ಕ್ರೈಂ ವೆಬ್‌ ಸಿರೀಸ್‌ ನೋಡಿ ತಂದೆ ಕೊಂದ ಬಾಲಕ..! ಒಂದೇ ಒಂದು ಸಾಕ್ಷಿ ಉಳಿಸದೇ ಮೃತದೇಹ ವಿಲೇವಾರಿ

ಮಥುರಾ: ಅಪ್ರಾಪ್ತ ಬಾಲಕನೊಬ್ಬ ನೂರಕ್ಕೂ ಹೆಚ್ಚು ಬಾರಿ ಕ್ರೈಂ ಪಟ್ರೋಲ್‌ ವೆಬ್‌ ಸಿರೀಸ್‌ ವಿಡಿಯೋಗಳನ್ನು ನೋಡಿ ತನ್ನ ತಂದೆಯನ್ನೇ ಕೊಂದಿರುವ ಘಟನೆ ಉತ್ತರ ಪ್ರದೇಶದ ಮಥುರಾದಲ್ಲಿ ನಡೆದಿದೆ. ಬಳಿಕ ಫಿಂಗರ್‌ಪ್ರಿಂಟ್‌ ಸೇರಿ ಯಾವುದೇ ಸಾಕ್ಷ್ಯಗಳು ಇರದಂತೆ ತಂದೆಯ ಮೃತ ದೇಹ ವಿಲೇವಾರಿ ಮಾಡಿರುವುದು ಪೊಲೀಸರ ಅಚ್ಚರಿಗೆ ಕಾರಣವಾಗಿದೆ.

11ನೇ ತರಗತಿಯ ವಿದ್ಯಾರ್ಥಿಯಾಗಿರುವ ಬಾಲಕ ತನ್ನ ಮೊಬೈಲ್‌ನಲ್ಲಿ ಕನಿಷ್ಠ 100 ಬಾರಿ ಅಪರಾಧಕ್ಕೆ ಸಂಬಂಧಪಟ್ಟ ಕ್ರೈಂ ಪಟ್ರೋಲ್‌ ವೆಬ್‌ ಸಿರೀಸ್‌ ವಿಡಿಯೋಗಳನ್ನು ನೋಡಿದ್ದಾನೆ. ಬಳಿಕ ತನ್ನ ತಂದೆಯನ್ನು ಯೋಜಿತ ರೀತಿಯಲ್ಲಿ ಕೊಲೆ ಮಾಡಿದ್ದಾನೆ ಎಂದು ಮಥುರಾ ನಗರದ ಎಸ್‌ಪಿ ಉದಯ್ ಎಸ್.ಮಿಶ್ರಾ ಹೇಳಿದ್ದಾರೆ.

ಬಾಲಕನ ತಂದೆ ತನ್ನ ಮಗಳನ್ನು ಹೊಡೆಯುತ್ತಿದ್ದ. ಸಹೋದರಿಯ ಮೇಲೆ ಆಗಾಗ ಹಲ್ಲೆಯಾಗುತ್ತಿರುವುದನ್ನು ನೋಡಿ ಬೇಸರಗೊಂಡ ಬಾಲಕ ತಂದೆಯನ್ನು ಕೊಲೆ ಮಾಡಲು ಕ್ರೈಂ ಪಟ್ರೋಲ್‌ ವಿಡಿಯೋಗಳನ್ನು ವೀಕ್ಷಿಸಿ ಪ್ಲಾನ್‌ ಮಾಡಿದ್ದಾನೆ. ಘಟನೆ ಮೇ ತಿಂಗಳಲ್ಲಿ ನಡೆದಿದ್ದು, ಬರೋಬ್ಬರಿ 5 ತಿಂಗಳ ನಂತರ ಬೆಳಕಿಗೆ ಬಂದಿದೆ.

ಜಸ್ಟ್‌ ಫನ್‌ಗಾಗಿ 16 ಕಾರ್‌ಗಳ ಗಾಜು ಪುಡಿ ಪುಡಿ.. ಒಂದಕ್ಕೆ ಬೆಂಕಿ..! ಮೂವರ ಬಂಧನ

ಮೊದಲು ತಂದೆಯ ತಲೆಗೆ ರಾಡ್‌ನಿಂದ ಹೊಡೆದಿರುವ ಬಾಲಕ ಬಳಿಕ ಮುಖ ಮುಚ್ಚಿ ಕತ್ತು ಹಿಸುಕಿದ್ದಾನೆ. ಮುಖದ ಮೇಲೆ ಬಟ್ಟೆ ಹಾಕಿದ್ದರಿಂದ ದೇಹದ ಮೇಲೆ ಯಾವುದೇ ಬೆರಳಚ್ಚು ದೊರೆತಿದ್ದಿಲ್ಲ. ಬಾಲಕನು ಯೂಟ್ಯೂಬ್‌ನಲ್ಲಿ ಕ್ರೈಮ್ ಪಟ್ರೋಲ್ ವಿಡಿಯೋಗಳನ್ನು ನೋಡಿದ್ದನ್ನು ಪೊಲೀಸರು ಖಚಿತಪಡಿಸಿದ್ದಾರೆ.

ಕುಸಿದ ಕಾಂಗ್ರೆಸ್‌ನ ಮತ್ತೊಂದು ಪ್ರಚಾರ ವೇದಿಕೆ: ಶಾಯರಿ ಹೇಳುತ್ತಲೇ ಕೆಳಗೆ ಬಿದ್ದ ಇಮ್ರಾನ್!

ಅವುಗಳನ್ನು ನೋಡಿ ಬಾಲಕ ಈ ಕೃತ್ಯ ಎಸಗುವುದನ್ನು ಕಲಿತಿದ್ದಾನೆ. ಬಳಿಕ ಯಾವುದೇ ಪುರಾವೆಗಳು ದೊರೆಯದಂತೆ ನೋಡಿಕೊಂಡಿದ್ದಾನೆ. ಆತನ ಫೋನ್‌ನಲ್ಲಿ ಕ್ರೈಮ್ ಪಟ್ರೋಲ್ ವಿಡಿಯೋಗಳನ್ನು ವೀಕ್ಷಿಸಿದ್ದ ಎಂಬುದಕ್ಕೆ ಸಾಕ್ಷಿಗಳನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ.

ಯಾರನ್ನು ಯಾವಾಗ ಬೀಳಿಸಬೇಕು ಎಂಬುದು ಜನರಿಗೆ ಗೊತ್ತು ಎಂದ ಕಾಂಗ್ರೆಸ್ ಅಭ್ಯರ್ಥಿ: ಮುಂದೇನಾಯ್ತು?