ಬ್ಯಾನ್ ಆದರೂ ನಿಂತಿಲ್ಲ ತ್ರಿವಳಿ ತಲಾಕ್ - ವ್ಯಕ್ತಿ ವಿರುದ್ಧ ಪ್ರಕರಣ ದಾಖಲು
ವರದಕ್ಷಿಣೆ ಹಿಂಸೆ ನೀಡಿ ತ್ರಿವಳಿ ತಲಾಕ್ ನೀಡಿದ ವ್ಯಕ್ತಿಯ ವಿರುದ್ಧ ಉತ್ತರ ಪ್ರದೇಶ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ತ್ರಿವಳಿ ತಲಾಕ್ ನೀಡುವುದು ಕಾನೂನು ಬಾಹಿರ ಅಪರಾಧವಾಗಿದ್ದು ಮೂರು ವರ್ಷ ಶಿಕ್ಷೆ ನೀಡುವ ಅವಕಾಶವಿದೆ.
PTI 3 Sep 2019, 4:38 pm
ಮುಜಫರನಗರ: ವರದಕ್ಷಿಣೆಗೆ ಪೀಡಿಸಿ ಹೆಂಡತಿಗೆ ತ್ರಿಪಲ್ ತಲಾಕ್ ನೀಡಿದ ವ್ಯಕ್ತಿಯ ವಿರುದ್ದ ಉತ್ತರ ಪ್ರದೇಶ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
ಮುಜಫರನಗರದ ಸುಜುರು ಗ್ರಾಮದ ನಿವಾಸಿ ಅಫ್ತಾಬ್ ತನ್ನ ಹೆಂಡತಿಗೆ ಒಂದೇ ಬಾರಿ ತ್ರಿವಳಿ ತಲಾಕ್ ನೀಡಿದ್ದ. ಇದು ಕಾನೂನು ಪ್ರಕಾರ ಅಪರಾಧವಾಗಿದೆ. ಈ ಹಿನ್ನೆಲೆಯಲ್ಲಿ ಆರೋಪಿ ಅಫ್ತಾಬ್ ವಿರುದ್ಧ ಪೊಲೀಸರು ವೈವಾಹಿಕ ಹಕ್ಕು ಸಂರಕ್ಷಣಾ ಕಾಯಿದೆ 2019ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಈ ಕುರಿತಾಗಿ ದೂರು ನೀಡಿರುವ ಸಂತ್ರಸ್ತೆ ಮಹಿಳೆ ಅಫ್ತಾಬ್ ನನ್ನು ಮದುವೆಯಾಗಿ ಮೂರು ವರ್ಷವಾಗಿತ್ತು. ಆರೋಪಿ ನಿತ್ಯ ವರದಕ್ಷಿಣೆಗಾಗಿ ಪೀಡಿಸುತ್ತಿದ್ದ, ಅದು ನೀಡಲು ಸಾಧ್ಯವಾಗದಿದ್ದ ಕಾರಣಕ್ಕಾಗಿ ತ್ರಿಪಲ್ ತಲಾಕ್ ನೀಡಿದ್ದಾನೆ. ಅಲ್ಲದೆ, ದೈಹಿಕ ಹಲ್ಲೆಯನ್ನೂ ಮಾಡುತ್ತಿದ್ದ ಎಂದು ಆರೋಪಿಸಿದ್ದಾರೆ. ಸಂತ್ರಸ್ತೆ ನೀಡಿದ ದೂರಿನ ಅನ್ವಯ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.
ಇತ್ತೀಚೆಗಷ್ಟೇ ತ್ರಿವಳಿ ತಲಾಕ್ ನಿಷೇಧಿಸುವ ಮುಸ್ಲಿಂ ಮಹಿಳೆ( ವೈವಾಹಿಕ ಹಕ್ಕು) ಮಸೂದೆ ೨೦೧೯ ಜಾರಿಗೆ ತರಲಾಗಿದೆ. ಈ ಮಸೂದೆ ಪ್ರಕಾರ ತ್ರಿವಳಿ ತಲಾಕ್ ನಿಡುವುದು ಕಾನೂನು ಪ್ರಕಾರ ಅಪರಾಧವಾಗಿದೆ. ತ್ರಿವಳಿ ತಲಾಕ್ ನೀಡಿದ ವ್ಯಕ್ತಿಗೆ ಮೂರು ವರ್ಷ ಜೈಲು ಶಿಕ್ಷೆ ನೀಡುವ ಅವಕಾಶ ಕಾನೂನಿನಲ್ಲಿದೆ.
ಮುಜಫರನಗರದ ಸುಜುರು ಗ್ರಾಮದ ನಿವಾಸಿ ಅಫ್ತಾಬ್ ತನ್ನ ಹೆಂಡತಿಗೆ ಒಂದೇ ಬಾರಿ ತ್ರಿವಳಿ ತಲಾಕ್ ನೀಡಿದ್ದ. ಇದು ಕಾನೂನು ಪ್ರಕಾರ ಅಪರಾಧವಾಗಿದೆ. ಈ ಹಿನ್ನೆಲೆಯಲ್ಲಿ ಆರೋಪಿ ಅಫ್ತಾಬ್ ವಿರುದ್ಧ ಪೊಲೀಸರು ವೈವಾಹಿಕ ಹಕ್ಕು ಸಂರಕ್ಷಣಾ ಕಾಯಿದೆ 2019ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಈ ಕುರಿತಾಗಿ ದೂರು ನೀಡಿರುವ ಸಂತ್ರಸ್ತೆ ಮಹಿಳೆ ಅಫ್ತಾಬ್ ನನ್ನು ಮದುವೆಯಾಗಿ ಮೂರು ವರ್ಷವಾಗಿತ್ತು. ಆರೋಪಿ ನಿತ್ಯ ವರದಕ್ಷಿಣೆಗಾಗಿ ಪೀಡಿಸುತ್ತಿದ್ದ, ಅದು ನೀಡಲು ಸಾಧ್ಯವಾಗದಿದ್ದ ಕಾರಣಕ್ಕಾಗಿ ತ್ರಿಪಲ್ ತಲಾಕ್ ನೀಡಿದ್ದಾನೆ. ಅಲ್ಲದೆ, ದೈಹಿಕ ಹಲ್ಲೆಯನ್ನೂ ಮಾಡುತ್ತಿದ್ದ ಎಂದು ಆರೋಪಿಸಿದ್ದಾರೆ. ಸಂತ್ರಸ್ತೆ ನೀಡಿದ ದೂರಿನ ಅನ್ವಯ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.
ಇತ್ತೀಚೆಗಷ್ಟೇ ತ್ರಿವಳಿ ತಲಾಕ್ ನಿಷೇಧಿಸುವ ಮುಸ್ಲಿಂ ಮಹಿಳೆ( ವೈವಾಹಿಕ ಹಕ್ಕು) ಮಸೂದೆ ೨೦೧೯ ಜಾರಿಗೆ ತರಲಾಗಿದೆ. ಈ ಮಸೂದೆ ಪ್ರಕಾರ ತ್ರಿವಳಿ ತಲಾಕ್ ನಿಡುವುದು ಕಾನೂನು ಪ್ರಕಾರ ಅಪರಾಧವಾಗಿದೆ. ತ್ರಿವಳಿ ತಲಾಕ್ ನೀಡಿದ ವ್ಯಕ್ತಿಗೆ ಮೂರು ವರ್ಷ ಜೈಲು ಶಿಕ್ಷೆ ನೀಡುವ ಅವಕಾಶ ಕಾನೂನಿನಲ್ಲಿದೆ.