6 ದಿನ ಮೊಬೈಲ್‌ ಪೊರ್ಟೆಬಲಿಟಿ ಸ್ಥಗಿತ : ಹೊಸ ನಿಯಮ ಜಾರಿ ಪರಿಣಾಮ

ಹೊಸದಿಲ್ಲಿ: ನವೆಂಬರ್‌ 4ರಿಂದ 10ರವರೆಗೂ ಮೊಬೈಲ್‌ ಸಂಖ್ಯೆಯನ್ನು ಒಂದು ನೆಟ್‌ವರ್ಕ್ನಿಂದ ಮತ್ತೊಂದು ನೆಟ್‌ವರ್ಕ್ಗೆ ಬದಲಾಯಿಸುವ 'ನಂಬರ್‌ ಪೋರ್ಟೆಬಿಲಿಟಿ' ಸೇವೆಯನ್ನು ತಾತ್ಕಲಿಕವಾಗಿ ಸ್ಥಗಿತಗೊಳಿಸಲಾಗುವುದು ಎಂದು ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್‌) ತಿಳಿಸಿದೆ. ನವೆಂಬರ್‌ 11ರಿಂದ ನಂಬರ್‌ ಪೋರ್ಟೆಬಿಲಿಟಿಗೆ ಸಂಬಂಧಿಸಿದಂತೆ ಹೊಸ ನಿಯಮಗಳು ಜಾರಿಯಾಗುವ ಹಿನ್ನೆಲೆಯಲ್ಲಿಇದಕ್ಕೆ ಸಿದ್ಧತೆ ನಡೆಸಲು ಸೇವೆಯನ್ನು ತಾತ್ಕಾಲಿಕವಾಗ ಸ್ಥಗಿತಗೊಳಿಸಲಾಗುವುದು ಎಂದು ಪ್ರಕಟಣೆಯಲ್ಲಿಟ್ರಾಯ್‌ ತಿಳಿಸಿದೆ.

ಕರೆಗಳಿಗೆ ದರ ವಿಧಿಸಿದ ಜಿಯೊ

ಪೋರ್ಟೆಬಿಲಿಟಿ ಸೇವೆ ಯಾವಾಗ ಸ್ಥಗಿತ?
2019ರ ನವೆಮಬರ್‌ 4ರ ಸಂಜೆ 6 ಗಂಟೆಯಿಂದ 2019ರ ನವೆಂಬರ್‌ 10ರ ಮಧ್ಯರಾತ್ರಿ 12 ಗಂಟೆವರೆಗೆ.

ಒಂದು ವಾರ ಕಾಲ ಏಕೆ ಸ್ಥಗಿತ?
ನ.11ರಿಂದ ಪೋರ್ಟೆಬಿಲಿಟಿಗೆ ಸಂಬಂಧಿಸಿ ಹೊಸ ನಿಯಮ ಜಾರಿಯಾಗುವುದರಿಂದ.

ವಿವಿಧ ಸರಕಾರಿ ಆ್ಯಪ್‌ಗಳ ಬಗ್ಗೆ ನಿಮಗೆ ತಿಳಿದಿದೆಯೇ?

ಮನವಿ ಸಲ್ಲಿಸಿದರೆ ಏನಾಗುತ್ತದೆ?
ಈ ಅವಧಿಯಲ್ಲಿ ನಂಬರ್‌ ಪೊರ್ಟೆಬಿಲಿಟಿಗೆ ಎಸ್‌ಎಂಎಸ್‌ ಮೂಲಕ ಮನವಿ ಸಲ್ಲಿಸಿದರೂ 'ಯೂನಿಕ್‌ ಪೋರ್ಟಿಂಗ್‌ ಕೋಡ್‌' ಸೃಷ್ಟಿಯಾಗುವುದಿಲ್ಲ.

4ಜಿ ಸ್ಪೀಡ್‌ನಲ್ಲಿ ಯಾರು ನಂ.1?

ಹೊಸ ನಿಯಮ ಏನು, ಎತ್ತ?

• ಇಡೀ ಪೋರ್ಟಿಂಗ್‌ ಪ್ರಕ್ರಿಯೆಯನ್ನು ಸರಳ ಮತ್ತು ಕ್ಷಿಪ್ರಗೊಳಿಸಲು ಕ್ರಮ
• ನಿರ್ದಿಷ್ಟ ಸೇವಾ ವಲಯದಲ್ಲಿ ಪೋರ್ಟಿಂಗ್‌ ಸೇವೆ ಎರಡು ದಿನದಲ್ಲೇ ಮುಕ್ತಾಯ
• ಒಂದು ಸೇವಾ ವೃತ್ತದಿಂದ ಮತ್ತೊಂದು ಸೇವಾ ವೃತ್ತದ ಪೋರ್ಟಿಂಗ್‌ 5 ದಿನದಲ್ಲಿ ಪೂರ್ಣ