ರಾತ್ರೋ ರಾತ್ರಿ ಲಕ್ಷಾಧಿಪತಿಯಾದ ಕಾರ್ಮಿಕ..! ಮಧ್ಯಪ್ರದೇಶದ ಗಣಿಯಲ್ಲಿ 3 ಅಮೂಲ್ಯ ವಜ್ರ ಪತ್ತೆ

ಪನ್ನಾ: ಮಧ್ಯಪ್ರದೇಶದಲ್ಲಿ ಕಾರ್ಮಿಕರೊಬ್ಬರು ರಾತ್ರೋ ರಾತ್ರಿ ಲಕ್ಷಾಧಿಪತಿಯಾಗಿದ್ದಾನೆ. ಪನ್ನಾ ಜಿಲ್ಲೆಯ ವಜ್ರದ ಗಣಿ ಬಳಿ 30 ಲಕ್ಷದಿಂದ 35 ಲಕ್ಷ ರೂ. ಮೌಲ್ಯದ ಮೂರು ವಜ್ರಗಳನ್ನು ಪತ್ತೆ ಹಚ್ಚಿದ್ದಾರೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಗುರುವಾರ ತಿಳಿಸಿದ್ದಾರೆ.

ಪನ್ನಾದಲ್ಲಿ ಆಳವಿಲ್ಲದ ಗಣಿ ಅಗೆಯುವಾಗ ಸುಬಲ್ ಎಂಬ ಕಾರ್ಮಿಕ 7.5 ಕ್ಯಾರಟ್‌ನ ಮೂರು ವಜ್ರಗಳನ್ನು ಪತ್ತೆಹಚ್ಚಿದ್ದಾನೆ ಎಂದು ಜಿಲ್ಲೆಯ ವಜ್ರ ಅಧಿಕಾರಿ ಆರ್.ಕೆ.ಪಾಂಡೆ ತಿಳಿಸಿದ್ದಾರೆ. ಅಮೂಲ್ಯವಾದ ವಜ್ರಗಳ ಮೌಲ್ಯ 30 ಲಕ್ಷದಿಂದ 35 ಲಕ್ಷ ರೂ. ಇರಲಿದೆ ಎಂದು ತಜ್ಞರು ಅಂದಾಜಿಸಿದ್ದಾರೆ.

ಕಾರ್ಮಿಕ ಕಲ್ಲುಗಳನ್ನು ಜಿಲ್ಲಾ ವಜ್ರ ಕಚೇರಿಯಲ್ಲಿ ಠೇವಣಿ ಇಟ್ಟಿದ್ದು, ಸರ್ಕಾರದ ನಿಯಮಗಳ ಪ್ರಕಾರ ಅವುಗಳನ್ನು ಹರಾಜು ಹಾಕಲಾಗುವುದು ಎಂದು ಪಾಂಡೆ ಹೇಳಿದ್ದಾರೆ. ಶೇ.12ರಷ್ಟು ತೆರಿಗೆಯನ್ನು ಕಡಿತಗೊಳಿಸಿದ ನಂತರ, ಉಳಿದ ಶೇ.88ರಷ್ಟು ಮಾರಾಟದ ಹಣವನ್ನು ಸುಬಲ್ ಪಡೆಯುತ್ತಾನೆ ಎಂದು ಅಧಿಕಾರಿ ತಿಳಿಸಿದ್ದಾರೆ.

‘ಸಪ್ತ ಸಹಸ್ರ’ದತ್ತ ಕೊರೊನಾ.. ಅಬ್ಬರಿಸುತ್ತಿದ್ದಾನೆ ವರುಣ.. ಗುರುವಾರದ ಟಾಪ್ 10 ನ್ಯೂಸ್

ಕೆಲವು ದಿನಗಳ ಹಿಂದೆ, ಮತ್ತೊಬ್ಬ ಕಾರ್ಮಿಕ ಮಧ್ಯಪ್ರದೇಶದ ಬುಂದೇಲ್‌ಖಂಡ್ ಪ್ರದೇಶದ ಪನ್ನಾದ ಒಂದು ಗಣಿಯಿಂದ 10.69 ಕ್ಯಾರಟ್ ವಜ್ರವನ್ನು ಕಂಡುಹಿಡಿಯುವಲ್ಲಿ ಯಶಸ್ವಿಯಾಗಿದ್ದರು. ಹಿಂದುಳಿದ ಪ್ರದೇಶದಲ್ಲಿ ಪನ್ನಾ ಜಿಲ್ಲೆ ಇದ್ದರು ಕೂಡ ವಜ್ರ ಗಣಿಗಳಿಗೆ ವಿಶ್ವ ಪ್ರಸಿದ್ಧವಾಗಿದೆ.

ರಾಜ್ಯದಲ್ಲಿ ಮುಂದುವರೆದ ಕೊರೊನಾ ಹಾವು-ಏಣಿ ಆಟ..! 5,000+ ಪಾಸಿಟಿವ್‌; 1.5 ಲಕ್ಷ ದಾಟಿದ ಸೋಂಕು