ಮಣಿಪುರ: ಒಂಟಿ ಕಾಲಲ್ಲಿ ನಿಬ್ಬೆರಗಾಗುವಂತಹ ಫುಟ್‌ಬಾಲ್‌ ಆಟ, ಬಾಲಕನ ಸಮರ್ಪಣಾ ಭಾವಕ್ಕೆ ಪ್ರಶಂಸೆ!

ಇಂಫಾಲ: ಒಂದು ಕಾಲು ಇಲ್ಲದಿದ್ದರೂ, ಇತರ ಬಾಲಕರಷ್ಟೇ ಚೆನ್ನಾಗಿ ಬಾಲಕನೊಬ್ಬ ಫುಟ್‍ಬಾಲ್ ಆಡುತ್ತಿರುವುದು ಇದೀಗ ದೇಶದ ಗಮನ ಸೆಳೆದಿದೆ. ಬಾಲಕನ ಆಟಕ್ಕೆ ಜನರು ಮನಸೋತಿದ್ದಾರೆ. ತನ್ನ ಇಚ್ಚೇಯನ್ನು ಪೂರೈಸಲು ಬಾಲಕನಿಗೆ ದೈಹಿಕ ಅಂಗವೈಕಲ್ಯ ಅಡ್ಡಿ ಬಂದಿಲ್ಲ ಎನ್ನುವುದನ್ನು ಆತ ತೋರಿಸಿಕೊಟ್ಟು ಸ್ಪೂರ್ತಿಯಾಗಿದ್ದಾನೆ.

ಮಣಿಪುರದ ಕುನಾಲ್ ಶ್ರೇಷ್ಠ ಎಂಬ ಬಾಲಕ ತನ್ನ ಒಂದು ಕಾಲನ್ನು ಹುಟ್ಟುವಾಗಲೇ ಕಳೆದುಕೊಂಡಿದ್ದ. ತನಗೆ ಕಾಲಿಲ್ಲ ಅಥವಾ ದೈಹಿಕ ಅಂಗವೈಕಲ್ಯತೆ ಅವನ ನೆಚ್ಚಿನ ಆಟವಾಡಲು ಅಡ್ಡಿಯಾಗಿಲ್ಲ. ಹೀಗಾಗಿ ಇತರ ಮಕ್ಕಳಂತೆ ಆತ ಚೆನ್ನಾಗಿ ಫುಟ್‍ಬಾಲ್ ಆಡುತ್ತಿದ್ದಾನೆ.

ಊರುಗೋಲು ಹಿಡಿದುಕೊಂಡೇ ಸೊಗಸಾಗಿ ಫುಟ್‍ಬಾಲ್ ಆಡಿದ್ದು, ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಫುಟ್‌ಬಾಲ್‌ಗೆ ಪ್ರಮುಖವಾಗಿರು ಬೇಕಾಗಿರುವುದೇ ಕಾಲು, ಆದರೆ ಒಂದೇ ಕಾಲಿನಲ್ಲಿ ಫುಟ್‌ಬಾಲ್‌ ಆಡುವ ಬಾಲಕನ ಸಾಧನೆಗೆ ಎಲ್ಲರೂ ಜೈ ಎನ್ನುತ್ತಿದ್ದಾರೆ.

Bihar Election Results Live: ಶೇ.30ರಷ್ಟು ಮತ ಎಣಿಕೆ, ಬಿಜೆಪಿ ನೇತೃತ್ವದ NDAಗೆ ಭಾರೀ ಮುನ್ನಡೆ!

ತಾಯಿಗೂ ಸಹಾಯ!
ಕೊರೊನಾ ವೈರಸ್ ಹಿನ್ನೆಲೆ ಶಾಲೆ ಇಲ್ಲದಿರುವುದರಿಂದ ತನ್ನ ತಾಯಿಗೆ ಪಾನಿಪೂರಿ ತಯಾರಿಸಲು ಬಾಲಕ ಕುನಾಲ್‌ ಸಹಾಯ ಮಾಡುತ್ತಾನೆ. ಬಾಲಕನ ತಾಯಿ ಇದನ್ನು ಸೇಲ್‌ ಮಾಡುತ್ತಾರೆ, ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಬಾಲಕ, ಫುಟ್‍ಬಾಲ್ ಆಡುವುದೆಂದರೆ ನನಗೆ ತುಂಬಾ ಇಷ್ಟ.


ಆರಂಭದಲ್ಲಿ ಬ್ಯಾಲೆನ್ಸ್ ಮಾಡುವುದು ಕಷ್ಟವಾಗುತ್ತಿತ್ತು, ಆಗ ತುಂಬಾ ಹೆದರುತ್ತಿದ್ದೆ. ನಂತರ ಆತ್ಮವಿಶ್ವಾಸ ತಂದುಕೊಂಡೆ. ನನ್ನ ಸ್ನೇಹಿತರು ನನಗೆ ತುಂಬಾ ಬೆಂಬಲ ನೀಡಿದರು. ಶೀಘ್ರವೇ ಗೋಲ್ ಹೊಡೆಯುವ ನಂಬಿಕೆ ನನಗಿದೆ ಎಂದು ಕುನಾಲ್ ತಿಳಿಸಿದ್ದಾನೆ. ಇನ್ನು ತಾಯಿ ಕೂಡ ಬಾಲಕನಿಗೆ ಎಲ್ಲಾ ರೀತಿಯಿಂದಲೂ ಪ್ರೋತ್ಸಾಹ ನೀಡುತ್ತಿದ್ದರಂತೆ.