ಪರಸಂಗದ ವೇಳೆ ಪ್ರತ್ಯಕ್ಷನಾದ ಪತಿ, ರೇಪ್‌ ಎಂದ ಮಹಿಳೆ

ಮುಂಬಯಿ: ಪರ ಪುರುಷನೊಂದಿಗೆ ಸರಸವಾಡುತ್ತಿದ್ದ ಮಹಿಳೆ, ಗಂಡನನ್ನು ಕಂಡ ಕೂಡಲೇ ತನ್ನ ಮೇಲೆ ಅತ್ಯಾಚಾರ ಯತ್ನ ನಡೆಯುತ್ತಿದೆ ಎಂದು ಬೊಬ್ಬೆ ಇಟ್ಟು ದೂರು ನೀಡಿದ ಘಟನೆ ವರದಿಯಾಗಿದೆ.

ಇಲ್ಲಿನ ಮಲಾಡ್‌ ಪ್ರದೇಶದಲ್ಲಿನ ನಿವಾಸಿ ಗಂಡ, ಮಕ್ಕಳು, ಮಾವ ಮತ್ತು ಅತ್ತಿಗೆಯೊಂದಿಗೆ ವಾಸವಾಗಿದ್ದಳು. ರಾತ್ರಿ ಮನೆಯಿಂದ ಹೊರ ಹೋಗಿದ್ದ ಪತಿ ಏನೋ ಮರೆತಿದೆ ಎಂದು ಮತ್ತೆ ಮನೆಗೆ ಮರಳಿದ್ದಾರೆ. ಆಗ ಪತ್ನಿ ಜತೆ ಮತ್ತೊಬ್ಬ ವ್ಯಕ್ತಿ ಇರುವುದನ್ನು ಕಂಡು ಬೆಚ್ಚಿಬಿದ್ದಿದ್ದಾರೆ.

ಗಂಡನನ್ನು ಕಂಡ ಕೂಡಲೇ ಚೀರಾಟ ಆರಂಭಿಸಿದ ಮಹಿಳೆ ತನ್ನ ಮೇಲೆ ಅತ್ಯಾಚಾರ ಯತ್ನವಾಗುತ್ತಿದೆ ಎಂದು ಬೊಬ್ಬೆಯಿಟ್ಟಿದ್ದಳು. ಈ ವೇಳೆ ವ್ಯಕ್ತಿಯನ್ನು ಹಿಡಿಯಲು ಗಂಡ ಮುಂದಾಗಿದ್ದರೂ ಆತ ತಪ್ಪಿಸಿಕೊಂದು ಪರಾರಿಯಾಗಿದ್ದ.

ಈ ಬಗ್ಗೆ ತನಿಖೆ ಆರಂಭಿಸಿದ ಪೊಲೀಸರು ಸ್ಥಳೀಯ ನಿವಾಸಿಗಳ ಹೇಳಿಕೆಯನ್ನೂ ದಾಖಲಿಸಿಕೊಂಡ ಸಂದರ್ಭದಲ್ಲಿ ಮಹಿಳೆಗೂ ಆ ವ್ಯಕ್ತಿಗೂ ಪರಿಚಯವಿತ್ತು ಎಂಬ ಅಂಶ ಬಯಲಾಯಿತು. ಅಲ್ಲದೇ ಆತ ಹಲವು ಬಾರಿ ಮನೆಗೆ ಬಂದು ಹೋಗಿದ್ದ ಎಂದು ತಿಳಿದುಬಂತು.

ಸದ್ಯ ಪೊಲೀಸರು ಮಹಿಳೆ ನೀಡಿದ ದೂರಿನ ಮೇಲೆ ಆ ವ್ಯಕ್ತಿ ವಿರುದ್ಧ ಸೆಕ್ಷನ್‌ 377ರಡಿ ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.