Miss International 2018: ಭಾರತದ ಮೀನಾಕ್ಷಿ ಚೌಧರಿ ವಿಶ್ವ ಸುಂದರಿ ರನ್ನರ್‌ ಅಪ್‌

ಹೊಸದಿಲ್ಲಿ: ಭಾರತದ ಸುಂದರಿ ಮೀನಾಕ್ಷಿ ಚೌಧರಿ ಪ್ರತಿಷ್ಠಿತ ಮಿಸ್‌ ಗ್ರಾಂಡ್‌ ಇಂಟರ್‌ನ್ಯಾಷನಲ್‌ ಸೌಂದರ್ಯ ಸ್ಪರ್ಧೆಯ ಮೊದಲ ರನ್ನರ್‌ ಅಪ್‌ ಆಗಿ ಹೊರ ಹೊಮ್ಮಿದ್ದಾರೆ.

ಮ್ಯಾನ್ಮಾರ್‌ನಲ್ಲಿ ನಡೆದ ಅಂತಿಮ ಸುತ್ತಿನ ಸ್ಪರ್ಧೆಯಲ್ಲಿ ಪರುಗ್ವೆಯ ಕ್ಲಾರಾ ಸೊಸಾ ಗ್ರಾಂಡ್‌ ವಿಶ್ವ ಸುಂದರಿ ಕಿರೀಟ ಧರಿಸಿದರು.

ಎಫ್‌ಬಿಬಿ ಕಲರ್ಸ್‌ ಫೆಮಿನಾ ಮಿಸ್‌ ಗ್ರಾಂಡ್‌ ಇಂಡಿಯಾ ವಿಭಾಗದಲ್ಲಿ ಮೀನಾಕ್ಷಿ ಮೊದಲ ರನ್ನರ್‌ ಅಪ್‌ ಎನಿಸಿದರೆ, ನಾಡಿಯಾ ಪುರ್ವೊಕೊ ಮಿಸ್‌ ಗ್ರಾಂಡ್‌ ಇಂಡೊನೇಷ್ಯಾ ವಿಭಾಗದ ಎರಡನೇ ಸ್ಥಾನ ತುಂಬಿದರು. ಮೂರನೇ ಸ್ಥಾನ ಪೊರ್ಟೊರಿಕಾದ ನಿಕೋಲ್‌ ಕೊಲನ್‌ ಅವರಿಗೆ ದಕ್ಕಿತು.

ಕಳೆದ ಜೂನ್ ತಿಂಗಳಲ್ಲಿ ನಡೆದ ಫೆಮಿನಾ ಮಿಸ್ ಇಂಡಿಯಾ 2018ರಲ್ಲಿ ಸಹ ಮೊದಲ ರನ್ನರ್ ಅಪ್ ಆಗಿದ್ದ ಹರಿಯಾಣ ಮೂಲದ ಚೆಲುವೆ, ಮಿಸ್‌ ಗ್ರಾಂಡ್‌ ಇಂಟರ್‌ನ್ಯಾಷನಲ್‌ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವ ಅವಕಾಶ ತಮ್ಮದಾಗಿಸಿಕೊಂಡಿದ್ದರು.

ಅವರು ಪ್ರಸ್ತುತ ಡೆಂಟಲ್ ಸರ್ಜರಿ ವಿದ್ಯಾರ್ಥಿನಿಯಾಗಿದ್ದಾರೆ.

ಕ್ರೀಡೆಯಲ್ಲಿ ಅತೀವ ಆಸಕ್ತಿ ಹೊಂದಿರುವ ಅವರು ರಾಜ್ಯಮಟ್ಟದ ಈಜು ಮತ್ತು ಬ್ಯಾಡ್ಮಿಂಟನ್ ಸ್ಪರ್ಧೆಗಳಲ್ಲಿ ಪಾಲ್ಗೊಂಡಿದ್ದಾರೆ.