಡಿದ್ದಾರೆ.

14ನೇ ಫೈರ್ ಆ್ಯಂಡ್ ಫ್ಯೂರಿ ಘಟಕದ ಪ್ರಧಾನ ಕಚೇರಿಯಲ್ಲಿ ಲೆ.ಜ. ಹರಿಂದರ್ ಸಿಂಗ್ ಅವರಿಂದ ಲೆ.ಜ. ಪಿಜಿಕೆ ಮೆನನ್ ಅಧಿಕಾರ ಸ್ವೀಕರಿಸಿದರು.

ಅಕ್ಟೋಬರ್‌ನಲ್ಲಿ ಫೈರ್ ಆ್ಯಂಡ್ ಫ್ಯೂರಿ ಕೋರ್ ಕಮಾಂಡರ್ ಆಗಿ ಲೆ.ಜ. ಮೆನನ್ ಅಧಿಕಾರ ಸ್ವೀಕಾರ!


ಭಾರತೀಯ ಸೇನೆಯ ಫೈರ್ ಆ್ಯಂಡ್ ಫ್ಯೂರಿ ಅಥವಾ 14ನೇ ಕೋರ್ ಕಮಾಂಡ್ ಪೂರ್ವ ಲಡಾಖ್‌ನ ಸಂಪೂರ್ಣ ಗಡಿ ಪ್ರದೇಶದ ಸುರಕ್ಷತೆಯ ಜವಾಬ್ದಾರಿ ಹೊತ್ತಿದೆ.

ಸದ್ಯ ಲಡಾಖ್ ಗಡಿಯಲ್ಲಿ ಉದ್ಭವವಾಗಿರುವ ಗಡಿ ಸಮಸ್ಯೆ ಇತ್ಯರ್ಥಕ್ಕೆ ಚೀನಾದೊಂದಿಗೆ ನಡೆಯುತ್ತಿರುವ ಮಿಲಿಟರಿ ಮಾತುಕತೆಗಳಲ್ಲಿ ಇದೇ ಘಟಕ ಭಾಗವಹಿಸುತ್ತಿರುವುದು ವಿಶೇಷ.

ಭಾರತ-ಚೀನಾ ನಡುವಿನ ಏಳು ಸುತ್ತಿನ ಮಿಲಿಟರಿ ಮಾತುಕತೆಯಲ್ಲಿ ಲೆ.ಜ. ಪಿಜಿಕೆ ಮೆನನ್ ಕೂಡ ಭಾಗವಹಿಸಿದ್ದರು. ಇದೀಗ ಈ ಕಮಾಂಡ್‌ನ ನೇತೃತ್ವ ಅವರ ಹೆಗಲೇರಿದ್ದು, ಮುಂದಿನ ಮಿಲಿಟರಿ ಮಾತುಕತೆಗಳ ನೇತೃತ್ವವನ್ನು ವಹಿಸಲಿದ್ದಾರೆ.

ಲಡಾಖ್ ಗಡಿ ಘರ್ಷಣೆ: ಭಾರತ-ಚೀನಾ ನಡುವೆ ಏಳನೇ ಸುತ್ತಿನ ಮಿಲಿಟರಿ ಮಾತುಕತೆ!

ಭಾರತೀಯ ಸೇನೆಯ ಫೈರ್ ಆ್ಯಂಡ್ ಫ್ಯೂರಿ ಘಟಕದ ಕೋರ್ ಕಮಾಂಡರ್ ಆಗಿ ಒಂದು ವರ್ಷ ಸೇವೆ ಸಲ್ಲಿಸಿರುವ ಲೆ.ಜ. ಹರಿಂದರ್ ಸಿಂಗ್, ಇದೀಗ ಡೆಹ್ರಾಡೂನ್‌ನಲ್ಲಿರುವ ಇಂಡಿಯನ್ ಮಿಲಿಟರಿ ಅಕಾಡೆಮಿ ಮುಖ್ಯಸ್ಥರಾಗಿ ಕರ್ತವ್ಯ ನಿರ್ವಹಿಸಲಿದ್ದಾರೆ.