ಫೇಸ್‌ಬುಕ್‌ ಸ್ನೇಹಿತನಿಂದ ಅಸ್ವಾಭಾವಿಕ ಸೆಕ್ಸ್‌, ಬ್ಲ್ಯಾಕ್‌ಮೇಲ್‌

ಆಗ್ರಾ: ಫೇಸ್‌ಬುಕ್‌ ಸ್ನೇಹಿತನೊಬ್ಬ ಆಗ್ರಾದ ಹೋಟೆಲ್‌ಗೆ ಕರೆಸಿಕೊಂಡು ಅಸ್ವಾಭಾವಿಕ ಸೆಕ್ಸ್‌ ನಡೆಸಿ ಚಿತ್ರೀಕರಣ ಮಾಡಿ ಬ್ಲ್ಯಾಕ್‌ಮೇಲ್‌ ಮಾಡುತ್ತಿರುವುದಾಗಿ ಖಾಸಗಿ ಕಂಪೆನಿಯಲ್ಲಿ ಉದ್ಯೋಗಿಯಾಗಿರುವ ಸಂತ್ರಸ್ತ ವ್ಯಕ್ತಿ ದೂರು ನೀಡಿದ್ದಾರೆ.

ಫೇಸ್‌ಬುಕ್‌ ಸ್ನೇಹಿತನಾಗಿದ್ದ ಇಂದೋರ್‌ ನಿವಾಸಿ ಹೋಟೆಲ್‌ನಲ್ಲಿ ಭೇಟಿಯಾದ ವೇಳೆ ಮದ್ಯ ಕುಡಿಸಿ ಅಸ್ವಾಭಾವಿಕ ಸೆಕ್ಸ್‌ ನಡೆಸಿ ಅದನ್ನು ಚಿತ್ರೀಕರಿಸಿ 1.70 ಲಕ್ಷ ರೂ. ನೀಡದಿದ್ದರೆ ಆನ್‌ಲೈನ್‌ನಲ್ಲಿ ಪ್ರಕಟಿಸುವುದಾಗಿ ಬೆದರಿಕೆ ಒಡ್ಡಿದ್ದಾನೆ ಎಂದು ದೂರಿನಲ್ಲಿ ವಿವರಿಸಲಾಗಿದೆ. ಸೈಬರ್ ಪೊಲೀಸರು ಆರೋಪಿಯನ್ನುಪತ್ತೆ ಹಚ್ಚಿದ್ದು, ಸ್ಥಳೀಯ ಪೊಲೀಸರು ಬಂಧಿಸಿದ್ದಾರೆ.

'ಹತ್ತು ದಿನಗಳ ಹಿಂದೆ ಇಬ್ಬರೂ ನಗರದ ಪ್ರಮುಖ ತಾಣಗಳನ್ನು ಸುತ್ತಿ ಸಂಜೆ ಹೋಟೆಲ್‌ಗೆ ವಾಪಸಾದ ಬಳಿಕ ನನಗೆ ಮದ್ಯ ಕುಡಿಸಿ ಪ್ರಜ್ಞೆ ತಪ್ಪಿದ ಬಳಿಕ ಸ್ನೇಹಿತ ಅಸ್ವಾಭಾವಿಕ ಸೆಕ್ಸ್‌ ನಡೆಸಿದ್ದ, ಎಚ್ಚರಗೊಂಡಾಗ ಇದು ತಿಳಿಯಿತು,' ಎಂದು ದೂರಿನಲ್ಲಿ ಹೇಳಲಾಗಿದೆ. ಆರೋಪಿ ವಿರುದ್ಧ ನಾನಾ ಸೆಕ್ಷನ್‌ಗಳಡಿ ಪ್ರಕರಣ ದಾಖಲಿಸಲಾಗಿದೆ.