ಹೊಸದಿಲ್ಲಿ: ಮುಂಬೈನ ವಿಶೇಷ ಕೋರ್ಟ್‌ ಉದ್ಯಮಿ ಮಲ್ಯ ವಿರುದ್ಧ ಜಾಮೀನು ರಹಿತ ಬಂಧನ ಆದೇಶ ಹೊರಡಿಸಿರುವುದರಿಂದ, ಅದನ್ನು ಕಾರ್ಯಗತಗೊಳಿಸಲು ಜಾರಿ ನಿರ್ದೇಶನಾಲಯವು ಶೀಘ್ರವೇ ಜಾಗತಿಕ ಪೊಲೀಸ್‌ ಸಂಸ್ಥೆಯಾದ ಇಂಟರ್‌ಪೋಲ್‌ನ ನೆರವು ಪಡೆಯಲಿದೆ.
ಸಿಬಿಐ ಮೂಲಕ ಇಂಟರ್‌ಪೋಲ್‌ಗೆ ಪತ್ರ ಬರೆಯಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಮಲ್ಯ ವಿರುದ್ಧ ಬಂಧನ ವಾರಂಟ್‌ ಹೊರಡಿಸಲು ಅನುಮತಿ ಕೋರಿದ್ದ ಜಾರಿ ನಿರ್ದೇಶನಾಲಯದ ಮನವಿಯ ವಿಚಾರಣೆ ನಡೆಸಿದ್ದ ವಿಶೇಷ ನ್ಯಾಯಾಲಯ, ಕಳೆದ ಶನಿವಾರ ತೀರ್ಪನ್ನು ಕಾಯ್ದಿರಿಸಿ, ಸೋಮವಾರ ಪ್ರಕಟಿಸಿದೆ.