ಕೊರೊನಾದಿಂದ ನಲುಗುತ್ತಿರುವ ಮಹಾರಾಷ್ಟ್ರದಲ್ಲೀಗ ಕಾಂಗೊ ಜ್ವರದ ಭೀತಿ! ಏನಿದು ಹೊಸ ರೋಗ?

ಪಾಲ್ಘರ್‌: ಕೊರೊನಾ ಸೋಂಕು ಹಾವಳಿಗೆ ತತ್ತರಿಸಿದ ಮಹಾರಾಷ್ಟ್ರದಲ್ಲಿ ಈಗ ಕಾಂಗೊ ಜ್ವರದ ಕಾಟ ಶುರುವಾಗಿದೆ. ಕಾಂಗೊ ವೈರಸ್‌ನ ಬಗ್ಗೆ ಎಚ್ಚರಿಕೆ ವಹಿಸುವಂತೆ ಪಾಲ್ಗರ್‌ ಜಿಲ್ಲಾಡಳಿತ ಪ್ರಕಟಣೆ ಹೊರಡಿಸಿದೆ. 'ದಿ ಕ್ರಿಮಿಯನ್‌ ಕಾಂಗೋ ಹೆಮರಾಜಿಕ್‌ ಫೀವರ್‌' (ಸಿಸಿಎಚ್‌ಎಫ್‌) ಎಂದು ಗುರುತಿಸಿಕೊಳ್ಳುವ ಇದಕ್ಕೆ ಸಾಮಾನ್ಯ ಭಾಷೆಯಲ್ಲಿ ಕಾಂಗೊ ಜ್ವರ ಎಂದು ಕರೆಯಲಾಗುತ್ತದೆ.

ಕೊರೊನಾ ವೈರಸ್‌ನಂತೆಯೇ ಇದಕ್ಕೂ ನಿರ್ದಿಷ್ಟ ಔಷಧಿಗಳಿಲ್ಲ. ಕಾಂಗೊ ವೈರಸ್‌ ಸೋಂಕು ತಗುಲಿದ ಪ್ರಾಣಿಗಳ ರಕ್ತ, ಮಾಂಸ ಮತ್ತು ಉಣ್ಣೆಗಳಿಂದ ಸೋಂಕು ಮನುಷ್ಯರಿಗೆ ಹರಡುತ್ತದೆ. ಈ ಹಿನ್ನೆಲೆಯಲ್ಲಿ ಮಾಂಸ ಮಾರಾಟಗಾರರು ಮತ್ತು ಪಶು ಸಂಗೋಪನಾ ಅಧಿಕಾರಿಗಳು ಸೂಕ್ತ ಮತ್ತು ಸಮಯೋಚಿತ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಜಿಲ್ಲಾಡಳಿತ ಹೇಳಿದೆ.

ಗುಜರಾತ್‌ನ ವಲ್ಸಾದ್‌ ಸೇರಿ ಹಲವು ಜಿಲ್ಲೆಗಳಲ್ಲಿ ಹಾಗೂ ಪಲ್ಗಾರ್‌ ಜಿಲ್ಲೆಯ ಹಲವು ಕಡೆ ಈ ಜ್ವರ ಕಾಣಿಸಿಕೊಂಡಿದೆ. ಈಗಾಗಲೇ ನಾಲ್ಕು ಮಂದಿಯಲ್ಲಿ ಕಾಂಗೊ ಜ್ವರದ ಲಕ್ಷಣಗಳು ಕಾಣಿಸಿಕೊಂಡಿದೆ ಎಂದು ತಿಳಿದುಬಂದಿದೆ. ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಕಾಂಗೊ ವೈರಸ್‌ ಸೋಂಕಿತರ ಸಾವಿನ ಪ್ರಮಾಣವು ಶೇ.10 ರಿಂದ ಶೇ.40ರಷ್ಟಿದೆ. ಇದು ರಕ್ತದ ಮೂಲಕ ಮನುಷ್ಯರಿಂದ ಮನುಷ್ಯರಿಗೆ ಹರಡುತ್ತದೆ.

ಸೆ.30 ಬುಧವಾರ: ಇಂದು ಬಾಬ್ರಿ ಮಸೀದಿ ಧ್ವಂಸ ಪ್ರಕರಣದ ಅಂತಿಮ ತೀರ್ಪು!

ಇನ್ನು ತಲೆನೋವು, ತೀವ್ರ ಜ್ವರ, ಕೀಲು ನೋವು, ಹೊಟ್ಟೆ ನೋವು ಮತ್ತು ವಾಕರಿಕೆ, ಕಣ್ಣುಗಳ ಕೆಂಪು, ಮೂಗಿನಿಂದ ರಕ್ತಸ್ರಾವ ಈ ರೋಗಹದ ಲಕ್ಷಣಗಳಾಗಿದೆ. ಇನ್ನು ಪ್ರಮುಖವಾಗಿ ರೈತರಿಗೆ ಜಿಲ್ಲಾಡಳಿತಗಳು ಮುಂಜಾಗ್ರತಾ ಕ್ರಮ ವಹಿಸುವಂತೆ ಸೂಚಿಸಿದ್ದು, ಜಾನುವಾರು ಶೆಡ್‌ಗಳ ನೈರ್ಮಲ್ಯ, ಮಾಸ್ಕ್‌ ಧರಿಸುವುದು, ಕೈಗವಸುಗಳನ್ನು ಧರಿಸಲು ಸೂಚನೆ ನೀಡಿದೆ.