ಜಿಮ್‌ನಲ್ಲಿ ಯುವತಿ ಮೇಲೆ ಹಲ್ಲೆ, ಮುಖಕ್ಕೆ ಪಂಚ್‌!

ಇಂದೋರ್: ಜಿಮ್‌ನಲ್ಲಿ ಯುವಕನ ನಡೆತೆ ಕುರಿತು ದೂರು ನೀಡಿದ್ದ ಯುವತಿಯ ಮೇಲೆ ಯುವಕ ಹಲ್ಲೆ ನಡೆಸಿರುವ ಘಟನೆ ಘಟನೆ ಇಂದೋರ್ ಜಿಲ್ಲೆಯಲ್ಲಿ ನಡೆದಿದ್ದು, ಹಲ್ಲೆಯ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿವೆ.

ಪುನಿತ್ ಮಾಳ್ವಿಯಾ ಎಂಬಾತ ಯುವತಿಯ ಮೇಲೆ ಹಲ್ಲೆ ನಡೆಸಿದ್ದು, ಈತನ ವಿರುದ್ಧ ಪೊಲೀಸರು ಹಲ್ಲೆ ಹಾಗೂ ಲೈಂಗಿಕ ದೌರ್ಜನ್ಯ ಪ್ರಕರಣ ದಾಖಲಿಸಿದ್ದಾರೆ.
#WATCH Man punches & kicks a woman at a gym in #Indore after she complained about his behavior during workout #MadhyaPradesh pic.twitter.com/eFQWUrMlbz — ANI (@ANI) August 19, 2017 ಮಾಧ್ಯಮಗಳ ವರದಿ ಪ್ರಕಾರ, ಪುನಿತ್ ಕೀಳುಮಟ್ಟದ ಕಮೆಂಟ್‌ಗಳನ್ನು ಮಾಡಿ ಅಸಭ್ಯವಾಗಿ ವರ್ತಿಸಿದ್ದಾನೆ ಎಂದು ಯುವತಿ ಟ್ರೈನರ್‌ಗೆ ದೂರು ನೀಡಿದ್ದಳು. ಈ ಕುರಿತು ಟ್ರೈನರ್‌ ವಿಚಾರಣೆ ಮಾಡುತ್ತಿದ್ದ ವೇಳೆ ಆತ ಸಿಟ್ಟುಗೊಂಡು ಯುವತಿಗೆ ಬಲವಾಗಿ ಪಂಚ್ ಮಾಡಿ, ಕಾಲಿನಿಂದ ಒದೆಯುವ ಮೂಲಕ ಕ್ರೌರ್ಯ ಪ್ರದರ್ಶಿಸಿದ್ದಾನೆ.

ವಿಡಿಯೋವನ್ನು ಆಧರಿಸಿ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ತರಬೇತುದಾರ ಪುನಿತ್ ಮಾಳ್ವಿಯಾ ವಿರುದ್ಧ ದೂರು ದಾಖಲಿಸಿದ್ದು ಘಟನೆ ಬಳಿಕ ಪುನೀತ್‌ ತಲೆ ಮರೆಸಿಕೊಂಡಿದ್ದಾನೆ ಎಂದು ಹೇಳಲಾಗಿದೆ.