ಮಮತಾ ಸಂಯುಕ್ತ ರಂಗದ ಶಿಲ್ಪಿ ಎಂದ ನಾಯ್ಡು

ಕೋಲ್ಕೊತಾ: ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಪ್ರತಿಪಕ್ಷಗಳ ಸಂಯುಕ್ತ ರಂಗದ 'ಶಿಲ್ಪಿ' ಎಂದು ಆಂಧ್ರಪ್ರದೇಶ ಮುಖ್ಯಮಂತ್ರಿ ಎನ್‌.ಚಂದ್ರಬಾಬು ನಾಯ್ಡು ಮಂಗಳವಾರ ಬಣ್ಣಿಸಿದ್ದಾರೆ.

ಕೋಲ್ಕೊತಾ ಪೊಲೀಸ್‌ ಆಯುಕ್ತರ ಸಿಬಿಐ ವಿಚಾರಣೆ ಪ್ರತಿಭಟಿಸಿ ಮಮತಾ ನಡೆಸಿದ ಧರಣಿ ಸ್ಥಳಕ್ಕೆ ಬಂದು ಬೆಂಬಲ ಸೂಚಿಸಿದ ನಾಯ್ಡು, ನಂತರ ಬಿಜೆಪಿ ವಿರೋಧದ ಪ್ರತಿಪಕ್ಷಗಳ ಬಣವನ್ನು ಮುನ್ನಡೆಸುವ ಅವರ ಕೌಶಲ ಕೊಂಡಾಡಿದರು. ''ಅವರು ಸಂಯುಕ್ತ ರಂಗದ ಶಿಲ್ಪಿ. ಪ್ರತಿಪಕ್ಷಗಳ ಮುಖ್ಯ ಆಧಾರಸ್ಥಂಭ. ಬಂಗಾಳದಲ್ಲಿ ಎಲ್ಲ 42 ಲೋಕಸಭೆ ಸ್ಥಾನಗಳಲ್ಲಿ ಅವರು ಗೆಲ್ಲುತ್ತಾರೆ. ಚುನಾವಣೆ ನಂತರ ರಾಷ್ಟ್ರಮಟ್ಟದಲ್ಲಿ ನೀತಿ ನಿರ್ಧಾರಕ ಶಕ್ತಿಯಾಗಿ ಹೊರ ಹೊಮ್ಮಲಿದ್ದಾರೆ,'' ಎಂದು ಹೇಳಿದ್ದಾರೆ.