ಕೆಲವೇ ವಾರಗಳಲ್ಲಿ ವಾಪಸ್‌; ಪರಿಕ್ಕರ್‌ ವಿಡಿಯೊ ಸಂದೇಶ

ಪಣಜಿ: ಮೇದೋಜೀರಕ ಗ್ರಂಥಿ ಕ್ಯಾನ್ಸರ್‌ಗೆ ಕಳೆದ 2 ತಿಂಗಳಿಂದ ಅಮೆರಿಕದಲ್ಲಿ ಚಿಕತ್ಸೆ ಪಡೆಯುತ್ತಿರುವ ಗೋವಾ ಮುಖ್ಯಮಂತ್ರಿ ಮನೋಹರ್‌ ಪರಿಕ್ಕರ್‌ ಅವರು, ತಾವು ಗುಣಮುಖರಾಗುತ್ತಿದ್ದು ಕೆಲವೇ ವಾರಗಳಲ್ಲಿ ತವರಿಗೆ ವಾಪಸಾಗುವುದಾಗಿ ವಿಡಿಯೊ ಸಂದೇಶ ರವಾನಿಸಿದ್ದಾರೆ.

ರಾಜ್ಯದಲ್ಲಿ ನಾಯಕತ್ವ ಕೊರತೆ ತಲೆದೋರಿರುವ ಹಿನ್ನೆಲೆಯಲ್ಲಿ ಹೊಸ ಸಿಎಂ ನೀಡುವಂತೆ ಇಲ್ಲವೇ ಸರಕಾರ ವಜಾಗೊಳಿಸುವಂತೆ ಪ್ರತಿಪಕ್ಷ ಕಾಂಗ್ರೆಸ್‌ ಒತ್ತಾಯದ ಬೆನ್ನಲ್ಲೇ ಈ ವಿಡಿಯೋ ಹೊರ ಬಿದ್ದಿದೆ. ಗೋವಾ ಭೇಟಿಯಲ್ಲಿರುವ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ ಅವರು ಪಾಲ್ಗೊಂಡ ಸಭೆಯೊಂದರಲ್ಲಿ ಕಾರ್ಯಕರ್ತರ ಮುಂದೆ ಈ ವಿಡಿಯೊ ಪ್ರದರ್ಶಿಸಲಾಯಿತು.