ಕೇಂದ್ರದ ಪ್ಯಾಕೇಜ್‌ನ್ನು 'ಜುಮ್ಲಾ ಪ್ಯಾಕೇಜ್' ಎಂದು ಕುಹುಕವಾಡಿದ ಕಾಂಗ್ರೆಸ್!

ನವದೆಹಲಿ: ಮಾರಕ ಕೊರೊನಾ ವೈರಸ್ ನೀಡಿರುವ ಆರ್ಥಿಕ ಹೊಡೆತದಿಂದ ತಪ್ಪಿಸಿಕೊಳ್ಳಲು ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಬರೋಬ್ಬರಿ 20 ಲಕ್ಷ ಕೋಟಿ ರೂ. ವಿಶೇಷ ಆರ್ಥಿಕ ಪ್ಯಾಕೇಜ್ ಘೋಷಿಸಿದೆ.

ಒಟ್ಟು ಎರಡು ಹಂತದಲ್ಲಿ ವಿಶೇಷ ಆರ್ಥಿಕ ಪ್ಯಾಕೇಜ್ ಘೋಷಿಸಿರುವ ಕೇಂದ್ರ ಸರ್ಕಾರ, ಎಲ್ಲ ಜನ ಸಮುದಾಯಕ್ಕೆ ಅನುಕೂಲವಾಗುವಂತ ಯೋಜನೆಗಳನ್ನು ರೂಪಿಸಿದೆ.

ಆದರೆ ಕೇಂದ್ರ ಸರ್ಕಾರದ ಈ ವಿಶೇಷ ಆರ್ಥಿಕ ಪ್ಯಾಕೇಜ್‌ನ್ನು 'ಜುಮ್ಲಾ ಪ್ಯಾಕೇಜ್'(ಪೊಳ್ಳು ಭರವಸೆಯ ಪ್ಯಾಕೇಜ್) ಎಂದು ಕಾಂಗ್ರೆಸ್ ಕುಹುಕವಾಡಿದೆ.

ಆತ್ಮ ನಿರ್ಭರ ಭಾರತ ಸಂಕಲ್ಪ: 20 ಲಕ್ಷ ಕೋಟಿ ರೂ. ಪ್ಯಾಕೇಜ್ ಘೋಷಿಸಿದ ಪ್ರಧಾನಿ ಮೋದಿ!

ಕೇಂದ್ರ ಸರ್ಕಾರ 20 ಲಕ್ಷ ಕೋಟಿ ರೂ.ಗಳ ಹೆಸರಲ್ಲಿ ಜನರ ಕಣ್ಣಿಗೆ ಮಣ್ಣೆರಚುವ ತಂತ್ರಕ್ಕೆ ಮೊರೆ ಹೋಗಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ. ಅಲ್ಲದೇ ಈ 20 ಲಕ್ಷ ಕೋಟಿ ರೂ.ಗಳಲ್ಲಿ ಬಡವರ ಕೈಗೆ ಒಂದೂ ನಯಾ ಪೈಸೆಯೂ ದೊರಕದು ಹರಿಹಾಯ್ದಿದೆ.

Video: ವಿಕೆ ಸುದ್ದಿ ಸಮಗ್ರ: ದಿನದ ಟಾಪ್‌ 10 ಸುದ್ದಿಗಳ ರೌಂಡ್‌ ಅಪ್‌
ದೇಶದ ರಸ್ತೆಗಳಲ್ಲಿ ಲಕ್ಷಾಂತರ ಕಾರ್ಮಿಕರು ಅನ್ನ ಆಹಾರವಿಲ್ಲದೇ ಪರದಾಡುತ್ತಿದ್ದಾರೆ. ದೇಶದ ಆರ್ಥಿಕ ವ್ಯವಸ್ಥೆ ನೆಲ ಕಚ್ಚಿದೆ. ಇದಕ್ಕೆಲ್ಲಾ ಪರಿಹಾರ ಕೇಳಿದರೆ 20 ಲಕ್ಷ ಕೋಟಿ ರೂ. ಪ್ಯಾಕೇಜ್‌ ಎಂಬ ಕನಸನ್ನು ಮೋದಿ ಸರ್ಕಾರ ತೋರಿಸುತ್ತದೆ ಎಂದು ಕಾಂಗ್ರೆಸ್ ಹರಿಹಾಯ್ದಿದೆ.

ಆರ್ಥಿಕತೆ ಮೇಲೆತ್ತಲು ಮೋದಿ ಸರ್ಕಾರದ ಹೊಸ ಸೂತ್ರ: ಏನಿದು RRR ಪ್ಲ್ಯಾನ್?

ಅಲ್ಲದೇ 20 ಲಕ್ಷ ಕೋಟಿ. ರೂ. ಪ್ಯಾಕೇಜ್ ಅಸಲಿಯತ್ತೇನು ಎಂಬುದರ ಪಟ್ಟಿ ಮಾಡಿರುವ ಕಾಂಗ್ರೆಸ್, ಇದು ಮೋದಿ ಸರ್ಕಾರದ 'ಜುಮ್ಲಾ ಪ್ಯಾಕೇಜ್' ಎಂದು ಆಕ್ರೋಶ ವ್ಯಕ್ತಪಡಿಸಿದೆ.