ದೇಶದ ಗಮನ ಸೆಳೆದ ಕೊಚ್ಚಿಯ ಮಹಿಳಾ ಬೈಕರ್
ಫ್ರೀಲ್ಯಾನ್ಸ್ ಫಿಟ್ನಿಸ್ ತರಬೇತುದಾರರಾದ ಫಜೀಲಾ ಅವರು ಬೈಕ್ ರೈಡಿಂಗ್ನಲ್ಲಿ ಸಾಧನೆ ಮಾಡುವ ಮೂಲಕ ದೇಶದಾದ್ಯಂತ ಸಂಚಲನ ಮೂಡಿಸಿದ್ದಾರೆ.
ಟೈಮ್ಸ್ ಆಫ್ ಇಂಡಿಯಾ 17 May 2017, 7:26 pm
ಕೊಚ್ಚಿ: ಫ್ರೀಲ್ಯಾನ್ಸ್ ಫಿಟ್ನಿಸ್ ತರಬೇತುದಾರರಾದ ಫಜೀಲಾ ಅವರು ಬೈಕ್ ರೈಡಿಂಗ್ನಲ್ಲಿ ಸಾಧನೆ ಮಾಡುವ ಮೂಲಕ ದೇಶದಾದ್ಯಂತ ಸಂಚಲನ ಮೂಡಿಸಿದ್ದಾರೆ.
ಕಲ್ಲಿಕೋಟೆಯ ಸಂಪ್ರದಾಯವಾದಿ ಮುಸ್ಲಿಂ ಕುಟುಂಬದಲ್ಲಿ ಜನಸಿದ ಫಜೀಲಾ ಅವರು ನೆರೆಹೊರೆಯ ಇತರೆ ಹೆಣ್ಣು ಮಕ್ಕಳಂತೆ ದೈನಂದಿನ ಜೀವನ ಸಾಗಿಸದೆ, ಮೋಟರ್ ಸೈಕಲ್ ಸವಾರಿಯಲ್ಲಿ ಸಾಧನೆ ಮಾಡುವ ಮೂಲಕ ಎಲ್ಲರ ಹುಬ್ಬೇರಿಸುವಂತೆ ಮಾಡಿದ್ದಾರೆ.
ಬಹುತೇಕ ಮಹಿಳೆಯರು ಬೈಕ್ ಸವಾರಿ ಮಾಡುವ ಕಲ್ಪನೆಯಲ್ಲಿಯೇ ಇರುತ್ತಾರೆ. ಆದರೆ, ಫಜೀಲಾ ಅವರು ನಗರದ ಬೀದಿಗಳಲ್ಲಿ ಬೈಕ್ ಸವಾರಿ ಮಾಡುವ ಮೂಲಕ ಅನೇಕ ರ್ಯಾಲಿಗಳನ್ನು ಗೆದ್ದು ಸಾಧನೆಯ ಹಾದಿಯಲ್ಲಿ ನಡೆದಿದ್ದಾರೆ.
'ಬೈಕ್ ಸವಾರಿ ಮಾಡುವ ನನ್ನ ಹವ್ಯಾಸದ ಕುರಿತು ಮಾತನಾಡುವಾಗ ಎಲ್ಲರಿಂದಲೂ ನಿರುತ್ಸಾಹ ತೋರುತ್ತಿದ್ದರು. ಬೈಕ್ ಸವಾರಿ ಕಲಿಯಲು ಸಹಾಯ ಮಾಡುವಂತೆ ಸ್ನೇಹಿತರಲ್ಲಿ ಕೇಳಿಕೊಂಡಿದ್ದೆ. ಆದರೆ, ಯಾರೂ ಸಹ ಮುಂದೆ ಬಂದು ಸಹಾಯ ಮಾಡಲಿಲ್ಲ. ಈ ಹಾದಿಯಲ್ಲಿ ಸಾಕಷ್ಟು ಕಷ್ಟಗಳನ್ನು ಎದುರಿಸಿದ್ದೇನೆ' ಎಂದು ಫಜೇಲಾ ಹೇಳಿಕೊಂಡಿದ್ದಾರೆ.
ಅಂತಿಮವಾಗಿ ನನ್ನ ಚಿಕ್ಕಪ್ಪನ ಬೆಂಬಲದೊಂದಿಗೆ ಬೈಕ್ ರೈಡಿಂಗ್ ಕಲಿತುಕೊಂಡೆ. ಕೆಲವು ವರ್ಷಗಳ ಹಿಂದೆ ಟಿವಿಎಸ್ ಕಂಪನಿಯ ಅಪಾಚಿ 200 ಸಿಸಿ ಬೈಕ್ ಖರೀದಿಸಿದೆವು. ನಂತರ ಕೊಚ್ಚಿಯ CoG ರೇಸಿಂಗ್ ಗುಂಪಿನಲ್ಲಿ ಸೇರಿಕೊಂಡು ಆರಂಭದ ಪಂದ್ಯವನ್ನು ಗೆದ್ದುಕೊಂಡೆ. ನಂತರ ಬೈಕ್ ರೈಡಿಂಗ್ನ್ನು ಗಂಭೀರ ಸವಾಲಾಗಿ ತೆಗೆದುಕೊಳ್ಳಲು ನಿರ್ಧರಿಸಿದೆ ಎಂದು ಫಜೀಲಾ ತಮ್ಮ ಸಾಧನೆಯ ಹಾದಿಯನ್ನು ಬಿಚ್ಚಿಟ್ಟಿದ್ದಾರೆ.
ಬರೋಡಾದಲ್ಲಿ ನಡೆದ ಎಂಆರ್ಎಫ್ ಬೈಕ್ ರ್ಯಾಲಿಯಲ್ಲಿ ದ್ವಿತೀಯ ಸ್ಥಾನ ಹಾಗೂ ಇಂದೋರ್ನಲ್ಲಿ ನಡೆದ ರ್ಯಾಲಿಯಲ್ಲಿ ಮೂರನೇಯ ಸ್ಥಾನ ಪಡೆದಿರುವ ಫಜೀಲಾ ಅವರು, ಪುಣೆ ಮತ್ತು ನಾಶಿಕ್ನಲ್ಲಿ ನಡೆಯುವ ರ್ಯಾಲಿಯಲ್ಲಿ ಭಾಗವಹಿಸಲಿದ್ದಾರಂತೆ.
ಮೂಲ ಸುದ್ದಿ ಮಲಯಾಳಂ ಸಮಯಂ
ಕಲ್ಲಿಕೋಟೆಯ ಸಂಪ್ರದಾಯವಾದಿ ಮುಸ್ಲಿಂ ಕುಟುಂಬದಲ್ಲಿ ಜನಸಿದ ಫಜೀಲಾ ಅವರು ನೆರೆಹೊರೆಯ ಇತರೆ ಹೆಣ್ಣು ಮಕ್ಕಳಂತೆ ದೈನಂದಿನ ಜೀವನ ಸಾಗಿಸದೆ, ಮೋಟರ್ ಸೈಕಲ್ ಸವಾರಿಯಲ್ಲಿ ಸಾಧನೆ ಮಾಡುವ ಮೂಲಕ ಎಲ್ಲರ ಹುಬ್ಬೇರಿಸುವಂತೆ ಮಾಡಿದ್ದಾರೆ.
ಬಹುತೇಕ ಮಹಿಳೆಯರು ಬೈಕ್ ಸವಾರಿ ಮಾಡುವ ಕಲ್ಪನೆಯಲ್ಲಿಯೇ ಇರುತ್ತಾರೆ. ಆದರೆ, ಫಜೀಲಾ ಅವರು ನಗರದ ಬೀದಿಗಳಲ್ಲಿ ಬೈಕ್ ಸವಾರಿ ಮಾಡುವ ಮೂಲಕ ಅನೇಕ ರ್ಯಾಲಿಗಳನ್ನು ಗೆದ್ದು ಸಾಧನೆಯ ಹಾದಿಯಲ್ಲಿ ನಡೆದಿದ್ದಾರೆ.
'ಬೈಕ್ ಸವಾರಿ ಮಾಡುವ ನನ್ನ ಹವ್ಯಾಸದ ಕುರಿತು ಮಾತನಾಡುವಾಗ ಎಲ್ಲರಿಂದಲೂ ನಿರುತ್ಸಾಹ ತೋರುತ್ತಿದ್ದರು. ಬೈಕ್ ಸವಾರಿ ಕಲಿಯಲು ಸಹಾಯ ಮಾಡುವಂತೆ ಸ್ನೇಹಿತರಲ್ಲಿ ಕೇಳಿಕೊಂಡಿದ್ದೆ. ಆದರೆ, ಯಾರೂ ಸಹ ಮುಂದೆ ಬಂದು ಸಹಾಯ ಮಾಡಲಿಲ್ಲ. ಈ ಹಾದಿಯಲ್ಲಿ ಸಾಕಷ್ಟು ಕಷ್ಟಗಳನ್ನು ಎದುರಿಸಿದ್ದೇನೆ' ಎಂದು ಫಜೇಲಾ ಹೇಳಿಕೊಂಡಿದ್ದಾರೆ.
ಅಂತಿಮವಾಗಿ ನನ್ನ ಚಿಕ್ಕಪ್ಪನ ಬೆಂಬಲದೊಂದಿಗೆ ಬೈಕ್ ರೈಡಿಂಗ್ ಕಲಿತುಕೊಂಡೆ. ಕೆಲವು ವರ್ಷಗಳ ಹಿಂದೆ ಟಿವಿಎಸ್ ಕಂಪನಿಯ ಅಪಾಚಿ 200 ಸಿಸಿ ಬೈಕ್ ಖರೀದಿಸಿದೆವು. ನಂತರ ಕೊಚ್ಚಿಯ CoG ರೇಸಿಂಗ್ ಗುಂಪಿನಲ್ಲಿ ಸೇರಿಕೊಂಡು ಆರಂಭದ ಪಂದ್ಯವನ್ನು ಗೆದ್ದುಕೊಂಡೆ. ನಂತರ ಬೈಕ್ ರೈಡಿಂಗ್ನ್ನು ಗಂಭೀರ ಸವಾಲಾಗಿ ತೆಗೆದುಕೊಳ್ಳಲು ನಿರ್ಧರಿಸಿದೆ ಎಂದು ಫಜೀಲಾ ತಮ್ಮ ಸಾಧನೆಯ ಹಾದಿಯನ್ನು ಬಿಚ್ಚಿಟ್ಟಿದ್ದಾರೆ.
ಬರೋಡಾದಲ್ಲಿ ನಡೆದ ಎಂಆರ್ಎಫ್ ಬೈಕ್ ರ್ಯಾಲಿಯಲ್ಲಿ ದ್ವಿತೀಯ ಸ್ಥಾನ ಹಾಗೂ ಇಂದೋರ್ನಲ್ಲಿ ನಡೆದ ರ್ಯಾಲಿಯಲ್ಲಿ ಮೂರನೇಯ ಸ್ಥಾನ ಪಡೆದಿರುವ ಫಜೀಲಾ ಅವರು, ಪುಣೆ ಮತ್ತು ನಾಶಿಕ್ನಲ್ಲಿ ನಡೆಯುವ ರ್ಯಾಲಿಯಲ್ಲಿ ಭಾಗವಹಿಸಲಿದ್ದಾರಂತೆ.
ಮೂಲ ಸುದ್ದಿ ಮಲಯಾಳಂ ಸಮಯಂ