ರೈಲು ಮತ್ತು ಪ್ಲಾಟ್‌ಫಾರ್ಮ್‌ ನಡುವೆ ಸಿಲುಕಿ ಪ್ರಯಾಣಿಕ ಸಾವು

ಮುಂಬಯಿ: ಬೊರಿವಿಲಿ ನಿಲ್ದಾಣದಲ್ಲಿ ರೈಲು ಮತ್ತು ಪ್ಲಾಟ್‌ಫಾರ್ಮ್‌ ನಡುವಣ ಅಂತರದಲ್ಲಿ ಬಿದ್ದು 40 ವರ್ಷದ ವ್ಯಕ್ತಿಯೊಬ್ಬ ದಾರುಣವಾಗಿ ಮೃತಪಟ್ಟ ಘಟನೆ ಜುಲೈ 3ರಂದು ನಡೆದಿದೆ.

ಘಟನೆಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. 2016-17ರಲ್ಲಿ ಈ ರೀತಿ ರೈಲು ಮತ್ತು ಪ್ಲಾಟ್‌ಫಾರ್ಮ್‌ ನಡುವೆ ಬಿದ್ದು 13 ಮಂದಿ ಮೃತಪಟ್ಟಿದ್ದಾರೆ. 2015ರಲ್ಲಿ 28 ಮಂದಿ ಹಾಗೂ 2014ರಲ್ಲಿ 25 ಮಂದಿ ಇದೇ ರೀತಿ ಮೃತಪಟ್ಟಿದ್ದರು.

ಸರಕಾರಿ ರೈಲ್ವೆ ಪೊಲೀಸರ ಪ್ರಕಾರ, ಘಟನೆ ರಾತ್ರಿ 11:15ರ ವೇಳೆಗೆ ನಡೆದಿದೆ. ಮುಂಬಯಿ ಸೆಂಟ್ರಲ್‌ ಮತ್ತು ಅಹಮದಾಬಾದ್ ನಡುವೆ ಓಡುವ ಗುಜರಾತ್ ಮೇಲ್‌ ಬೊರಿವಿಲಿ ನಿಲ್ದಾಣದ ಪ್ಲಾಟ್‌ಫಾರ್ಮ್‌ ಸಂಖ್ಯೆ 6ಕ್ಕೆ ಆಗಮಿಸಿದಾಗ ಈ ದುರಂತ ನಡೆದಿದೆ.

ರೈಲು ಬಂದ ತಕ್ಷಣ ಮಹೇಶ್‌ ಅತ್ರಾ ಎಂಬ ವ್ಯಕ್ತಿ ಕ್ಯಾಂಟೀನ್‌ ಸ್ಟೋರ್‌ನಿಂದ ನೀರಿನ ಬಾಟಲ್‌ ಖರೀದಿಸಲು ರೈಲಿನಿಂದ ಇಳಿದಿದ್ದಾರೆ. ನೀರಿನ ಬಾಟಲಿಗೆ 100 ರೂ ಕೊಟ್ಟು ಅಂಗಡಿಯವನಿಂದ ಚಿಲ್ಲರೆ ವಾಪಸ್‌ ಪಡೆದು ಒಂದು ಕೈನಲ್ಲಿ ಬಾಟಲ್‌ ಮತ್ತು ಚಿಲ್ಲರೆ ಹಿಡಿದುಕೊಂಡು ರೈಲು ಹತ್ತಲು ಯತ್ನಿಸಿದಾಗ ಜಾರಿಬಿದ್ದರೆಂದು ಹೇಳಲಾಗಿದೆ.

ರೈಲು ಚಲಿಸಲಾರಂಭಿಸಿದ ಕಾರಣ ಗಟ್ಟಿಯಾಗಿ ಹಿಡಿದುಕೊಳ್ಳಲಾಗದೆ ಕೆಳಗೆ ಬಿದ್ದ ಮಹೇಶ್‌ ಸ್ಥಳದಲ್ಲೇ ಮೃತಪಟ್ಟರು ಎಂದು ತಿಳಿದುಬಂದಿದೆ.

Man dies after falling in platform gap at Borivali in Mumbai

MUMBAI: A 40-year-old man died after falling in the gap between the platform and a train at Borivali station in Mumbai on July 3.