ಆ್ಯಪ್ನಗರ

'ಅಖಿಲೇಶ್‌ ನಿಮ್ಮ ಮಾತು ಸರಿಯಲ್ಲ' ಗುಜರಾತ್‌ ಯೋಧರ ಕುಟುಂಬ

ಗುಜರಾತ್‌ನ ಯೋಧರು ಹುತಾತ್ಮರಾಗಿಲ್ಲ ಎಂಬ ಅಖಿಲೇಶ್‌ ಯಾದವ್‌ ಹೇಳಿಕೆಗೆ ಅಲ್ಲಿನ ಹುತಾತ್ಮ ಯೋಧರ ಕುಟುಂಬದವರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

Ahmedabad Mirror 11 May 2017, 2:19 pm
ಗುಜರಾತ್‌: ಗುಜರಾತ್‌ನ ಯೋಧರು ಹುತಾತ್ಮರಾಗಿಲ್ಲ ಎಂಬ ಉತ್ತರ ಪ್ರದೇಶದ ಮಾಜಿ ಮುಖ್ಯಮಂತ್ರಿ ಅಖಿಲೇಶ್‌ ಯಾದವ್‌ ಹೇಳಿಕೆಗೆ ಅಲ್ಲಿನ ಹುತಾತ್ಮ ಯೋಧರ ಕುಟುಂಬದವರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
Vijaya Karnataka Web martyrs families in gujarat speak out after akhilesh yadavs insensitive comments
'ಅಖಿಲೇಶ್‌ ನಿಮ್ಮ ಮಾತು ಸರಿಯಲ್ಲ' ಗುಜರಾತ್‌ ಯೋಧರ ಕುಟುಂಬ


ಅಖಿಲೇಶ್‌ ಹೇಳಿಕೆ ಸಂಬಂಧ ಗುಜರಾತ್‌ ಮೂಲದ ಯೋಧರ ಕುಟುಂಬದವರನ್ನು ಭೇಟಿ ಮಾಡಿ ಮುಂಬಯಿ ಮಿರರ್‌ ಅಭಿಪ್ರಾಯ ಸಂಗ್ರಹಿಸಿದೆ.

1999ರಲ್ಲಿ ನಡೆದ ಕಾರ್ಗಿಲ್‌ ಯುದ್ಧದಲ್ಲಿ ಮಡಿದ ಮುಖೇಶ್‌ ರಾಥೋಡ್‌ ಅವರ ಪತ್ನಿ ರಾಜಶ್ರೀ ಮೊದಲಿಗೆ ಅಖಿಲೇಶ್‌ ಹೇಳಿಕೆ ವಿರುದ್ಧ ಕಿಡಿಕಾರಿದ್ದಾರೆ. 'ಅಖಿಲೇಶ್‌ ಹೇಳಿಕೆ ಮನ ಕಲಕಿದೆ, ಯೋಧರು ಯಾವುದೇ ರಾಜ್ಯಕ್ಕೆ ಸೀಮತವಾದವರಲ್ಲ, ಅವರು ದೇಶದ ರಕ್ಷಣೆಗಾಗಿ ಹೋರಾಡುತ್ತಾರೆ,' ಎಂದು ರಾಜಶ್ರೀ ಹೇಳಿದ್ದಾರೆ.

ಗಂಡನನ್ನು ಕಳೆದುಕೊಂಡ ಸಂದರ್ಭದಲ್ಲಿ ರಾಜಶ್ರೀ ಐದು ತಿಂಗಳ ಗರ್ಭಿಣಿಯಾಗಿದ್ದರು. 'ಯೋಧನನ್ನು ಕಳೆದುಕೊಳ್ಳುವದರಿಂದ ರಾಜ್ಯಕ್ಕೆ ಮಾತ್ರವಲ್ಲ ದೇಶಕ್ಕೆ ದೊಡ್ಡ ನಷ್ಟ' ಎಂದಿದ್ದಾರೆ. ಇದಕ್ಕೆ ದನಿ ಗೂಡಿಸಿರುವ ಮುಖೇಶ್‌ ತಾಯಿ , 'ತನ್ನ ಮಕ್ಕಳು, ಒಡಹುಟ್ಟಿದವರು, ಗಂಡ ಇಲ್ಲವೇ ಹೆಂಡತಿಯನ್ನು ಕಳೆದುಕೊಂಡವರಿಗಷ್ಟೇ ಮುಖೇಶ್‌ನನ್ನು ಕಳೆದುಕೊಂಡಾಗ ನಮಗಾದ ನೋವನ್ನು ಅನುಭವಿಸಲು ಸಾಧ್ಯ,' ಎಂದಿದ್ದಾರೆ.

1987ರಲ್ಲಿ ಪಾಕ್‌ ಯೋಧರ ಕಪಟದಿಂದ ಮೃತಪಟ್ಟ ನಿಲೇಶ್‌ ಸೋನಿಯವರ ಸಹೋದರ ಜಗದೀಶ್‌ ಸೋನಿ ಕೂಡಾ ಅಖಿಲೇಶ್‌ ಹೇಳಿಕೆಗೆ ಖೇದ ವ್ಯಕ್ತಪಡಿಸಿದ್ದು, ಅಖಿಲೇಶ್‌ಗೆ ಗುಜರಾತ್‌ ಇತಿಹಾಸ ತಿಳಿದಿಲ್ಲ ಎಂದು ಹೇಳಿದ್ದಾರೆ.

'ರಿಷಿಕೇಶ್‌ಗೆ ನಾನು ಜನ್ಮ ನೀಡಿದ್ದರೆ, ಆತನನ್ನು ಪೋಷಿಸಿದ್ದು ಭಾರತ ಮಾತೆ, ಯಾವ ತಾಯಂದಿರೂ ತಮ್ಮ ಮಕ್ಕಳನ್ನು ರಾಜ್ಯ ಅಥವಾ ಪಂಥ ಇಲ್ಲವೇ ಧರ್ಮಕ್ಕನುಗುಣವಾಗಿ ಭೇದ ಭಾವ ಮಾಡಲಾರೆವು. ಆದರೆ, ರಾಜಕೀಯ ಆಟಕ್ಕಾಗಿ ಅಖಿಲೇಶ್‌ ಇಂತಹ ಹೇಳಿಕೆ ನೀಡಿದ್ದಾರೆ ಎಂದು ಕುಪ್ವಾರದಲ್ಲಿ ನಕ್ಸಲರೊಂದಿಗೆ ಹೋರಾಡಿ ಮೃತಪಟ್ಟ ಮೇಜರ್‌ ರಿಷಿಕೇಶ್‌ ರಮಣಿಯವರ ತಾಯಿ ಗೀತಾ ರಮಣಿ ಅಖಿಲೇಶ್‌ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

'ದೇಶಕ್ಕಾಗಿ ಹೋರಾಡಿ ಮೃತಪಟ್ಟ ನಮ್ಮ ರಾಜ್ಯದ ಯೊಧರ ಕನಿಷ್ಠ 10 ಮಂದಿಯ ಹೆಸರನ್ನು ಅಖಿಲೇಶ್‌ಗೆ ಕೊಡುತ್ತೇನೆ, ನಾವು ಪ್ರತಿಯೊಬ್ಬ ಹುತಾತ್ಮ ಯೋಧರ ಸಂಬಂಧಿಗಳೊಂದಿಗೆ ಸಂಪರ್ಕದಲ್ಲಿದ್ದೇವೆ. ಅಖಿಲೇಶ್‌ ಮೊದಲು ಏನು ಹೇಳುತ್ತಿದ್ದೇನೆ ಎಂದು ಅರಿತು ಹೇಳಿಕೆ ನೀಡಬೇಕು,' ಎಂದು ಗೀತಾಬೆನ್‌ ಎಂಬವರು ಹೇಳಿದ್ದಾರೆ.

ಸುದ್ದಿ ಕೃಪೆ: ಅಹ್ಮದಾಬಾದ್‌ ಮಿರರ್‌

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ