'ಕಮಲಕ್ಕೆ ವೋಟ್‌ ಹಾಕಿದ್ದು ನನ್ನ ತಪ್ಪು' :ವೈರಲ್‌ ಪೋಸ್ಟ್‌

ಹೊಸದಿಲ್ಲಿ: ಮೋದಿ ಸರಕಾರದ ಇತ್ತೀಚೆಗೆ ಜಾರಿಗೆ ತಂದ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಸಣ್ಣ ವ್ಯಾಪಾರಿಗಳಿಗೆ ಬಹು ದೊಡ್ಡ ಹೊಡೆತವಾಗಿದೆ ಎಂದು ವ್ಯಾಪಾರಿಗಳು ಆಕ್ರೋಶ ವ್ಯಕ್ತಪಡಿಸುತ್ತಾರೆ. ಈ ಮಧ್ಯೆ ವ್ಯಾಪಾರಿಯೊಬ್ಬರು ಗ್ರಾಹಕರಿಗೆ ನೀಡುವ ರಶೀದಿಯಲ್ಲಿ ‘ಕಮಲ್ ಕಾ ಫೂಲ್, ಹಮಾರಿ ಭೂಲ್ (ಕಮಲದ ಹೂವನ್ನು ಆರಿಸಿದ್ದು, ನನ್ನ ತಪ್ಪು)’ ಎಂದು ಮುದ್ರಿಸಿರುವ ಚಿತ್ರ ಸಾಕಷ್ಟು ವೈರಲ್‌ ಆಗಿದೆ.



ಈ ಬಿಲ್‌ನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿದ್ದ ಮೊಹಮ್ಮದ್‌ ಅನಾಸ್‌ನನ್ನು ಫೇಸ್‌ಬುಕ್‌ 30 ದಿನಗಳ ಕಾಲ ಬ್ಲಾಕ್‌ ಮಾಡಿದೆ. ಕಮಲ್‌ ಕಿ ಪೂಲ್‌ ಹಮಾರಿ ಬೂಲ್‌, ಹೀಗೆಂದು ವ್ಯಾಪಾರಿ ತಮ್ಮ ರಶೀದಿಯಲ್ಲಿ ನಮೂದಿಸಿದ್ದಾರೆ ಎಂದು ಮೊಹಮ್ಮದ್‌ ಬರೆದುಕೊಂಡಿದ್ದರು.

ಇವರು ಪೋಸ್ಟ್‌ ಮಾಡಿರುವ ಕೆಲವೇ ಕ್ಷಣದಲ್ಲಿ ವೈರಲ್‌ ಆಗಿದೆ. ಕೂಡಲೇ ಫೇಸ್‌ಬುಕ್‌ ಈ ಚಿತ್ರ ತಮ್ಮ ಸಂಸ್ಥೆಯ ನಿಯಮದ ವಿರುದ್ಧವಾಗಿದ್ದು ಹೀಗಾಗಿ ಈ ಚಿತ್ರವನ್ನು ತೆಗದುಹಾಕಲಾಗಿದೆ. ಅಲ್ಲದೇ 30 ದಿನಗಳ ಕಾಲ ಅಕೌಂಟ್‌ ಬ್ಲಾಕ್‌ ಮಾಡಲಾಗಿದೆ ಎಂದು ಮೊಹಮ್ಮದ್‌ಗೆ ಮೆಸೇಜ್‌ ಬಂದಿದೆ.

ಒಂದೆಡೆ ಈ ಬಿಲ್‌ನ್ನು ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಕ್ಕಾಗಿ ವ್ಯಾಪಾರಿಯ ವಿರುದ್ಧ ಆಕ್ರೋಶವು ವ್ಯಕ್ತವಾಗುತ್ತಿದೆ. ಇದೇ ವೇಳೆ ಪೇಸ್‌ಬುಕ್‌ ಈ ನಿಯಮಗಳಿಗೂ ಎಲ್ಲೆಡೆ ವಿರೋಧ ವ್ಯಕ್ತವಾಗುತ್ತಿವೆ.