ಹಿಂದೂ ಯುವತಿ ಮದುವೆಯಾಗಲು ನಕಲಿ ಪೋಷಕರ ಸೃಷ್ಟಿಸಿದ ಅನ್ಯಧರ್ಮೀಯ

ಜೈಪುರ: ಅನ್ಯ ಧರ್ಮೀಯ ವ್ಯಕ್ತಿಯೊಬ್ಬ ನಕಲಿ ತಂದೆ ತಾಯಿ, ದಾಖಲೆ ಸೃಷ್ಟಿಸಿ ಹಿಂದೂ ಯುವತಿಯನ್ನು ಮದುವೆಯಾದ, ವಂಚನೆಯ ಪ್ರಕರಣ ರಾಜಸ್ಥಾನದಲ್ಲಿ ವರದಿಯಾಗಿದೆ.

ಆತ ಈಗಾಗಲೇ ವಿವಾಹಿತನಾಗಿದ್ದು ಮದುವೆಯಾದ ಹಲವು ದಿನಗಳವರೆಗೆ ಆತನ ವಂಚನೆ ಬೆಳಕಿಗೆ ಬರಲಿಲ್ಲ. ಇತ್ತೀಚಿಗೊಂದು ದಿನ ಆತ ಮನೆಯಲ್ಲಿದ್ದ ಚಿನ್ನಾಭರಣ ಎತ್ತಿಕೊಂಡು, ಪತ್ನಿಯೊಂದಿಗೆ ಪರಾರಿಯಾದ. ತಕ್ಷಣ ಯುವತಿಯ ತಂದೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ತನಿಖೆ ನಡೆಸಿದ ಪೊಲೀಸರಿಗೆ ಆತ ವಿವಾಹಿತನಾಗಿದ್ದು ಮೂವರು ಮಕ್ಕಳಿದ್ದಾರೆ. ಕಬೀರ್ ಶರ್ಮಾ ಆತನ ನಕಲಿ ಹೆಸರು ಎಂಬುದು ತಿಳಿದುಬಂದಿದೆ.

ಆರೋಪಿಯನ್ನು ಇಮ್ರಾನ್ ಭಾಟಿ (30) ಎಂದು ಗುರುತಿಸಲಾಗಿದೆ.

ಫೆಬ್ರವರಿ 13ರಂದು ಈತನ ಜತೆ ಮಗಳ ಮದುವೆ ಮಾಡಿದ್ದು 11 ಲಕ್ಷ ಹಣ, 5 ಲಕ್ಷದ ಬಂಗಾರ , 1.5 ಲಕ್ಷ ಮೌಲ್ಯದ ಇತರ ಉಡುಗೊರೆಗಳನ್ನು ನೀಡಿ ಮದುವೆ ಮಾಡಿದ್ದೆ. ಆತ ಹಿಂದೂವಂತೆ ತೋರಿಸಿಕೊಂಡು ವಂಚನೆ ಮಾಡಿದ ಎಂದು ಯುವತಿ ತಂದೆ ದೂರಿದ್ದಾರೆ.