ಚಲಿಸುವ ರೈಲು ಹತ್ತಲು ಹೋಗಿ ಕಾಲು ಕಳೆದುಕೊಂಡ

ದಾದರ್‌: ಚಲಿಸುತ್ತಿರುವ ರೈಲನ್ನು ಹಿಡಿಯಲು ಹೋಗಿ ಅದೆಷ್ಟೋ ಜನರು ತಮ್ಮ ಜೀವವನ್ನೇ ಕಳೆದುಕೊಂಡಿರುವ ಅದೆಷ್ಟೋ ನಿದರ್ಶನಗಳು ನಮ್ಮ ಮುಂದಿವೆ. ಆದರೆ ಇಲ್ಲೊಬ್ಬ ವ್ಯಕ್ತಿ ಇದೇ ದುಸ್ಸಾಹಸಕ್ಕೆ ಮುಂದಾಗಿ ಸಾವಿನ ದವಡೆಯಿಂದ ಪಾರಾದ ಘಟನೆ ವರದಿಯಾಗಿದೆ.

ದಾದರ್‌ ರೈಲ್ವೇ ನಿಲ್ದಾಣದಲ್ಲಿ ಸೋಮವಾರದಂದು ಮುನ್ನ ಕುಮಾರ್‌ ಹಾಗೂ ಕುಟುಂಬ ಶಿರಡಿಗೆ ಭೇಟಿ ನೀಡಲು ದಾದರ್‌ ರೈಲ್ವೇ ನಿಲ್ದಾಣದಿಂದ ಹೊರಡಿದ್ದರು. ಮುನ್ನಾ ಕುಟುಂಬ ನಿಲ್ದಾಣಕ್ಕೆ ತಲುಪಿದಾಗ ರೈಲು ಹೊರಟಿತ್ತು. ಹೀಗಾಗಿ ಮುನ್ನಾ ಚಲಿಸುತ್ತಿರುವ ರೈಲಿನ್ನು ಏರಲು ಮುಂದಾಗಿದ್ದಾರೆ.

ಆದರೆ ಆಯ ತಪ್ಪಿ ಮುನ್ನ ರೈಲು ಹಾಗೂ ಪ್ಲಾಟ್‌ಫಾರ್ಮ್‌ ನಡುವಿನ ಸಂದಿಯಲ್ಲಿ ಸಿಲುಕಿ ಹಾಕಿಕೊಂಡು ರಕ್ಷಣೆಗಾಗಿ ಕಿರುಚಿ ಕೊಂಡಿದ್ದಾರೆ. ' ರೈಲು ನಿಧಾನವಾಗಿಯೇ ಚಲಿಸುತ್ತಿತ್ತು, ಹೀಗಾಗಿ ನಾನು ರೈಲು ಏರಬಹುದು ಎಂಬ ಯೋಚನೆಯಲ್ಲಿ ಬೋಗಿ ಏರಲು ಯತ್ನಿಸಿದೆ. ಆದರೆ ಕಾಲು ಜಾರಿ ಸಂದಿ ಮಧ್ಯೆ ಸಿಲುಕಿಕೊಂಡೆ' ಎನ್ನುತ್ತಾರೆ ಮುನ್ನ.

ಘಟನೆ ಮಾಹಿತಿ ತಿಳಿಯುತ್ತಿದ್ದಂತೆಯೇ ರೈಲನ್ನು ನಿಲ್ಲಿಸಲಾಯಿತಾದರೂ, ಈ ವೇಳೆಗಾಗಲೇ ಇವರ ಕಾಲಿನ ಮೇಲೆ ಎರಡು ಬೋಗಿಗಳು ಹರಿದಿದ್ದವು ಪರಿಣಾಮ ಇವರ ಒಂದು ಕಾಲು ಮುರಿದುಕೊಂಡಿದೆ. ಸದ್ಯ ಮುನ್ನಗೆ ಸಮೀಪದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದೆ.