ಬಾಲಕಿಗೆ ಲೈಂಗಿಕ ಕಿರುಕುಳ ಆರೋಪ: ವಾಚ್‌ಮನ್‌ ನಗ್ನ ಮೆರವಣಿಗೆ

ಪಾಲ್ಘಾರ್‌: ಆರು ವರ್ಷದ ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದಲ್ಲಿ ಪಾಲ್ಘಾರ್‌ನ ವಸತಿ ಸಂಕೀರ್ಣವೊಂದರ ವಾಚ್‌ಮನ್‌ನನ್ನು ಚೆನ್ನಾಗಿ ಥಳಿಸಿ, ನಗ್ನ ಮೆರವಣಿಗೆ ನಡೆಸಿದ ಘಟನೆ ಭಾನುವಾರ ರಾತ್ರಿ ನಡೆದಿದೆ.

ಶನಿವಾರ ಸಂಜೆ ಆರು ಗಂಟೆಯ ಹೊತ್ತಿಗೆ, ಬಾಲಕಿ ಟ್ಯೂಷನ್‌ ಮುಗಿಸಿ ಮರಳುತ್ತಿದ್ದಾಗ ವಾಚ್‌ಮ್ಯಾನ್‌ ಆಕೆಯನ್ನು ಸ್ಪರ್ಶಿಸಿ ಕೆಟ್ಟದಾಗಿ ನಡೆದುಕೊಂಡಿದ್ದಾನೆ ಎಂದು ಆಕೆಯ ತಾಯಿ ಅಕ್ಕಪಕ್ಕದವರಿಗೆ ತಿಳಿಸಿದರು. ಕೂಡಲೇ ಸಂಕೀರ್ಣದ ಮಹಿಳೆಯರೂ ಸೇರಿದಂತೆ ಹಲವರು 22 ವರ್ಷದ ವಾಚ್‌ಮನ್‌ನನ್ನು ಹಿಡಿದು ಚೆನ್ನಾಗಿ ಥಳಿಸಿ ಮೆರವಣಿಗೆ ನಡೆಸಿದರು.

ತೀವ್ರ ಗಾಯಗೊಂಡಿರುವ ಆರೋಪಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆತನ ವಿರುದ್ಧ ಪೋಕ್ಸೋ ಕಾಯಿದೆಯಡಿ ಪ್ರಕರಣ ದಾಖಲಾಗಿದೆ. ಹಲ್ಲೆಗೆ ಸಂಬಂಧಿಸಿ ಯಾರ ಮೇಲೂ ಕೇಸು ದಾಖಲಾಗಿಲ್ಲ.