ಪೊಲೀಸರನ್ನೇ ಸುಡಲು ಮುಂದಾದ ಇರಾನಿ ಗ್ಯಾಂಗ್‌

ಕಲ್ಯಾಣ್‌: ಕುಖ್ಯಾತ ಇರಾನಿ ಗ್ಯಾಂಗ್‌ನ ಸರಗಳ್ಳರನ್ನು ಹಿಡಿಯಲು ಹೋದ ಪೊಲೀಸರ ಮೇಲೆ ತಂಡದ ಮಹಿಳೆಯರು ದಾಳಿ ನಡೆಸಿದ್ದು, ಪೇದೆಯನ್ನು ಜೀವಂತ ಸುಡಲು ಯತ್ನಿಸಿದ ಘಟನೆ ನಡೆದಿದೆ.

ಡಿಸಿಪಿ ಸುನಿಲ್‌ ಭಾರಾದ್ವಜ್‌ ಅವರ ನೇತೃತ್ವದ ತಂಡ ಅಂಬಿವ್ಲಿ ಬಳಿ ಭಾನುವಾರ ಮುಂಜಾನೆ ಇರಾನಿ ಗ್ಯಾಂಗ್‌ನ ಸಮಿರ್‌ ಇರಾನಿ ಹಾಗೂ ಹಸನ್‌ ಇರಾನಿ ಸಯ್ಯದ್‌ ಎಂಬವರನ್ನು ಬಂಧಿಸಿದ್ದರು. ಆದರೆ, ದಾರಿ ಮಧ್ಯದಲ್ಲಿ ಪೊಲೀಸರು ಹಾಗೂ ಇಬ್ಬರು ಆರೋಪಿಗಳ ನಡುವೆ ಮಾತನಿ ಚಕಮಕಿ ನಡೆದಿದೆ. ಈ ವೇಳೆ ತಪ್ಪಿಸಿಕೊಂಡ ಆರೋಪಿಗಳೂ ಅಂಬಿವ್ಲಿ ಕಡೆ ಓಡಿದ್ದರು.

ಕಳ್ಳರ ಬೆನ್ನಟ್ಟಿ ಬಂದ ಪೊಲೀಸರ ಮೇಲೆ ಮುಗಿಬಿದ್ದ 25 ಮಂದಿಯ ತಂಡ, ಕಲ್ಲು ಹೊಡೆದು ಪೊಲೀಸರನ್ನೇ ಅಟ್ಟಾಡಿಸಿಕೊಂಡು ಥಳಿಸಿದ್ದಾರೆ. ನಂತರ ಪೊಲೀಸ್‌ ಪೇದೆ ದಾಜೀ ಗಾಯಕ್‌ವಾಡ್‌ ಎಂಬವರ ಮೇಲೆ ಸೀಮೆ ಎಣ್ಣೆಯಿಂದ ಸುರಿದು ಕೊಲ್ಲಲು ಯತ್ನಿಸಿದ್ದಾರೆ.

'ಪೇದೆ ನೀಡಿದ ದೂರಿನ ಆದಾರದಲ್ಲಿ 25 ಮಂದಿಯ ವಿರುದ್ಧವು ಪ್ರಕರಣ ದಾಖಲಿಸಲಾಗಿದೆ,' ಎಂದು ಖದಕ್‌ಪಾಡಾದ ಎನಿಸಿ ಅಜಿತ್‌ ಜಾಧವ್‌ ಹೇಳಿದ್ದಾರೆ.