ಹೊಸ ದಿಲ್ಲಿ: ಮಿಗ್ - 29ಕೆ ಯುದ್ಧ ವಿಮಾನವು ಗೋವಾ ಕಡಲ ತೀರದಲ್ಲಿ ಪತನಗೊಂಡಿದೆ ಎಂದು ಭಾರತೀಯ ನೌಕಾ ಪಡೆ ಮಾಹಿತಿ ನೀಡಿದೆ. ಎಂದಿನಂತೆ ಅಭ್ಯಾಸ ನಡೆಸುತ್ತಿದ್ದ ವೇಳೆ ತಾಂತ್ರಿಕ ದೋಷದಿಂದಾಗಿ ವಿಮಾನ ಪತನಗೊಂಡಿದೆ ಎಂದು ನೌಕಾ ಪಡೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಇದೀಗ ಮಿಗ್ - 29 ಕೆ ಯುದ್ಧ ವಿಮಾನದ ಪತನದ ಕಾರಣಗಳನ್ನು ಪತ್ತೆ ಹಚ್ಚಲು ತನಿಖಾ ಮಂಡಳಿಯನ್ನು ರಚನೆ ಮಾಡಿ ಆದೇಶ ಹೊರಡಿಸಲಾಗಿದೆ. 2019ರಿಂದ ಈವರೆಗೂ ಮಿಗ್ - 29 ಕೆ ಸರಣಿಯ ನಾಲ್ಕು ವಿಮಾನಗಳು ಅಪಘಾತಕ್ಕೆ ಈಡಾಗಿವೆ. ಬುಧವಾರ ಬೆಳಗ್ಗೆ ಪತನವಾದ ಯುದ್ಧ ವಿಮಾನವು ತನ್ನ ದೈನಂದಿನ ಅಭ್ಯಾಸ ಮುಗಿಸಿ ಸೇನಾ ನೆಲೆಗೆ ವಾಪಸ್ಸಾಗುತ್ತಿತ್ತು. ಈ ವೇಳೆ ತಾಂತ್ರಿಕ ದೋಷದಿಂದ ಪತನಗೊಂಡಿದೆ.
ಮಿಗ್ - 29 ಕೆ ಯುದ್ಧ ವಿಮಾನದಲ್ಲಿ ರಷ್ಯಾ ನಿರ್ಮಿತ ಕೆ - 36 ಡಿ - 3.5 ತುರ್ತು ನಿರ್ಗಮನ ಸೀಟ್ ಅಳವಡಿಕೆ ಮಾಡಲಾಗಿದೆ. ಈ ಆಸನವು ವಿಶ್ವಾದ್ಯಂತ ಬಳಕೆಯಲ್ಲಿದ್ದು, ಪೈಲಟ್‌ಗಳ ಜೀವ ರಕ್ಷಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಸೀಟ್ ಅನ್ನು ಅತ್ಯಂತ ಸುರಕ್ಷಿತ ಎಂದೇ ಭಾವಿಸಲಾಗಿದೆ. ಇದೀಗ ಇದೇ ಸೀಟು ಪೈಲಟ್‌ನ ಜೀವ ರಕ್ಷಿಸಿದೆ.
ಅಪಾಯದ ಮುನ್ಸೂಚನೆ ಸಿಕ್ಕ ಕೂಡಲೇ ವಿಮಾನದ ಪೈಲಟ್ ಸೀಟ್‌ನ ತುರ್ತು ನಿರ್ಗಮನ ಹ್ಯಾಂಡಲ್‌ ಅನ್ನು ಎಳೆಯುತ್ತಾರೆ. ಆಗ ಪೈಲಟ್‌ನ ಹಿಂಭಾಗದ ಸೀಟು ಮೊದಲಿಗೆ ಹೊರಗೆ ಬರುತ್ತದೆ. ಅದರ ಬೆನ್ನಲ್ಲಿಯೇ ಪೈಲಟ್ ಇರುವ ಸೀಟ್ ಕೂಡಾ ಹೊರ ಬಂದು ಪ್ಯಾರಾಚೂಟ್ ತೆರೆದುಕೊಳ್ಳುತ್ತದೆ.
ನವೆಂಬರ್ 2020ರಲ್ಲಿ ಮಿಗ್ - 29ಕೆ ಸರಣಿಯ ವಿಮಾನವೊಂದು ಪತನವಾದಾಗ ಪೈಲಟ್ ದುರ್ಮರಣ ಹೊಂದಿದ್ದರು. ಆದರೆ, ವಿಮಾನದಲ್ಲಿದ್ದ ಮತ್ತೊಬ್ಬ ಪೈಲಟ್ ಅನ್ನು ರಕ್ಷಣೆ ಮಾಡಲಾಗಿತ್ತು. ವಿಮಾನ ಚಲಾಯಿಸುತ್ತಿದ್ದ ಕಮಾಂಡರ್ ನಿಶಾಂತ್ ಸಿಂಗ್ ಅವರ ಪಾರ್ಥಿವ ಶರೀರವನ್ನು ಘಟನೆ ನಡೆದು 11 ದಿನಗಳ ಬಳಿಕ ಪತ್ತೆ ಮಾಡಲಾಗಿತ್ತು.
ಅದೇ ವರ್ಷ ಫೆಬ್ರುವರಿಯಲ್ಲಿ ಮತ್ತೊಂದು ಮಿಗ್ 29 ಕೆ ಯುದ್ಧ ವಿಮಾನ ಪತನವಾಗಿತ್ತು. ಹಕ್ಕಿ ಡಿಕ್ಕಿ ಹೊಡೆದ ಪರಿಣಾಮ ಯುದ್ಧ ವಿಮಾನ ಪತನಗೊಂಡಿತ್ತು. ಈ ವೇಳೆ ವಿಮಾನದಲ್ಲಿದ್ದ ಇಬ್ಬರೂ ಪೈಲಟ್‌ಗಳು ಜನ ವಸತಿ ಪ್ರದೇಶದ ಮೇಲೆ ವಿಮಾನ ಬೀಳದಂತೆ ನೋಡಿಕೊಂಡು ಸುರಕ್ಷಿತವಾಗಿ ವಿಮಾನದಿಂದ ಹೊರಗೆ ಬಂದಿದ್ದರು. ಪೈಲಟ್‌ಗಳ ಸಮಯ ಪ್ರಜ್ಞೆಯನ್ನು ಗೃಹ ಖಾತೆ ರಾಜ್ಯ ಸಚಿವ ಶ್ರೀಪಾದ ನಾಯಕ್ ಅವರು ಪ್ರಶಂಸಿಸಿದ್ದರು.
ನವೆಂಬರ್ 2019ರಲ್ಲಿ ಕೂಡಾ ಮಿಗ್ - 29 ಕೆ ಸರಣಿಯ ತರಬೇತಿ ವಿಮಾನ ಗೋವಾದ ಗ್ರಾಮವೊಂದರ ಹೊರ ವಲಯದಲ್ಲಿ ಪತನಗೊಂಡಿತ್ತು. ಈ ವೇಳೆ ವಿಮಾನದಲ್ಲಿದ್ದ ಇಬ್ಬರೂ ಪೈಲಟ್‌ಗಳು ಸುರಕ್ಷಿತವಾಗಿ ಹೊರ ಬಂದಿದ್ದರು.
ಇದೀಗ ಮಿಗ್ - 29 ಕೆ ಯುದ್ಧ ವಿಮಾನದ ಪತನದ ಕಾರಣಗಳನ್ನು ಪತ್ತೆ ಹಚ್ಚಲು ತನಿಖಾ ಮಂಡಳಿಯನ್ನು ರಚನೆ ಮಾಡಿ ಆದೇಶ ಹೊರಡಿಸಲಾಗಿದೆ. 2019ರಿಂದ ಈವರೆಗೂ ಮಿಗ್ - 29 ಕೆ ಸರಣಿಯ ನಾಲ್ಕು ವಿಮಾನಗಳು ಅಪಘಾತಕ್ಕೆ ಈಡಾಗಿವೆ. ಬುಧವಾರ ಬೆಳಗ್ಗೆ ಪತನವಾದ ಯುದ್ಧ ವಿಮಾನವು ತನ್ನ ದೈನಂದಿನ ಅಭ್ಯಾಸ ಮುಗಿಸಿ ಸೇನಾ ನೆಲೆಗೆ ವಾಪಸ್ಸಾಗುತ್ತಿತ್ತು. ಈ ವೇಳೆ ತಾಂತ್ರಿಕ ದೋಷದಿಂದ ಪತನಗೊಂಡಿದೆ.
ಮಿಗ್ - 29 ಕೆ ಯುದ್ಧ ವಿಮಾನದಲ್ಲಿ ರಷ್ಯಾ ನಿರ್ಮಿತ ಕೆ - 36 ಡಿ - 3.5 ತುರ್ತು ನಿರ್ಗಮನ ಸೀಟ್ ಅಳವಡಿಕೆ ಮಾಡಲಾಗಿದೆ. ಈ ಆಸನವು ವಿಶ್ವಾದ್ಯಂತ ಬಳಕೆಯಲ್ಲಿದ್ದು, ಪೈಲಟ್‌ಗಳ ಜೀವ ರಕ್ಷಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಸೀಟ್ ಅನ್ನು ಅತ್ಯಂತ ಸುರಕ್ಷಿತ ಎಂದೇ ಭಾವಿಸಲಾಗಿದೆ. ಇದೀಗ ಇದೇ ಸೀಟು ಪೈಲಟ್‌ನ ಜೀವ ರಕ್ಷಿಸಿದೆ.
ಅಪಾಯದ ಮುನ್ಸೂಚನೆ ಸಿಕ್ಕ ಕೂಡಲೇ ವಿಮಾನದ ಪೈಲಟ್ ಸೀಟ್‌ನ ತುರ್ತು ನಿರ್ಗಮನ ಹ್ಯಾಂಡಲ್‌ ಅನ್ನು ಎಳೆಯುತ್ತಾರೆ. ಆಗ ಪೈಲಟ್‌ನ ಹಿಂಭಾಗದ ಸೀಟು ಮೊದಲಿಗೆ ಹೊರಗೆ ಬರುತ್ತದೆ. ಅದರ ಬೆನ್ನಲ್ಲಿಯೇ ಪೈಲಟ್ ಇರುವ ಸೀಟ್ ಕೂಡಾ ಹೊರ ಬಂದು ಪ್ಯಾರಾಚೂಟ್ ತೆರೆದುಕೊಳ್ಳುತ್ತದೆ.
ನವೆಂಬರ್ 2020ರಲ್ಲಿ ಮಿಗ್ - 29ಕೆ ಸರಣಿಯ ವಿಮಾನವೊಂದು ಪತನವಾದಾಗ ಪೈಲಟ್ ದುರ್ಮರಣ ಹೊಂದಿದ್ದರು. ಆದರೆ, ವಿಮಾನದಲ್ಲಿದ್ದ ಮತ್ತೊಬ್ಬ ಪೈಲಟ್ ಅನ್ನು ರಕ್ಷಣೆ ಮಾಡಲಾಗಿತ್ತು. ವಿಮಾನ ಚಲಾಯಿಸುತ್ತಿದ್ದ ಕಮಾಂಡರ್ ನಿಶಾಂತ್ ಸಿಂಗ್ ಅವರ ಪಾರ್ಥಿವ ಶರೀರವನ್ನು ಘಟನೆ ನಡೆದು 11 ದಿನಗಳ ಬಳಿಕ ಪತ್ತೆ ಮಾಡಲಾಗಿತ್ತು.
ಅದೇ ವರ್ಷ ಫೆಬ್ರುವರಿಯಲ್ಲಿ ಮತ್ತೊಂದು ಮಿಗ್ 29 ಕೆ ಯುದ್ಧ ವಿಮಾನ ಪತನವಾಗಿತ್ತು. ಹಕ್ಕಿ ಡಿಕ್ಕಿ ಹೊಡೆದ ಪರಿಣಾಮ ಯುದ್ಧ ವಿಮಾನ ಪತನಗೊಂಡಿತ್ತು. ಈ ವೇಳೆ ವಿಮಾನದಲ್ಲಿದ್ದ ಇಬ್ಬರೂ ಪೈಲಟ್‌ಗಳು ಜನ ವಸತಿ ಪ್ರದೇಶದ ಮೇಲೆ ವಿಮಾನ ಬೀಳದಂತೆ ನೋಡಿಕೊಂಡು ಸುರಕ್ಷಿತವಾಗಿ ವಿಮಾನದಿಂದ ಹೊರಗೆ ಬಂದಿದ್ದರು. ಪೈಲಟ್‌ಗಳ ಸಮಯ ಪ್ರಜ್ಞೆಯನ್ನು ಗೃಹ ಖಾತೆ ರಾಜ್ಯ ಸಚಿವ ಶ್ರೀಪಾದ ನಾಯಕ್ ಅವರು ಪ್ರಶಂಸಿಸಿದ್ದರು.
ನವೆಂಬರ್ 2019ರಲ್ಲಿ ಕೂಡಾ ಮಿಗ್ - 29 ಕೆ ಸರಣಿಯ ತರಬೇತಿ ವಿಮಾನ ಗೋವಾದ ಗ್ರಾಮವೊಂದರ ಹೊರ ವಲಯದಲ್ಲಿ ಪತನಗೊಂಡಿತ್ತು. ಈ ವೇಳೆ ವಿಮಾನದಲ್ಲಿದ್ದ ಇಬ್ಬರೂ ಪೈಲಟ್‌ಗಳು ಸುರಕ್ಷಿತವಾಗಿ ಹೊರ ಬಂದಿದ್ದರು.