ಹೊಸದಿಲ್ಲಿ: ಹದಿನೇಳು ವರ್ಷಗಳ ಬಳಿಕ ಭಾರತಕ್ಕೆ ಮಿಸ್‌ ವರ್ಲ್ಡ್‌ ಪಟ್ಟ ದಕ್ಕಿಸಿಕೊಟ್ಟ ಮಾನುಷಿ ಛಿಲ್ಲರ್‌ ಪ್ರತಿಭಾವಂತೆ. ಓದಿನಲ್ಲೂ ಮುಂದಿರುವ ಮಾನುಷಿ, ಇಂಗ್ಲಿಷ್‌ ಮೇಲೆ ಭಾರಿ ಹಿಡಿತ ಹೊಂದಿದ್ದಾರೆ. ಮಾನುಷಿ ಬಗೆಗಿನ ಇನ್ನಷ್ಟು ಮಾಹಿತಿ ಇಲ್ಲಿದೆ...
ಮಾನುಷಿ ಛಿಲ್ಲರ್‌ ಅವರು ಡಾ. ಮಿತ್ರಾ ಬಸು ಛಿಲ್ಲರ್‌ ಮತ್ತು ಡಾ. ನೀಲಮ್‌ ಛಿಲ್ಲರ್‌ ದಂಪತಿಯ ಪುತ್ರಿ. ಮಾನುಷಿ ತಂದೆ 'ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ'ಯಲ್ಲಿ (ಡಿಆರ್‌ಡಿಒ) ವಿಜ್ಞಾನಿ. ತಾಯಿ ನೀಲಮ್‌ ಅವರು 'ಇನ್ಸ್‌ಟಿಟ್ಯೂಟ್‌ ಆಫ್‌ ಹ್ಯೂಮನ್‌ ಬಿಹೇವಿಯರ್‌ ಆ್ಯಂಡ್‌ ಅಲೀಡ್‌ ಸೈನ್ಸಸ್‌' ಸಂಸ್ಥೆಯಲ್ಲಿ ನ್ಯೂರೊ-ಕೆಮಿಸ್ಟ್ರಿ ವಿಭಾಗದ ಮುಖ್ಯಸ್ಥರು.
* ಮಾನುಷಿ ಛಿಲ್ಲರ್‌ ಸೌಂದರ್ಯ ಸ್ಪರ್ಧೆಗೆ ನೋಂದಾಯಿಸಿಕೊಂಡಾಗ ಮೆಡಿಸಿನ್‌ ಮತ್ತು ಸರ್ಜರಿಯಲ್ಲಿ ಪದವಿ ವಿದ್ಯಾಭ್ಯಾಸ ಮಾಡುತ್ತಿದ್ದರು.
* ಕೂಚುಪುಡಿ ನೃತ್ಯದಲ್ಲೂ ಛಿಲ್ಲರ್‌ ಸೈ ಎನಿಸಿಕೊಂಡಿದ್ದಾರೆ. ಖ್ಯಾತ ನೃತ್ಯಕಲಾವಿದರಾದ ರಾಜಾ ಮತ್ತು ರಾಧಾ ರೆಡ್ಡಿ ಇವರ ಗುರುಗಳು.
* 'ನ್ಯಾಷನಲ್‌ ಸ್ಕೂಲ್‌ ಆಫ್‌ ಡ್ರಾಮಾ' ಜತೆ ಒಡನಾಟವನ್ನೂ ಹೊಂದಿರುವ ಇವರು, ಉತ್ತಮ ಈಜುಪಟು.
* ಶಾಲೆಯ ದಿನಗಳಿಂದಲೂ ಕವನ, ಪೇಂಟಿಂಗ್‌ನಲ್ಲೂ ತೀವ್ರ ಆಸಕ್ತಿಯನ್ನು ಹೊಂದಿದ್ದಾರೆ.
* ಆಂಗ್ಲ ಭಾಷೆಯ ಮೇಲೆ ಅಗಾಧ ಹಿಡಿತ ಇರುವ ಮಾನುಷಿ, ಸಿಬಿಎಸಿ 12ನೇ ತರಗತಿಯಲ್ಲಿ ಇಂಗ್ಲಿಷ್‌ ಭಾಷೆಯಲ್ಲಿ ಆಲ್‌ ಇಂಡಿಯಾ ಟಾಪರ್‌.
iss World Manushi Chillar was english topper