3,000 ಕೋಟಿ ರೂ ಮೌಲ್ಯದ ಯುದ್ಧೋಪಕರಣಗಳ ಖರೀದಿಗೆ ರಕ್ಷಣಾ ಸಚಿವಾಲಯ ಅನುಮತಿ

ಹೊಸದಿಲ್ಲಿ: ನೌಕಾಪಡೆಯ ಎರಡು ರಹಸ್ಯ ಯುದ್ಧನೌಕೆಗಳಿಗೆ ಬ್ರಹ್ಮೋಸ್‌ ಸೂಪರ್‌ಸಾನಿಕ್ ಕ್ರೂಯಿಸ್ ಕ್ಷಿಪಣಿಗಳು ಮತ್ತು ಭೂಸೇನೆಯ 'ಅರ್ಜುನ್‌' ಪ್ರಧಾನ ಸಮರ ಟ್ಯಾಂಕ್‌ಗಳಿಗೆ ಸಶಸ್ತ್ರ ರಿಕವರಿ ವಾಹನಗಳ ಸಹಿತ 3,000 ಕೋಟಿ ರೂ ಮೌಲ್ಯದ ಮಿಲಿಟರಿ ಖರೀದಿಗೆ ರಕ್ಷಣಾ ಸಚಿವಾಲಯ ಶನಿವಾರ ಅನುಮತಿ ನೀಡಿದೆ.

ರಕ್ಷಣಾ ಖರೀದಿ ಮಂಡಳಿ (ಡಿಫೆನ್ಸ್‌ ಅಕ್ವಿಸಿಷನ್‌ ಕೌನ್ಸಿಲ್- ಡಿಎಸಿ) ಇದಕ್ಕೆ ಅನುಮತಿ ನೀಡಿದೆ ಎಂದು ಹಿರಿಯ ಸೇನಾಧಿಕಾರಿಯೊಬ್ಬರು ತಿಳಿಸಿದರು.

'ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಅಧ್ಯಕ್ಷತೆಯ ಡಿಎಸಿ 3,000 ಕೋಟಿ ರೂ.ಗಳ ಮೌಲ್ಯದ ರಕ್ಷಣಾ ಉಪಕರಣಗಳ ಖರೀದಿಗೆ ಅನುಮತಿ ನೀಡಿದೆ' ಎಂದು ಅವರು ತಿಳಿಸಿದರು.

100 ಕೋಟಿ ಡಾಲರ್‌ ವೆಚ್ಚದ ಎರಡು ರಹಸ್ಯ ಯುದ್ಧನೌಕೆಗಳನ್ನು ಭಾರತ ಖರೀದಿಸುತ್ತಿದ್ದು, ಎರಡಕ್ಕೂ ಸ್ವದೇಶಿ ನಿರ್ಮಿತ ಬ್ರಹ್ಮೋಸ್ ಕ್ಷಿಪಣಿಗಳನ್ನು ಅಳವಡಿಸಲಿದೆ.