ಹೊಗೆ ಸೇವಿಸಿದ್ರೆ ಜೀವನವೇ ಹೊಗೆ!: ಹೃದಯ ಬಡಿತವನ್ನೇ ನಿಲ್ಲಿಸುತ್ತೆ ವಾಯು ಮಾಲಿನ್ಯ

ಚೆನ್ನೈ: ಹೃದಯ ಬಡಿತವನ್ನೇ ನಿಲ್ಲಿಸುವ ಮಟ್ಟಕ್ಕೆ ಬೆಳೆದು ನಿಂತಿದೆ ವಾಯು ಮಾಲಿನ್ಯ. ಅದರಲ್ಲೂ ಮಧ್ಯಮ ವರ್ಗ ಹಾಗೂ ಕಡಿಮೆ ಆದಾಯ ಹೊಂದಿರುವ ಜನರು, ಹೆಚ್ಚಾಗಿ ಹೃದ್ರೋಗಕ್ಕೆ ತುತ್ತಾಗುತ್ತಿದ್ದಾರೆ. ಅತಿ ಹೆಚ್ಚು ಜನಸಂಖ್ಯೆ ಇರುವ ದೇಶಗಳಾದ ಭಾರತ ಹಾಗೂ ಚೀನಾದಲ್ಲೇ ಈ ಆತಂಕ ಹೆಚ್ಚು. ಲ್ಯಾನ್ಸೆಟ್ ಎಂಬ ವೈದ್ಯಕೀಯ ನಿಯತಕಾಲಿಕೆಯ ಸಂಶೋಧನಾತ್ಮಕ ವರದಿ, ಈ ವಿಚಾರವನ್ನು ಬಯಲಿಗೆಳೆದಿದೆ.

ಕಡಿಮೆ ಆದಾಯವಿರುವ ಮಧ್ಯಮ ವರ್ಗದ ಜನರು ವಾಯು ಮಾಲಿನ್ಯ, ಅಧಿಕ ರಕ್ತದೊತ್ತಡ, ಕೊಬ್ಬು, ಮಧುಮೇಹ ಹಾಗೂ ಅಪೌಷ್ಠಿಕ ಆಹಾರ ಸೇವನೆಯಿಂದಾಗಿ ಹೃದ್ರೋಗಕ್ಕೆ ತುತ್ತಾಗುತ್ತಿದ್ದಾರೆ. ಇನ್ನು, ಸಿರಿವಂತರು ತಂಬಾಕು ಸೇವನೆ, ಕೊಬ್ಬು, ಬಿಪಿ, ಶುಗರ್ ನಿಂದಾಗಿ ಹೃದ್ರೋಗಕ್ಕೆ ತುತ್ತಾಗುತ್ತಿದ್ದಾರೆ.

ವಾಯು ಮಾಲಿನ್ಯದಿಂದಾಗಿ ಹಲವು ಸಮಸ್ಯೆಗಳು ಎದುರಾಗ್ತಿವೆ. ಹೃದ್ರೋಗದಂಥಾ ಆರೋಗ್ಯ ಸಮಸ್ಯೆಗಳು ಎದುರಾದಾಗ ಬಡವರು ಚಿಕಿತ್ಸೆಗೆ ಹಣ ಹೊಂದಿಸೋದೇ ಕಷ್ಟ. ಹೀಗಾಗಿ, ಮಾಲಿನ್ಯಕ್ಕೆ ಕಡಿವಾಣ ಹಾಕದಿದ್ದರೆ ತುಂಬಾ ಕಷ್ಟ ಅಂತಾರೆ ತಜ್ಞ ವೈದ್ಯರು.

ವಾಯು ಮಾಲಿನ್ಯದಿಂದ ಕ್ಯಾನ್ಸರ್ ಕಟ್ಟಿಟ್ಟ ಬುತ್ತಿ!

ಭಾರತ, ಚೀನಾದಂಥಾ ರಾಷ್ಟ್ರಗಳ ಜನರು ವಾಯು ಮಾಲಿನ್ಯದಿಂದ ಹೃದಯಾಘಾತಕ್ಕೆ ತುತ್ತಾಗುತ್ತಿದ್ದರೆ, ಸಿರಿವಂತ ರಾಷ್ಟ್ರಗಳಲ್ಲಿ ಇದೇ ವಾಯು ಮಾಲಿನ್ಯ ಕ್ಯಾನ್ಸರ್ ಗೆ ಕಾರಣವಾಗುತ್ತಿದೆ. ಅದೂ ಕೂಡಾ ಭಾರತದಲ್ಲಿ ಹೃದಯಾಘಾತಕ್ಕೆ ತುತ್ತಾಗುವ ಜನಕ್ಕಿಂತಾ ಎರಡು ಪಟ್ಟು ಜನ ಶ್ರೀಮಂತ ರಾಷ್ಟ್ರಗಳಲ್ಲಿ ಕ್ಯಾನ್ಸರ್ ಗೆ ತುತ್ತಾಗುತ್ತಿದ್ದಾರೆ.